Iosue 19 Comparatio: Vulgate vs Clementine Vulgate

Iosue 19

¹et egressa est sors secunda filiorum Symeon per cognationes suas fuitque hereditas

²eorum in medio possessionis filiorum Iuda Bersabee et Sabee et Molada

³et Asersual Bala et Asem

⁴et Heltholath Bethul Arma

⁵et Seceleg et Bethmarchaboth Asersusa

⁶et Bethlebaoth et Saroen civitates tredecim et villae earum

⁷Ahin et Remmon et Athar et Asan civitates quattuor et villae earum

⁸omnes viculi per circuitum urbium istarum usque ad Balaath Berrameth contra australem plagam haec est hereditas filiorum Symeon iuxta cognationes suas

⁹in funiculo et possessione filiorum Iuda quia maior erat et idcirco possederunt filii Symeon in medio hereditatis eorum

¹⁰cecidit quoque sors tertia filiorum Zabulon per cognationes suas et factus est terminus possessionis eorum usque Sarith

¹¹ascenditque de mari et Medala ac pervenit in Debbaseth usque ad torrentem qui est contra Iecennam

¹²et revertitur de Sarith contra orientem in fines Ceseleththabor et egreditur ad Dabereth ascenditque contra Iafie

¹³et inde pertransit ad orientalem plagam Getthefer Etthacasin et egreditur in Remmon Ampthar et Noa

¹⁴et circuit ad aquilonem et Nathon suntque egressus eius vallis Iepthahel

¹⁵et Catheth et Nehalal et Semron et Iedala et Bethleem civitates duodecim et villae earum

¹⁶haec est hereditas tribus filiorum Zabulon per cognationes suas urbes et viculi earum

¹⁷Isachar egressa est sors quarta per cognationes suas

¹⁸fuitque eius hereditas Hiezrahel et Chasaloth et Sunem

¹⁹et Afaraim Seon et Anaarath

²⁰et Rabbith et Cesion Abes

²¹et Rameth et Engannim et Enadda et Bethfeses

²²et pervenit terminus usque Thabor et Seesima et Bethsemes eruntque exitus eius Iordanes civitates sedecim et villae earum

²³haec est possessio filiorum Isachar per cognationes suas urbes et viculi earum

²⁴cecidit sors quinta tribui filiorum Aser per cognationes suas

²⁵fuitque terminus eorum Alchath et Oali et Beten et Axab

²⁶Elmelech et Amaad et Messal et pervenit usque ad Carmelum maris et Siorlabanath

²⁷ac revertitur contra orientem Bethdagon et pertransit usque Zabulon et vallem Iepthahel contra aquilonem in Bethemech et Neihel egrediturque ad levam Chabul

²⁸et Achran et Roob et Amon et Canae usque ad Sidonem magnam

²⁹revertiturque in Orma usque ad civitatem munitissimam Tyrum et usque Osa eruntque exitus eius in mare de funiculo Acziba

³⁰et Amma et Afec et Roob civitates viginti duae et villae earum

³¹haec est possessio filiorum Aser per cognationes suas urbes et viculi earum

³²filiorum Nepthalim sexta pars cecidit per familias suas

³³et coepit terminus de Heleb et Helon in Sananim et Adami quae est Neceb et Iebnahel usque Lecum et egressus eorum usque ad Iordanem

³⁴revertiturque terminus contra occidentem in Aznoththabor atque inde egreditur in Ucoca et pertransit in Zabulon contra meridiem et in Aser contra occidentem et in Iuda ad Iordanem contra ortum solis

³⁵civitates munitissimae Aseddim Ser et Ammath et Recchath Chenereth

³⁶et Edema et Arama Asor

³⁷et Cedes et Edrai Nasor

³⁸et Ieron et Magdalel Horem et Bethanath et Bethsemes civitates decem et novem et villae earum

³⁹haec est possessio tribus filiorum Nepthali per cognationes suas urbes et viculi earum

⁴⁰tribui filiorum Dan per familias suas egressa est sors septima

⁴¹et fuit terminus possessionis eius Saraa et Esthaol et Ahirsemes id est civitas Solis

⁴²Selebin et Ahialon et Iethela

⁴³Helon et Themna et Acron

⁴⁴Helthecen et Gebthon et Baalath

⁴⁵Iud et Benebarach et Gethremmon

⁴⁶aquae Hiercon et Areccon cum termino qui respicit Ioppen

⁴⁷et ipso fine concluditur ascenderuntque filii Dan et pugnaverunt contra Lesem ceperuntque eam et percusserunt in ore gladii ac possederunt et habitaverunt in ea vocantes nomen eius Lesemdan ex nomine Dan patris sui

⁴⁸haec est possessio tribus filiorum Dan per cognationes suas urbes et viculi earum

⁴⁹cumque conplesset terram sorte dividere singulis per tribus suas dederunt filii Israhel possessionem Iosue filio Nun in medio sui

⁵⁰iuxta praeceptum Domini urbem quam postulavit Thamnathseraa in monte Ephraim et aedificavit civitatem habitavitque in ea

⁵¹hae sunt possessiones quas sorte diviserunt Eleazar sacerdos et Iosue filius Nun et principes familiarum ac tribuum filiorum Israhel in Silo coram Domino ad ostium tabernaculi testimonii partitique sunt terram

Iosue 19

¹Et egressa est sors secunda filiorum Simeon per cognationes suas : fuitque hæreditas

²eorum in medio possessionis filiorum Juda : Bersabee et Sabee et Molada

³et Hasersual, Bala et Asem

⁴et Eltholad, Bethul et Harma

⁵et Siceleg et Bethmarchaboth et Hasersusa

⁶et Bethlebaoth et Sarohen : civitates tredecim, et villæ earum.

⁷Ain et Remmon et Athar et Asan : civitates quatuor, et villæ earum :

⁸omnes viculi per circuitum urbium istarum usque ad Baalath Beer Ramath contra australem plagam. Hæc est hæreditas filiorum Simeon juxta cognationes suas,

⁹in possessione et funiculo filiorum Juda : quia major erat, et idcirco filii Simeon possederunt in medio hæreditatis eorum.

¹⁰Ceciditque sors tertia filiorum Zabulon per cognationes suas : factus est terminus possessionis eorum usque Sarid.

¹¹Ascenditque de mari et Merala, et pervenit in Debbaseth, usque ad torrentem qui est contra Jeconam.

¹²Et revertitur de Sared contra orientem in fines Ceseleththabor : et egreditur ad Dabereth, ascenditque contra Japhie.

¹³Et inde pertransit usque ad orientalem plagam Gethepher et Thacasin : et egreditur in Remmon, Amthar et Noa.

¹⁴Et circuit ad aquilonem Hanathon : suntque egressus ejus vallis Jephthaël,

¹⁵et Cateth et Naalol et Semeron et Jerala et Bethlehem : civitates duodecim, et villæ earum.

¹⁶Hæc est hæreditas tribus filiorum Zabulon per cognationes suas, urbes et viculi earum.

¹⁷Issachar egressa est sors quarta per cognationes suas :

¹⁸fuitque ejus hæreditas Jezraël et Casaloth et Sunem

¹⁹et Hapharaim et Seon, et Anaharath

²⁰et Rabboth et Cesion, Abes,

²¹et Rameth, et Engannim, et Enhadda et Bethpheses.

²²Et pervenit terminus ejus usque Thabor et Sehesima et Bethsames, eruntque exitus ejus Jordanis : civitates sedecim, et villæ earum.

²³Hæc est possessio filiorum Issachar per cognationes suas, urbes et viculi earum.

²⁴Ceciditque sors quinta tribui filiorum Aser per cognationes suas :

²⁵fuitque terminus eorum Halcath et Chali et Beten et Axaph

²⁶et Elmelech et Amaad et Messal : et pervenit usque ad Carmelum maris et Sihor et Labanath,

²⁷ac revertitur contra orientem Bethdagon : et pertransit usque Zabulon et vallem Jephthaël contra aquilonem in Bethemec et Nehiel. Egrediturque ad lævam Cabul,

²⁸et Abran et Rohob et Hamon et Cana, usque ad Sidonem magnam.

²⁹Revertiturque in Horma usque ad civitatem munitissimam Tyrum, et usque Hosa : eruntque exitus ejus in mare de funiculo Achziba :

³⁰et Amma et Aphec et Rohob : civitates viginti duæ, et villæ earum.

³¹Hæc est possessio filiorum Aser per cognationes suas, urbesque et viculi earum.

³²Filiorum Nephthali sexta sors cecidit per familias suas :

³³et cœpit terminus de Heleph et Elon in Saananim, et Adami, quæ est Neceb, et Jebnaël usque Lecum : et egressus eorum usque ad Jordanem :

³⁴revertiturque terminus contra occidentem in Azanotthabor, atque inde egreditur in Hucuca, et pertransit in Zabulon contra meridiem, et in Aser contra occidentem, et in Juda ad Jordanem contra ortum solis :

³⁵civitates munitissimæ, Assedim, Ser, et Emath, et Reccath et Cenereth,

³⁶et Edema et Arama, Asor

³⁷et Cedes et Edrai, Enhasor,

³⁸et Jeron et Magdalel, Horem et Bethanath et Bethsames : civitates decem et novem, et villæ earum.

³⁹Hæc est possessio tribus filiorum Nephthali per cognationes suas, urbes et viculi earum.

⁴⁰Tribui filiorum Dan per familias suas egressa est sors septima :

⁴¹et fuit terminus possessionis ejus Sara et Esthaol, et Hirsemes, id est, civitas solis.

⁴²Selebin et Ajalon et Jethela,

⁴³Elon et Themna et Acron,

⁴⁴Elthece, Gebbethon et Balaath,

⁴⁵et Jud et Bane et Barach et Gethremmon :

⁴⁶et Mejarcon et Arecon, cum termino qui respicit Joppen,

⁴⁷et ipso fine concluditur. Ascenderuntque filii Dan, et pugnaverunt contra Lesem, ceperuntque eam : et percusserunt eam in ore gladii, et possederunt, et habitaverunt in ea, vocantes nomen ejus Lesem Dan, ex nomine Dan patris sui.

⁴⁸Hæc est possessio tribus filiorum Dan, per cognationes suas, urbes et viculi earum.

⁴⁹Cumque complesset sorte dividere terram singulis per tribus suas, dederunt filii Israël possessionem Josue filio Nun in medio sui,

⁵⁰juxta præceptum Domini, urbem quam postulavit Thamnath Saraa in monte Ephraim : et ædificavit civitatem, habitavitque in ea.

⁵¹Hæ sunt possessiones, quas sorte diviserunt Eleazar sacerdos, et Josue filius Nun, et principes familiarum ac tribuum filiorum Israël in Silo, coram Domino ad ostium tabernaculi testimonii : partitique sunt terram.