1Sicut divisiones aquarum, ita cor regis in manu Domini : quocumque voluerit, inclinabit illud.stylus2Omnis via viri recta sibi videtur : appendit autem corda Dominus.stylus3Facere misericordiam et judicium magis placet Domino quam victimæ.stylus4Exaltatio oculorum est dilatatio cordis ; lucerna impiorum peccatum.stylus5Cogitationes robusti semper in abundantia ; omnis autem piger semper in egestate est.stylus6Qui congregat thesauros lingua mendacii vanus et excors est, et impingetur ad laqueos mortis.stylus7Rapinæ impiorum detrahent eos, quia noluerunt facere judicium.stylus8Perversa via viri aliena est ; qui autem mundus est, rectum opus ejus.stylus9Melius est sedere in angulo domatis, quam cum muliere litigiosa, et in domo communi.stylus10Anima impii desiderat malum : non miserebitur proximo suo.stylus11Mulctato pestilente, sapientior erit parvulus, et si sectetur sapientem, sumet scientiam.stylus12Excogitat justus de domo impii, ut detrahat impios a malo.stylus13Qui obturat aurem suam ad clamorem pauperis, et ipse clamabit, et non exaudietur.stylus14Munus absconditum extinguit iras, et donum in sinu indignationem maximam.stylus15Gaudium justo est facere judicium, et pavor operantibus iniquitatem.stylus16Vir qui erraverit a via doctrinæ in cœtu gigantum commorabitur.stylus17Qui diligit epulas in egestate erit ; qui amat vinum et pinguia non ditabitur.stylus18Pro justo datur impius, et pro rectis iniquus.stylus19Melius est habitare in terra deserta quam cum muliere rixosa et iracunda.stylus20Thesaurus desiderabilis, et oleum in habitaculo justi : et imprudens homo dissipabit illud.stylus21Qui sequitur justitiam et misericordiam inveniet vitam, justitiam, et gloriam.stylus22Civitatem fortium ascendit sapiens, et destruxit robur fiduciæ ejus.stylus23Qui custodit os suum et linguam suam custodit ab angustiis animam suam.stylus24Superbus et arrogans vocatur indoctus, qui in ira operatur superbiam.stylus25Desideria occidunt pigrum : noluerunt enim quidquam manus ejus operari.stylus26Tota die concupiscit et desiderat ; qui autem justus est, tribuet, et non cessabit.stylus27Hostiæ impiorum abominabiles, quia offeruntur ex scelere.stylus28Testis mendax peribit ; vir obediens loquetur victoriam.stylus29Vir impius procaciter obfirmat vultum suum ; qui autem rectus est corrigit viam suam.stylus30Non est sapientia, non est prudentia, non est consilium contra Dominum.stylus31Equus paratur ad diem belli ; Dominus autem salutem tribuit.stylus
