1לא לנו יהוה לא לנו כי לשמך תן כבוד על חסדך על אמתך׃stylus···2למה יאמרו הגוים איה נא אלהיהם׃stylus···3ואלהינו בשמים כל אשר חפץ עשה׃stylus···4עצביהם כסף וזהב מעשה ידי אדם׃stylus···5פה להם ולא ידברו עינים להם ולא יראו׃stylus···6אזנים להם ולא ישמעו אף להם ולא יריחון׃stylus7ידיהם ולא ימישון רגליהם ולא יהלכו לא יהגו בגרונם׃stylus8כמוהם יהיו עשיהם כל אשר בטח בהם׃stylus···9ישראל בטח ביהוה עזרם ומגנם הוא׃stylus···10בית אהרן בטחו ביהוה עזרם ומגנם הוא׃stylus···11יראי יהוה בטחו ביהוה עזרם ומגנם הוא׃stylus···12יהוה זכרנו יברך יברך את בית ישראל יברך את בית אהרן׃stylus···13יברך יראי יהוה הקטנים עם הגדלים׃stylus···14יסף יהוה עליכם עליכם ועל בניכם׃stylus···15ברוכים אתם ליהוה עשה שמים וארץ׃stylus···16השמים שמים ליהוה והארץ נתן לבני אדם׃stylus···17לא המתים יהללו יה ולא כל ירדי דומה׃stylus···18ואנחנו נברך יה מעתה ועד עולם הללו יה׃stylus···