1ויאמר יהוה אל משה פסל לך שני לחת אבנים כראשנים וכתבתי על הלחת את הדברים אשר היו על הלחת הראשנים אשר שברת׃stylus···2והיה נכון לבקר ועלית בבקר אל הר סיני ונצבת לי שם על ראש ההר׃stylus···3ואיש לא יעלה עמך וגם איש אל ירא בכל ההר גם הצאן והבקר אל ירעו אל מול ההר ההוא׃stylus···4ויפסל שני לחת אבנים כראשנים וישכם משה בבקר ויעל אל הר סיני כאשר צוה יהוה אתו ויקח בידו שני לחת אבנים׃stylus5וירד יהוה בענן ויתיצב עמו שם ויקרא בשם יהוה׃stylus···6ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃stylus···7נצר חסד לאלפים נשא עון ופשע וחטאה ונקה לא ינקה פקד עון אבות על בנים ועל בני בנים על שלשים ועל רבעים׃stylus···8וימהר משה ויקד ארצה וישתחו׃stylus···9ויאמר אם נא מצאתי חן בעיניך אדני ילך נא אדני בקרבנו כי עם קשה ערף הוא וסלחת לעוננו ולחטאתנו ונחלתנו׃stylus···10ויאמר הנה אנכי כרת ברית נגד כל עמך אעשה נפלאת אשר לא נבראו בכל הארץ ובכל הגוים וראה כל העם אשר אתה בקרבו את מעשה יהוה כי נורא הוא אשר אני עשה עמך׃stylus···11שמר לך את אשר אנכי מצוך היום הנני גרש מפניך את האמרי והכנעני והחתי והפרזי והחוי והיבוסי׃stylus···12השמר לך פן תכרת ברית ליושב הארץ אשר אתה בא עליה פן יהיה למוקש בקרבך׃stylus···13כי את מזבחתם תתצון ואת מצבתם תשברון ואת אשריו תכרתון׃stylus···14כי לא תשתחוה לאל אחר כי יהוה קנא שמו אל קנא הוא׃stylus···15פן תכרת ברית ליושב הארץ וזנו אחרי אלהיהם וזבחו לאלהיהם וקרא לך ואכלת מזבחו׃stylus···16ולקחת מבנתיו לבניך וזנו בנתיו אחרי אלהיהן והזנו את בניך אחרי אלהיהן׃stylus···17אלהי מסכה לא תעשה לך׃stylus···18את חג המצות תשמר שבעת ימים תאכל מצות אשר צויתך למועד חדש האביב כי בחדש האביב יצאת ממצרים׃stylus···19כל פטר רחם לי וכל מקנך תזכר פטר שור ושה׃stylus···20ופטר חמור תפדה בשה ואם לא תפדה וערפתו כל בכור בניך תפדה ולא יראו פני ריקם׃stylus···21ששת ימים תעבד וביום השביעי תשבת בחריש ובקציר תשבת׃stylus···22וחג שבעת תעשה לך בכורי קציר חטים וחג האסיף תקופת השנה׃stylus···23שלש פעמים בשנה יראה כל זכורך את פני האדן יהוה אלהי ישראל׃stylus···24כי אוריש גוים מפניך והרחבתי את גבולך ולא יחמד איש את ארצך בעלתך לראות את פני יהוה אלהיך שלש פעמים בשנה׃stylus···25לא תשחט על חמץ דם זבחי ולא ילין לבקר זבח חג הפסח׃stylus···26ראשית בכורי אדמתך תביא בית יהוה אלהיך לא תבשל גדי בחלב אמו׃stylus···27ויאמר יהוה אל משה כתב לך את הדברים האלה כי על פי הדברים האלה כרתי אתך ברית ואת ישראל׃stylus···28ויהי שם עם יהוה ארבעים יום וארבעים לילה לחם לא אכל ומים לא שתה ויכתב על הלחת את דברי הברית עשרת הדברים׃stylus···29ויהי ברדת משה מהר סיני ושני לחת העדת ביד משה ברדתו מן ההר ומשה לא ידע כי קרן עור פניו בדברו אתו׃stylus···30וירא אהרן וכל בני ישראל את משה והנה קרן עור פניו וייראו מגשת אליו׃stylus···31ויקרא אלהם משה וישבו אליו אהרן וכל הנשאים בעדה וידבר משה אלהם׃stylus···32ואחרי כן נגשו כל בני ישראל ויצום את כל אשר דבר יהוה אתו בהר סיני׃stylus···33ויכל משה מדבר אתם ויתן על פניו מסוה׃stylus···34ובבא משה לפני יהוה לדבר אתו יסיר את המסוה עד צאתו ויצא ודבר אל בני ישראל את אשר יצוה׃stylus···35וראו בני ישראל את פני משה כי קרן עור פני משה והשיב משה את המסוה על פניו עד באו לדבר אתו׃stylus···