1וידבר יהוה אל משה לך עלה מזה אתה והעם אשר העלית מארץ מצרים אל הארץ אשר נשבעתי לאברהם ליצחק וליעקב לאמר לזרעך אתננה׃stylus···2ושלחתי לפניך מלאך וגרשתי את הכנעני האמרי והחתי והפרזי החוי והיבוסי׃stylus···3אל ארץ זבת חלב ודבש כי לא אעלה בקרבך כי עם קשה ערף אתה פן אכלך בדרך׃stylus···4וישמע העם את הדבר הרע הזה ויתאבלו ולא שתו איש עדיו עליו׃stylus···5ויאמר יהוה אל משה אמר אל בני ישראל אתם עם קשה ערף רגע אחד אעלה בקרבך וכליתיך ועתה הורד עדיך מעליך ואדעה מה אעשה לך׃stylus···6ויתנצלו בני ישראל את עדים מהר חורב׃stylus···7ומשה יקח את האהל ונטה לו מחוץ למחנה הרחק מן המחנה וקרא לו אהל מועד והיה כל מבקש יהוה יצא אל אהל מועד אשר מחוץ למחנה׃stylus···8והיה כצאת משה אל האהל יקומו כל העם ונצבו איש פתח אהלו והביטו אחרי משה עד באו האהלה׃stylus···9והיה כבא משה האהלה ירד עמוד הענן ועמד פתח האהל ודבר עם משה׃stylus···10וראה כל העם את עמוד הענן עמד פתח האהל וקם כל העם והשתחוו איש פתח אהלו׃stylus···11ודבר יהוה אל משה פנים אל פנים כאשר ידבר איש אל רעהו ושב אל המחנה ומשרתו יהושע בן נון נער לא ימיש מתוך האהל׃stylus···12ויאמר משה אל יהוה ראה אתה אמר אלי העל את העם הזה ואתה לא הודעתני את אשר תשלח עמי ואתה אמרת ידעתיך בשם וגם מצאת חן בעיני׃stylus···13ועתה אם נא מצאתי חן בעיניך הודעני נא את דרכך ואדעך למען אמצא חן בעיניך וראה כי עמך הגוי הזה׃stylus···14ויאמר פני ילכו והנחתי לך׃stylus···15ויאמר אליו אם אין פניך הלכים אל תעלנו מזה׃stylus···16ובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשר על פני האדמה׃stylus···17ויאמר יהוה אל משה גם את הדבר הזה אשר דברת אעשה כי מצאת חן בעיני ואדעך בשם׃stylus···18ויאמר הראני נא את כבדך׃stylus···19ויאמר אני אעביר כל טובי על פניך וקראתי בשם יהוה לפניך וחנתי את אשר אחן ורחמתי את אשר ארחם׃stylus···20ויאמר לא תוכל לראת את פני כי לא יראני האדם וחי׃stylus···21ויאמר יהוה הנה מקום אתי ונצבת על הצור׃stylus···22והיה בעבר כבדי ושמתיך בנקרת הצור ושכתי כפי עליך עד עברי׃stylus···23והסרתי את כפי וראית את אחרי ופני לא יראו׃stylus···