1ויהי אחרי מות שאול ודוד שב מהכות את העמלק וישב דוד בצקלג ימים שנים׃stylus···2ויהי ביום השלישי והנה איש בא מן המחנה מעם שאול ובגדיו קרעים ואדמה על ראשו ויהי בבאו אל דוד ויפל ארצה וישתחו׃stylus···3ויאמר לו דוד אי מזה תבוא ויאמר אליו ממחנה ישראל נמלטתי׃stylus···4ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו׃stylus···5ויאמר דוד אל הנער המגיד לו איך ידעת כי מת שאול ויהונתן בנו׃stylus···6ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהו׃stylus···7ויפן אחריו ויראני ויקרא אלי ואמר הנני׃stylus···8ויאמר לי מי אתה ויאמר אליו עמלקי אנכי׃stylus···9ויאמר אלי עמד נא עלי ומתתני כי אחזני השבץ כי כל עוד נפשי בי׃stylus10ואעמד עליו ואמתתהו כי ידעתי כי לא יחיה אחרי נפלו ואקח הנזר אשר על ראשו ואצעדה אשר על זרעו ואביאם אל אדני הנה׃stylus···11ויחזק דוד בבגדו ויקרעם וגם כל האנשים אשר אתו׃stylus···12ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל כי נפלו בחרב׃stylus···13ויאמר דוד אל הנער המגיד לו אי מזה אתה ויאמר בן איש גר עמלקי אנכי׃stylus···14ויאמר אליו דוד איך לא יראת לשלח ידך לשחת את משיח יהוה׃stylus···15ויקרא דוד לאחד מהנערים ויאמר גש פגע בו ויכהו וימת׃stylus···16ויאמר אליו דוד דמיך על ראשך כי פיך ענה בך לאמר אנכי מתתי את משיח יהוה׃stylus···17ויקנן דוד את הקינה הזאת על שאול ועל יהונתן בנו׃stylus···18ויאמר ללמד בני יהודה קשת הנה כתובה על ספר הישר׃stylus···19הצבי ישראל על במותיך חלל איך נפלו גבורים׃stylus···20אל תגידו בגת אל תבשרו בחוצת אשקלון פן תשמחנה בנות פלשתים פן תעלזנה בנות הערלים׃stylus···21הרי בגלבע אל טל ואל מטר עליכם ושדי תרומת כי שם נגעל מגן גבורים מגן שאול בלי משיח בשמן׃stylus···22מדם חללים מחלב גבורים קשת יהונתן לא נשוג אחור וחרב שאול לא תשוב ריקם׃stylus···23שאול ויהונתן הנאהבים והנעימם בחייהם ובמותם לא נפרדו מנשרים קלו מאריות גברו׃stylus···24בנות ישראל אל שאול בכינה המלבשכם שני עם עדנים המעלה עדי זהב על לבושכן׃stylus···25איך נפלו גברים בתוך המלחמה יהונתן על במותיך חלל׃stylus···26צר לי עליך אחי יהונתן נעמת לי מאד נפלאתה אהבתך לי מאהבת נשים׃stylus···27איך נפלו גבורים ויאבדו כלי מלחמה׃stylus···