1הנך יפה רעיתי הנך יפה עיניך יונים מבעד לצמתך שערך כעדר העזים שגלשו מהר גלעד׃stylus···2שניך כעדר הקצובות שעלו מן הרחצה שכלם מתאימות ושכלה אין בהם׃stylus···3כחוט השני שפתתיך ומדבריך נאוה כפלח הרמון רקתך מבעד לצמתך׃stylus···4כמגדל דויד צוארך בנוי לתלפיות אלף המגן תלוי עליו כל שלטי הגבורים׃stylus···5שני שדיך כשני עפרים תאומי צביה הרועים בשושנים׃stylus···6עד שיפוח היום ונסו הצללים אלך לי אל הר המור ואל גבעת הלבונה׃stylus···7כלך יפה רעיתי ומום אין בך׃stylus···8אתי מלבנון כלה אתי מלבנון תבואי תשורי מראש אמנה מראש שניר וחרמון ממענות אריות מהררי נמרים׃stylus···9לבבתני אחתי כלה לבבתיני באחד מעיניך באחד ענק מצורניך׃stylus···10מה יפו דדיך אחתי כלה מה טבו דדיך מיין וריח שמניך מכל בשמים׃stylus···11נפת תטפנה שפתותיך כלה דבש וחלב תחת לשונך וריח שלמתיך כריח לבנון׃stylus···12גן נעול אחתי כלה גל נעול מעין חתום׃stylus···13שלחיך פרדס רמונים עם פרי מגדים כפרים עם נרדים׃stylus···14נרד וכרכם קנה וקנמון עם כל עצי לבונה מר ואהלות עם כל ראשי בשמים׃stylus···15מעין גנים באר מים חיים ונזלים מן לבנון׃stylus···16עורי צפון ובואי תימן הפיחי גני יזלו בשמיו יבא דודי לגנו ויאכל פרי מגדיו׃stylus···