1ואנשים ירדו מיהודה וילמדו את האחים לאמר אם לא תמולו כדת משה לא תושעון׃stylus···2ויהי על זאת ריב ומחלקת לא קלה לפולוס ולבר נבא עמהם ויגזרו כי פולוס ובר נבא ואחרים מהם יעלו ירושלים אל השליחים והזקנים על אדות השאלה הזאת׃stylus···3ותלוה אתם הקהלה ויעברו את פינוקיא ואת שמרון מספרים את תשובת הגוים וישמחו את כל האחים שמחה גדולה׃stylus···4ויהי כבאם ירושלים ויקבלו אתם הקהלה והשליחים והזקנים ויגידו להם את אשר הגדיל האלהים לעשות עמהם׃stylus···5ויקומו אנשים מאמינים מכת הפרושים ויאמרו כי חובה היא למול אתם ולצותם לשמר את תורת משה׃stylus···6ויקהלו השליחים והזקנים לעין בדבר הזה׃stylus···7ויהי ברבות המחלקת קם פטרוס ויאמר אליהם אנשים אחים אתם ידעתם כי מימים ראשים בי בחר האלהים מכלנו אשר ישמעו הגוים מפי את דבר הבשורה ויאמינו׃stylus···8והאלהים ידע הלבבות העיד עליהם בתתו גם להם את רוח הקדש כאשר נתן לנו׃stylus···9ולא הבדיל בינינו וביניהם כי טהר את לבבם על ידי האמונה׃stylus···10ועתה מה תנסו את האלהים לשום על על צוארי התלמידים אשר גם אבותינו גם אנחנו לא יכלנו לשאת׃stylus···11אבל בחסד ישוע המשיח אדנינו נאמין להושע כמוהם כמונו׃stylus···12ויחרישו כל הקהל וישמעו אל בר נבא ואל פולוס מספרים את האתות והמופתים אשר הרבה האלהים לעשות על ידיהם בקרב הגוים׃stylus···13ויכלו לדבר ויען יעקב ויאמר אנשים אחים שמעו אלי׃stylus···14שמעון ספר איך האלהים ראה לו בראשונה לקחת מבין הגוים עם לשמו׃stylus···15ולזאת מסכימים דברי הנביאים ככתוב׃stylus···16אחרי זאת אשוב ואקים את סכת דויד הנפלת והרסותיה אקים ובניתיה׃stylus···17למען ידרשו שארית אדם את יהוה וכל הגוים אשר נקרא שמי עליהם נאם יהוה עשה כל אלה׃stylus···18נודעים לאלהים מעולם כל מעשיו׃stylus···19ועל כן אני דן שלא להחמיר על השבים מן הגוים לאלהים׃stylus···20רק לכתב אליהם אשר ירחקו מטמאת האלילים ומן הזנות ומבשר הנחנק ומן הדם׃stylus···21כי משה מדרת עולם יש לו מגידיו בכל עיר ועיר ויקרא בבתי הכנסיות מדי שבת בשבתו׃stylus···22וייטב בעיני השליחים והזקנים עם כל הקהל לבחר מהם אנשים ולשלח אתם אל אנטיוכיא עם פולוס ובר נבא את יהודה המכנה בר שבא ואת סילא אנשי שם בין האחים׃stylus···23ויכתבו וישלחו על ידם לאמר אנחנו השליחים והזקנים והאחים שאלים לשלום האחים אשר מן הגוים באנטיוכיא ובסוריא ובקיליקיא׃stylus···24יען וביען שמענו כי יצאו מאתנו מבלבלים אתכם ומקלקלים נפשתיכם בדברים באמרם לכם להמול ולשמר את התורה אשר לא צוינו אותם׃stylus···25לכן טוב בעיני כלנו יחדו לבחר אנשים לשלחם אליכם עם חביבינו בר נבא ופולוס׃stylus···26אנשים אשר מסרו נפשם על שם אדנינו ישוע המשיח׃stylus···27על כן שלחנו את יהודה ואת סילא אשר גם המה יגידו זאת בפיהם׃stylus···28כי טוב לפני רוח הקדש ולפנינו לבלתי שום עליכם משא אחר לבד מאלה הדברים הצריכים׃stylus···29אשר תרחקו מזבחי אלילים ומן הדם ומבשר הנחנק ומן הזנות אם מאלה תשמרו את נפשתיכם תיטיבו לעשות ושלום לכם׃stylus···30וישלחו האנשים ויבאו אל אנטיוכיא ויקהילו את העם ויתנו להם את האגרת׃stylus···31ויקראו אתה וישמחו על הנחמה׃stylus···32ויהודה וסילא אשר גם הם נביאים נחמו האחים בדברים רבים ויחזקום׃stylus···33ויהיו שם ימים אחדים וישלחום האחים בשלום אל השליחים׃stylus···34וייטב בעיני סילא לשבת שם׃stylus35ופולוס ובר נבא ישבו באנטיוכיא וילמדו ויבשרו את דבר יהוה המה וגם רבים אחרים עמם׃stylus···36ויהי מקץ ימים ויאמר פולוס אל בר נבא לכה ונשובה ונפקדה את אחינו בכל עיר ועיר אשר קראנו שם את דבר יהוה ונראה מה המה׃stylus···37ובר נבא יעץ לקחת אתם את יוחנן המכנה מרקוס׃stylus···38אך פולוס לא אבה לקחת אתם את האיש אשר סר מעליהם בפמפוליא ולא הלך אתם במלאכתם׃stylus···39ויהי רגז עד אשר נפרדו איש מאחיו ויקח בר נבא את מרקוס ויסע באניה אל קפרוס׃stylus···40ופולוס בחר לו את סילא וימסרהו האחים אל חסד יהוה ויצא׃stylus···41ויעבר בסוריא ובקיליקיא ויחזק את הקהלות׃stylus···