1ויהי באיקניון ויבאו יחדו אל בית כנסת היהודים וידברו שם עד כי האמין המון רב מן היהודים ומן היונים׃stylus···2אך היהודים אשר לא האמינו עוררו והכעיסו את נפשות הגוים על האחים׃stylus···3וישבו שם ימים רבים וילמדו בבטחונם ביהוה העמיד על דבר חסדו בעשותו על ידם אתות ומופתים׃stylus···4ויחלק המון העיר לחצי אלה נטו אחרי היהודים ואלה אחרי השליחים׃stylus···5ויהי רגשת הגוים והיהודים עם ראשיהם להתעלל בהם ולסקלם׃stylus···6ויודע להם ויברחו לערי לוקוניא אל לוסטרא ודרבי וסביבותן׃stylus···7ויבשרו שם הבשורה׃stylus···8ואיש נכה רגלים היה בלוסטרא והוא ישב פסח מבטן אמו ולא הלך מימיו׃stylus···9וישמע את פולוס מדבר והוא הסתכל בו וירא כי אמונה בו להושע׃stylus···10ויאמר בקול גדול עמד הכן על רגליך וידלג ויתהלך׃stylus···11והמון העם כראותם את אשר עשה פולוס נשאו את קולם ויאמרו בלשון לוקונית ירדו אלינו האלהים בדמות אנשים׃stylus···12ויקראו לבר נבא בל ולפולוס קראו הרמיס באשר הוא ראש המדברים׃stylus···13וכהן בית בל אשר מחוץ לעירם הביא השערה שורים ועטרות ויחפץ לזבח הוא והמון העם׃stylus···14ויהי כשמע זאת השליחים פולוס ובר נבא ויקרעו את בגדיהם וירוצו אל תוך העם׃stylus···15ויצעקו לאמר אנשים למה תעשו כזאת גם אנחנו בני אדם חלשים כמוכם ונבשרה אתכם למען שוב תשובו מן הבליכם אלה אל אלהים חיים אשר עשה את השמים ואת הארץ ואת הים ואת כל אשר בם׃stylus···16ואשר בדרות קדם הניח לכל הגוים ללכת בדרכיהם׃stylus···17וגם לא חדל להעיד על עצמו וייטב לנו בתתו מטר מן השמים ועתות שבע וימלא לבותינו מזון וששון׃stylus···18ואף בדברים האלה כמעט לא עצרו כח לכלוא את העם מזבח להם׃stylus···19ויבאו שמה יהודים מן אנטיוכיא ומן איקניון ויסיתו את העם וירגמו את פולוס באבנים ויסחבהו חוצה לעיר בחשבם כי מת׃stylus···20ויסבו אתו התלמידים ויקם ויבא העירה וממחרת יצא אל דרבי הוא ובר נבא׃stylus···21ויבשרו את הבשורה בעיר ההיא ואחרי העמידם תלמידים הרבה שבו אל לוסטרא ואיקניון ואנטיוכיא׃stylus···22ויחזקו את נפשות התלמידים ויזהירו אתם לעמד באמונה וכי רק בצרות רבות בוא נבוא אל מלכות האלהים׃stylus···23ויבחרו להם זקנים בכל קהלה וקהלה ויתפללו ויצומו ויפקידום ביד האדון אשר האמינו בו׃stylus···24ויעברו בפיסדיא ויבאו אל פמפוליא׃stylus···25וישמיעו את דבר יהוה בפרגי וירדו אל אטליא׃stylus26ומשם באו באניה אל אנטיוכיא אשר נמסרו שם לחסד אלהים על המלאכה אשר מלאו אתה׃stylus···27ובבאם שמה הקהילו את העדה ויגידו את כל אשר עשה אתם האלהים ואת אשר פתח לגוים פתח האמונה׃stylus···28וישבו שם עם התלמידים ימים לא מעטים׃stylus···