1ויהי אחרי כן ויעבר מעיר אל עיר ומכפר אל כפר קורא ומבשר את מלכות האלהים ושנים העשר אתו׃stylus···2ונשים אשר נרפאו מרוחות רעות ומחליים מרים הנקראה מגדלית אשר גרשו ממנה שבעה שדים׃stylus···3ויוחנה אשת כוזא סוכן הורדוס ושושנה ואחרות רבות אשר שרתהו מנכסיהן׃stylus···4ויהי בהתאסף המון עם רב אשר יצאו אליו מעיר ועיר וידבר במשל׃stylus···5הזורע יצא לזרע את זרעו ובזרעו נפל מן הזרע על יד הדרך וירמס ועוף השמים אכלו׃stylus···6ויש אשר נפל על הסלע ויצמח וייבש כי לא היתה לו לחה׃stylus···7ויש אשר נפל בתוך הקצים ויצמחו הקצים עמו וימעכהו׃stylus···8ויש אשר נפל על האדמה הטובה ויצמח ויעש פרי מאה שערים כזאת דבר ויזעק מי אשר אזנים לו לשמע ישמע׃stylus···9וישאלהו תלמידיו לאמר מה המשל הזה׃stylus···10ויאמר לכם נתן לדעת את סודות מלכות האלהים ולאחרים במשלים למען בראתם לא יראו ובשמעם לא יבינו׃stylus···11וזה הוא המשל הזרע דבר אלהים הוא׃stylus···12ואשר על יד הדרך הם השמעים ואחר כן בא השטן ונשא את הדבר מלבם פן יאמינו ונושעו׃stylus···13ואשר על הסלע הם המקבלים בשמחה את הדבר בשמעם ושרש אין להם רק לשעה מאמינים ובעת הנסיון יסגו אחור׃stylus···14ואשר נפל בין הקצים הם השמעים והוליכם להם וימכו בדאגות ובעשר ובתאות החיים ופרי לא ישוו למו׃stylus···15ואשר באדמה הטובה הם השמרים בלב טוב וטהור את הדבר אשר שמעו ועשים פרי בתוחלת׃stylus···16ואין איש מדליק נר אשר יכסה אותו בכלי או ישימהו תחת המטה כי אם על המנורה יעלהו למען יראו כל באי הבית את האור׃stylus···17כי אין דבר נעלם אשר לא יגלה ואין גנוז אשר לא יודע ובא לאור׃stylus···18לכן ראו איך תשמעון כי כל אשר יש לו נתון ינתן לו וכל אשר אין לו גם את אשר הוא חשב להיות לו יקח ממנו׃stylus···19ויבאו אליו אמו ואחיו ולא יכלו לגשת אליו מפני העם׃stylus···20ויגד לו לאמר אמך ואחיך עמדים בחוץ והם חפצים לראותך׃stylus···21ויען ויאמר אליהם אמי ואחי הם השמעים ועשים את דבר האלהים׃stylus···22ויהי היום וירד אל אניה הוא ותלמידיו ויאמר אליהם נעברה אל עבר הים וישוטו הימה׃stylus···23ויהי בלכתם באניה וישכב ויישן ורוח סערה ירדה על הים וישטפו עליהם המים ויהיו בסכנה׃stylus···24ויגשו ויעירו אותו לאמר מורה מורה אבדנו ויעור ויגער ברוח ובמשברי ים וישתקו ותהי דממה׃stylus···25ויאמר אליהם איה אמונתכם וייראו ויתמהו ויאמרו איש אל רעהו מי אפוא הוא המצוה גם את הרוחות ואת המים וישמעו לו׃stylus···26ויעברו ויבאו אל ארץ הגדריים אשר ממול הגליל׃stylus···27ויצא אל היבשה ויפגשהו איש מן העיר אשר שדים בו מימים רבים ובגד לא לבש ובבית לא ישב כי אם בקברים׃stylus···28וירא את ישוע ויפל לפניו ויקרא בקול גדול מה לי ולך ישוע בן אל עליון מבקש אני ממך אשר לא תענני׃stylus···29כי צוה את הרוח הטמא לצאת מן האיש כי ימים רבים חטף אתו ונאסר בזיקים ונשמר בכבלים והיה בנתקו את המוסרות ונדחף ביד השד אל המדברות׃stylus···30וישאל אתו ישוע לאמר מה שמך ויאמר לגיון שמי כי שדים רבים נכנסו בו׃stylus···31ויתחנן לו לבלתי צות אתם לרדת אל התהום׃stylus···32ויהי שם עדר חזירים רבים על המרעה בהר ויתחננו לו כי יניח להם לבוא אל תוכם וינח להם׃stylus···33ויצאו השדים מן האדם ההוא ויבאו בחזירים וישתער העדר מן המורד אל הים ויטבע׃stylus···34וינוסו הרעים כראותם את אשר נעשה ויגידו הדבר בעיר ובכפרים׃stylus···35ויצאו לראת את אשר נעשה ויבאו אל ישוע וימצאו שם את האדם אשר יצאו ממנו השדים ישב לרגלי ישוע מלבש וטוב שכל וייראו׃stylus···36ויספרו להם הראים איך נרפא אחוז השדים׃stylus···37ויבקשו ממנו כל המון חבל הגדריים ללכת מאתם כי אימה גדולה נפלה עליהם וירד אל האניה וישב׃stylus···38ויבקש ממנו האיש אשר יצאו ממנו השדים לשבת אתו וישלח אתו ישוע באמרו׃stylus···39שוב לביתך וספר הגדלות אשר עשה לך האלהים וילך לו וישמע בכל העיר את הגדלות אשר עשה לו ישוע׃stylus···40ויהי בשוב ישוע ויקבל אתו העם כי כלם היו מחכים לו׃stylus···41והנה בא איש ושמו יאיר והוא ראש בית הכנסת ויפל לרגלי ישוע ויתחנן לו לבוא אתו אל ביתו׃stylus···42כי בת יחידה כשתים עשרה שנה היתה לו והיא נוטה למות ויהי בלכתו שמה וידחקהו המון העם׃stylus···43ואשה זבת דם שתים עשרה שנה אשר הוציאה כל קנינה לרפאים ואין איש יכל לרפאתה׃stylus···44היא קרבה מאחריו ותגע בציצת בגדו וזוב דמה עמד פתאם׃stylus···45ויאמר ישוע מי זה נגע בי וכלם כחשו ויאמר פטרוס והעמדים אצלו מורה המון העם דחקים ולחצים אתך ואתה תאמר מי נגע בי׃stylus···46ויאמר ישוע נגע בי אדם כי ידעתי אשר יצאה ממני גבורה׃stylus···47ותרא האשה כי לא נסתרה ממנו ותחרד לקראתו ותפל לפניו ותגד באזני כל העם על מה נגעה בו ואיך נרפאה פתאם׃stylus···48ויאמר אליה חזקי בתי אמונתך הושיעה לך לכי לשלום׃stylus···49עודנו מדבר ואיש בא מבית ראש הכנסת ויאמר מתה בתך אל תטריח את המורה׃stylus···50וישמע ישוע ויען ויאמר לו אל תירא אך האמן והיא תושע׃stylus···51ויבא הביתה ולא הניח לאיש לבוא אתו בלתי אם לפטרוס וליעקב וליוחנן ולאבי הילדה ולאמה׃stylus···52וכלם בכים וספדים לה ויאמר אל תבכו כי לא מתה אך ישנה היא׃stylus···53וישחקו עליו באשר ידעו כי מתה׃stylus···54והוא אחז בידה ויקרא לאמר הילדה קומי׃stylus···55ותשב רוחה ותקם פתאם ויצו לתת לה לאכול׃stylus···56וישתוממו אביה ואמה והוא צוה אתם לבלתי הגיד לאיש את אשר נעשה׃stylus···