1ויהי בשבת השנית לספירת העמר עבר בין הקמה ויקטפו תלמידיו מלילת ויפרכו אתן בידיהם ויאכלו׃stylus···2ויש מן הפרושים אשר אמרו אליהם למה אתם עשים את אשר איננו מתר לעשות בשבת׃stylus···3ויען ישוע ויאמר אליהם הלא קראתם את אשר עשה דוד בהיותו רעב הוא ואשר היו אתו׃stylus···4כאשר בא אל בית האלהים ויקח את לחם הפנים ויאכל וגם נתן לאשר אתו את אשר לא נכון לאכלו כי אם לכהנים לבדם׃stylus···5ויאמר אליהם בן האדם גם אדון השבת הוא׃stylus···6ויהי בשבת אחרת בא אל בית הכנסת וילמד ושם איש אשר יבשה ידו הימנית׃stylus···7ויארבו לו הסופרים והפרושים לראות אם ירפא בשבת למען ימצאו עליו שטנה׃stylus···8והוא ידע את מחשבותם ויאמר אל האיש אשר ידו יבשה קום ועמוד בתוך ויקם ויעמד׃stylus···9ויאמר אליהם ישוע אשאלה אתכם דבר הנכון בשבת להיטיב אם להרע להציל נפש אם לאבד׃stylus···10ויבט סביב אל כלם ויאמר לאיש פשט את ידך ויעש כן ותרפא ידו ותשב כאחרת׃stylus···11והמה נמלאו חמה ויוסדו יחד מה לעשות לישוע׃stylus···12ויהי בימים ההם ויצא ההרה להתפלל ויעמד כל הלילה בתפלה לאלהים׃stylus···13ובהית הבקר אסף אליו את תלמידיו ויבחר מהם שנים עשר אשר גם קרא להם שליחים׃stylus···14את שמעון אשר גם קראו פטרוס ואת אנדרי אחיו את יעקב ואת יוחנן את פילפוס ואת בר תלמי׃stylus···15את מתי ואת תומא ואת יעקב בן חלפי ואת שמעון המכנה הקנא׃stylus···16את יהודה בן יעקב ואת יהודה איש קריות אשר גם היה למוסר׃stylus···17וירד אתם ויעמד במקום מישור והמון תלמידיו וקהל עם רב מכל יהודה וירושלים ומחוף ים צר וצידון אשר באו לשמע אתו ולהרפא מחלייהם׃stylus···18וגם הנלחצים ברוחות טמאות וירפאו׃stylus···19וכל ההמון מבקשים לגעת בו כי גבורה יצאה מאתו ורפאה את כלם׃stylus···20והוא נשא את עיניו אל תלמידיו ויאמר אשריכם העניים כי לכם מלכות האלהים׃stylus···21אשריכם הרעבים כעת כי תשבעו אשריכם הבכים כעת כי תשחקו׃stylus···22אשריכם אם ישנאו אתכם האנשים ואם ינדו אתכם וחרפו והדיחו את שמכם כשם רע בעבור בן האדם׃stylus···23שמחו ביום ההוא ורקדו כי הנה שכרכם רב בשמים כי כזאת עשו אבתיהם לנביאים׃stylus···24אך אוי לכם העשירים כי כבר לקחתם את נחמתכם׃stylus···25אוי לכם השבעים כי תרעבו אוי לכם השחקים כעת כי תתאבלו ותבכו׃stylus···26אוי לכם אם כל האנשים משבחים אתכם כי כזאת עשו אבותיהם לנביאי השקר׃stylus···27אבל אליכם השמעים אני אמר אהבו את איביכם היטיבו לשנאיכם׃stylus···28ברכו את מקלליכם והתפללו בעד מכלימיכם׃stylus···29המכה אתך על הלחי הטה לו גם את האחרת והלקח את מעילך אל תמנע ממנו גם את כתנתך׃stylus···30וכל השאל ממך תן לו והלקח את אשר לך אל תשאל מאתו׃stylus···31וכאשר תחפצו כי יעשו לכם בני האדם כן תעשו להם גם אתם׃stylus···32ואם תאהבו את אהביכם מה הוא חסדכם כי גם החטאים אהבים את אהביהם׃stylus···33ואם תיטיבו למטיביכם מה הוא חסדכם גם החטאים יעשו כן׃stylus34ואם תלוו את האנשים אשר תקוו לקבל מהם מה הוא חסדכם גם החטאים מלוים את החטאים למען יושב להם בשוה׃stylus···35אבל אהבו את איביכם והיטיבו והלוו מבלי תוחלת ויהי שכרכם רב והייתם בני עליון כי טוב הוא גם לשכחי טובה ולרעים׃stylus···36לכן היו רחמנים כאשר גם אביכם רחום הוא׃stylus···37ואל תשפטו ולא תשפטו אל תחיבו ולא תחיבו נקו ותנקו׃stylus···38תנו ותנתן לכם מדה טובה דחוקה וגדושה ומשפעה יתנו אל חיקכם כי במדה אשר אתם מודדים בה ימד לכם׃stylus···39וישא משלו ויאמר אליהם היוכל עור לנהל את העור הלא יפלו שניהם אל הפחת׃stylus···40אין תלמיד נעלה על רבו ודי לכל תלמיד שלם להיות כרבו׃stylus···41ולמה זה אתה ראה את הקסם אשר בעין אחיך ואת הקורה בעינך לא תביט׃stylus···42ואיך תאמר אל אחיך אחי הניחה לי ואסירה את הקסם אשר בעינך ואינך ראה את הקורה אשר בעינך החנף הסר בראשונה את הקורה מעינך ואחר ראה תראה להסיר את הקסם אשר בעין אחיך׃stylus···43כי עץ טוב איננו עשה פרי משחת וגם עץ משחת איננו עשה פרי טוב׃stylus···44כי כל עץ נכר בפריו כי אין אספים תאנים מן הקצים אף אין בצרים ענב מן הסנה׃stylus···45האיש הטוב מאוצר לבבו הטוב מפיק את הטוב והאיש הרע מאוצר לבבו הרע מפיק את הרע כי משפעת הלב ימלל פיהו׃stylus···46ולמה זה אתם קראים לי אדני אדני ואינכם עשים את אשר אני אמר׃stylus···47כל הבא אלי ושומע את דברי ועשה אתם אורה אתכם למי הוא דומה׃stylus···48דומה הוא לאיש בנה בית אשר העמיק לחפר וייסדו על הסלע וכבוא השטף פרץ הנהר בבית ההוא ולא יכל להניעו כי על הסלע יסודו׃stylus···49ואשר שמע ולא עשה דומה לאיש אשר בנה בית על הקרקע בלי יסוד ויפרץ בו הנהר ויפל פתאם ויגדל שבר הבית ההוא׃stylus···