1שוטטו בחוצות ירושלם וראו נא ודעו ובקשו ברחובותיה אם תמצאו איש אם יש עשה משפט מבקש אמונה ואסלח לה׃stylus···2ואם חי יהוה יאמרו לכן לשקר ישבעו׃stylus···3יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשוב׃stylus···4ואני אמרתי אך דלים הם נואלו כי לא ידעו דרך יהוה משפט אלהיהם׃stylus···5אלכה לי אל הגדלים ואדברה אותם כי המה ידעו דרך יהוה משפט אלהיהם אך המה יחדו שברו על נתקו מוסרות׃stylus···6על כן הכם אריה מיער זאב ערבות ישדדם נמר שקד על עריהם כל היוצא מהנה יטרף כי רבו פשעיהם עצמו משבותיהם׃stylus···7אי לזאת אסלוח לך בניך עזבוני וישבעו בלא אלהים ואשבע אותם וינאפו ובית זונה יתגדדו׃stylus···8סוסים מיזנים משכים היו איש אל אשת רעהו יצהלו׃stylus···9העל אלה לוא אפקד נאם יהוה ואם בגוי אשר כזה לא תתנקם נפשי׃stylus···10עלו בשרותיה ושחתו וכלה אל תעשו הסירו נטישותיה כי לוא ליהוה המה׃stylus···11כי בגוד בגדו בי בית ישראל ובית יהודה נאם יהוה׃stylus···12כחשו ביהוה ויאמרו לא הוא ולא תבוא עלינו רעה וחרב ורעב לוא נראה׃stylus···13והנביאים יהיו לרוח והדבר אין בהם כה יעשה להם׃stylus···14לכן כה אמר יהוה אלהי צבאות יען דברכם את הדבר הזה הנני נתן דברי בפיך לאש והעם הזה עצים ואכלתם׃stylus···15הנני מביא עליכם גוי ממרחק בית ישראל נאם יהוה גוי איתן הוא גוי מעולם הוא גוי לא תדע לשנו ולא תשמע מה ידבר׃stylus···16אשפתו כקבר פתוח כלם גבורים׃stylus···17ואכל קצירך ולחמך יאכלו בניך ובנותיך יאכל צאנך ובקרך יאכל גפנך ותאנתך ירשש ערי מבצריך אשר אתה בוטח בהנה בחרב׃stylus···18וגם בימים ההמה נאם יהוה לא אעשה אתכם כלה׃stylus···19והיה כי תאמרו תחת מה עשה יהוה אלהינו לנו את כל אלה ואמרת אליהם כאשר עזבתם אותי ותעבדו אלהי נכר בארצכם כן תעבדו זרים בארץ לא לכם׃stylus···20הגידו זאת בבית יעקב והשמיעוה ביהודה לאמר׃stylus21שמעו נא זאת עם סכל ואין לב עינים להם ולא יראו אזנים להם ולא ישמעו׃stylus···22האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃stylus···23ולעם הזה היה לב סורר ומורה סרו וילכו׃stylus···24ולא אמרו בלבבם נירא נא את יהוה אלהינו הנתן גשם וירה ומלקוש בעתו שבעות חקות קציר ישמר לנו׃stylus···25עונותיכם הטו אלה וחטאותיכם מנעו הטוב מכם׃stylus···26כי נמצאו בעמי רשעים ישור כשך יקושים הציבו משחית אנשים ילכדו׃stylus···27ככלוב מלא עוף כן בתיהם מלאים מרמה על כן גדלו ויעשירו׃stylus···28שמנו עשתו גם עברו דברי רע דין לא דנו דין יתום ויצליחו ומשפט אביונים לא שפטו׃stylus···29העל אלה לא אפקד נאם יהוה אם בגוי אשר כזה לא תתנקם נפשי׃stylus···30שמה ושערורה נהיתה בארץ׃stylus···31הנביאים נבאו בשקר והכהנים ירדו על ידיהם ועמי אהבו כן ומה תעשו לאחריתה׃stylus···