1ויצא הגורל לבני יוסף מירדן יריחו למי יריחו מזרחה המדבר עלה מיריחו בהר בית אל׃stylus···2ויצא מבית אל לוזה ועבר אל גבול הארכי עטרות׃stylus···3וירד ימה אל גבול היפלטי עד גבול בית חורן תחתון ועד גזר והיו תצאתו ימה׃stylus···4וינחלו בני יוסף מנשה ואפרים׃stylus···5ויהי גבול בני אפרים למשפחתם ויהי גבול נחלתם מזרחה עטרות אדר עד בית חורן עליון׃stylus···6ויצא הגבול הימה המכמתת מצפון ונסב הגבול מזרחה תאנת שלה ועבר אותו ממזרח ינוחה׃stylus···7וירד מינוחה עטרות ונערתה ופגע ביריחו ויצא הירדן׃stylus···8מתפוח ילך הגבול ימה נחל קנה והיו תצאתיו הימה זאת נחלת מטה בני אפרים למשפחתם׃stylus···9והערים המבדלות לבני אפרים בתוך נחלת בני מנשה כל הערים וחצריהן׃stylus···10ולא הורישו את הכנעני היושב בגזר וישב הכנעני בקרב אפרים עד היום הזה ויהי למס עבד׃stylus···