1וידבר יהוה אל משה לאמר׃stylus2דבר אל בני ישראל ואמרת אלהם איש כי יפלא נדר בערכך נפשת ליהוה׃stylus···3והיה ערכך הזכר מבן עשרים שנה ועד בן ששים שנה והיה ערכך חמשים שקל כסף בשקל הקדש׃stylus···4ואם נקבה הוא והיה ערכך שלשים שקל׃stylus···5ואם מבן חמש שנים ועד בן עשרים שנה והיה ערכך הזכר עשרים שקלים ולנקבה עשרת שקלים׃stylus6ואם מבן חדש ועד בן חמש שנים והיה ערכך הזכר חמשה שקלים כסף ולנקבה ערכך שלשת שקלים כסף׃stylus···7ואם מבן ששים שנה ומעלה אם זכר והיה ערכך חמשה עשר שקל ולנקבה עשרה שקלים׃stylus···8ואם מך הוא מערכך והעמידו לפני הכהן והעריך אתו הכהן על פי אשר תשיג יד הנדר יעריכנו הכהן׃stylus···9ואם בהמה אשר יקריבו ממנה קרבן ליהוה כל אשר יתן ממנו ליהוה יהיה קדש׃stylus10לא יחליפנו ולא ימיר אתו טוב ברע או רע בטוב ואם המר ימיר בהמה בבהמה והיה הוא ותמורתו יהיה קדש׃stylus···11ואם כל בהמה טמאה אשר לא יקריבו ממנה קרבן ליהוה והעמיד את הבהמה לפני הכהן׃stylus···12והעריך הכהן אתה בין טוב ובין רע כערכך הכהן כן יהיה׃stylus13ואם גאל יגאלנה ויסף חמישתו על ערכך׃stylus···14ואיש כי יקדש את ביתו קדש ליהוה והעריכו הכהן בין טוב ובין רע כאשר יעריך אתו הכהן כן יקום׃stylus···15ואם המקדיש יגאל את ביתו ויסף חמישית כסף ערכך עליו והיה לו׃stylus···16ואם משדה אחזתו יקדיש איש ליהוה והיה ערכך לפי זרעו זרע חמר שערים בחמשים שקל כסף׃stylus···17אם משנת היבל יקדיש שדהו כערכך יקום׃stylus18ואם אחר היבל יקדיש שדהו וחשב לו הכהן את הכסף על פי השנים הנותרת עד שנת היבל ונגרע מערכך׃stylus···19ואם גאל יגאל את השדה המקדיש אתו ויסף חמשית כסף ערכך עליו וקם לו׃stylus···20ואם לא יגאל את השדה ואם מכר את השדה לאיש אחר לא יגאל עוד׃stylus21והיה השדה בצאתו ביבל קדש ליהוה כשדה החרם לכהן תהיה אחזתו׃stylus···22ואם את שדה מקנתו אשר לא משדה אחזתו יקדיש ליהוה׃stylus···23וחשב לו הכהן את מכסת הערכך עד שנת היבל ונתן את הערכך ביום ההוא קדש ליהוה׃stylus···24בשנת היובל ישוב השדה לאשר קנהו מאתו לאשר לו אחזת הארץ׃stylus···25וכל ערכך יהיה בשקל הקדש עשרים גרה יהיה השקל׃stylus···26אך בכור אשר יבכר ליהוה בבהמה לא יקדיש איש אתו אם שור אם שה ליהוה הוא׃stylus···27ואם בבהמה הטמאה ופדה בערכך ויסף חמשתו עליו ואם לא יגאל ונמכר בערכך׃stylus···28אך כל חרם אשר יחרם איש ליהוה מכל אשר לו מאדם ובהמה ומשדה אחזתו לא ימכר ולא יגאל כל חרם קדש קדשים הוא ליהוה׃stylus···29כל חרם אשר יחרם מן האדם לא יפדה מות יומת׃stylus···30וכל מעשר הארץ מזרע הארץ מפרי העץ ליהוה הוא קדש ליהוה׃stylus···31ואם גאל יגאל איש ממעשרו חמשיתו יסף עליו׃stylus32וכל מעשר בקר וצאן כל אשר יעבר תחת השבט העשירי יהיה קדש ליהוה׃stylus···33לא יבקר בין טוב לרע ולא ימירנו ואם המר ימירנו והיה הוא ותמורתו יהיה קדש לא יגאל׃stylus···34אלה המצות אשר צוה יהוה את משה אל בני ישראל בהר סיני׃stylus···