1לא תעשו לכם אלילם ופסל ומצבה לא תקימו לכם ואבן משכית לא תתנו בארצכם להשתחות עליה כי אני יהוה אלהיכם׃stylus···2את שבתתי תשמרו ומקדשי תיראו אני יהוה׃stylus···3אם בחקתי תלכו ואת מצותי תשמרו ועשיתם אתם׃stylus···4ונתתי גשמיכם בעתם ונתנה הארץ יבולה ועץ השדה יתן פריו׃stylus···5והשיג לכם דיש את בציר ובציר ישיג את זרע ואכלתם לחמכם לשבע וישבתם לבטח בארצכם׃stylus···6ונתתי שלום בארץ ושכבתם ואין מחריד והשבתי חיה רעה מן הארץ וחרב לא תעבר בארצכם׃stylus···7ורדפתם את איביכם ונפלו לפניכם לחרב׃stylus8ורדפו מכם חמשה מאה ומאה מכם רבבה ירדפו ונפלו איביכם לפניכם לחרב׃stylus···9ופניתי אליכם והפריתי אתכם והרביתי אתכם והקימתי את בריתי אתכם׃stylus···10ואכלתם ישן נושן וישן מפני חדש תוציאו׃stylus···11ונתתי משכני בתוככם ולא תגעל נפשי אתכם׃stylus···12והתהלכתי בתוככם והייתי לכם לאלהים ואתם תהיו לי לעם׃stylus···13אני יהוה אלהיכם אשר הוצאתי אתכם מארץ מצרים מהית להם עבדים ואשבר מטת עלכם ואולך אתכם קוממיות׃stylus···14ואם לא תשמעו לי ולא תעשו את כל המצות האלה׃stylus···15ואם בחקתי תמאסו ואם את משפטי תגעל נפשכם לבלתי עשות את כל מצותי להפרכם את בריתי׃stylus···16אף אני אעשה זאת לכם והפקדתי עליכם בהלה את השחפת ואת הקדחת מכלות עינים ומדיבת נפש וזרעתם לריק זרעכם ואכלהו איביכם׃stylus···17ונתתי פני בכם ונגפתם לפני איביכם ורדו בכם שנאיכם ונסתם ואין רדף אתכם׃stylus···18ואם עד אלה לא תשמעו לי ויספתי ליסרה אתכם שבע על חטאתיכם׃stylus···19ושברתי את גאון עזכם ונתתי את שמיכם כברזל ואת ארצכם כנחשה׃stylus···20ותם לריק כחכם ולא תתן ארצכם את יבולה ועץ הארץ לא יתן פריו׃stylus···21ואם תלכו עמי קרי ולא תאבו לשמע לי ויספתי עליכם מכה שבע כחטאתיכם׃stylus···22והשלחתי בכם את חית השדה ושכלה אתכם והכריתה את בהמתכם והמעיטה אתכם ונשמו דרכיכם׃stylus···23ואם באלה לא תוסרו לי והלכתם עמי קרי׃stylus···24והלכתי אף אני עמכם בקרי והכיתי אתכם גם אני שבע על חטאתיכם׃stylus···25והבאתי עליכם חרב נקמת נקם ברית ונאספתם אל עריכם ושלחתי דבר בתוככם ונתתם ביד אויב׃stylus···26בשברי לכם מטה לחם ואפו עשר נשים לחמכם בתנור אחד והשיבו לחמכם במשקל ואכלתם ולא תשבעו׃stylus···27ואם בזאת לא תשמעו לי והלכתם עמי בקרי׃stylus···28והלכתי עמכם בחמת קרי ויסרתי אתכם אף אני שבע על חטאתיכם׃stylus···29ואכלתם בשר בניכם ובשר בנתיכם תאכלו׃stylus···30והשמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשי אתכם׃stylus···31ונתתי את עריכם חרבה והשמותי את מקדשיכם ולא אריח בריח ניחחכם׃stylus···32והשמתי אני את הארץ ושממו עליה איביכם הישבים בה׃stylus···33ואתכם אזרה בגוים והריקתי אחריכם חרב והיתה ארצכם שממה ועריכם יהיו חרבה׃stylus···34אז תרצה הארץ את שבתתיה כל ימי השמה ואתם בארץ איביכם אז תשבת הארץ והרצת את שבתתיה׃stylus···35כל ימי השמה תשבת את אשר לא שבתה בשבתתיכם בשבתכם עליה׃stylus···36והנשארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף׃stylus···37וכשלו איש באחיו כמפני חרב ורדף אין ולא תהיה לכם תקומה לפני איביכם׃stylus···38ואבדתם בגוים ואכלה אתכם ארץ איביכם׃stylus···39והנשארים בכם ימקו בעונם בארצת איביכם ואף בעונת אבתם אתם ימקו׃stylus···40והתודו את עונם ואת עון אבתם במעלם אשר מעלו בי ואף אשר הלכו עמי בקרי׃stylus···41אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם׃stylus···42וזכרתי את בריתי יעקוב ואף את בריתי יצחק ואף את בריתי אברהם אזכר והארץ אזכר׃stylus···43והארץ תעזב מהם ותרץ את שבתתיה בהשמה מהם והם ירצו את עונם יען וביען במשפטי מאסו ואת חקתי געלה נפשם׃stylus···44ואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם׃stylus···45וזכרתי להם ברית ראשנים אשר הוצאתי אתם מארץ מצרים לעיני הגוים להית להם לאלהים אני יהוה׃stylus···46אלה החקים והמשפטים והתורת אשר נתן יהוה בינו ובין בני ישראל בהר סיני ביד משה׃stylus···