1לא תראה את שור אחיך או את שיו נדחים והתעלמת מהם השב תשיבם לאחיך׃stylus···2ואם לא קרוב אחיך אליך ולא ידעתו ואספתו אל תוך ביתך והיה עמך עד דרש אחיך אתו והשבתו לו׃stylus···3וכן תעשה לחמרו וכן תעשה לשמלתו וכן תעשה לכל אבדת אחיך אשר תאבד ממנו ומצאתה לא תוכל להתעלם׃stylus4לא תראה את חמור אחיך או שורו נפלים בדרך והתעלמת מהם הקם תקים עמו׃stylus···5לא יהיה כלי גבר על אשה ולא ילבש גבר שמלת אשה כי תועבת יהוה אלהיך כל עשה אלה׃stylus···6כי יקרא קן צפור לפניך בדרך בכל עץ או על הארץ אפרחים או ביצים והאם רבצת על האפרחים או על הביצים לא תקח האם על הבנים׃stylus···7שלח תשלח את האם ואת הבנים תקח לך למען ייטב לך והארכת ימים׃stylus···8כי תבנה בית חדש ועשית מעקה לגגך ולא תשים דמים בביתך כי יפל הנפל ממנו׃stylus···9לא תזרע כרמך כלאים פן תקדש המלאה הזרע אשר תזרע ותבואת הכרם׃stylus···10לא תחרש בשור ובחמר יחדו׃stylus···11לא תלבש שעטנז צמר ופשתים יחדו׃stylus···12גדלים תעשה לך על ארבע כנפות כסותך אשר תכסה בה׃stylus···13כי יקח איש אשה ובא אליה ושנאה׃stylus···14ושם לה עלילת דברים והוציא עליה שם רע ואמר את האשה הזאת לקחתי ואקרב אליה ולא מצאתי לה בתולים׃stylus···15ולקח אבי הנער ואמה והוציאו את בתולי הנער אל זקני העיר השערה׃stylus16ואמר אבי הנער אל הזקנים את בתי נתתי לאיש הזה לאשה וישנאה׃stylus17והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר׃stylus18ולקחו זקני העיר ההוא את האיש ויסרו אתו׃stylus···19וענשו אתו מאה כסף ונתנו לאבי הנערה כי הוציא שם רע על בתולת ישראל ולו תהיה לאשה לא יוכל לשלחה כל ימיו׃stylus···20ואם אמת היה הדבר הזה לא נמצאו בתולים לנער׃stylus21והוציאו את הנער אל פתח בית אביה וסקלוה אנשי עירה באבנים ומתה כי עשתה נבלה בישראל לזנות בית אביה ובערת הרע מקרבך׃stylus···22כי ימצא איש שכב עם אשה בעלת בעל ומתו גם שניהם האיש השכב עם האשה והאשה ובערת הרע מישראל׃stylus···23כי יהיה נער בתולה מארשה לאיש ומצאה איש בעיר ושכב עמה׃stylus···24והוצאתם את שניהם אל שער העיר ההוא וסקלתם אתם באבנים ומתו את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך׃stylus···25ואם בשדה ימצא האיש את הנער המארשה והחזיק בה האיש ושכב עמה ומת האיש אשר שכב עמה לבדו׃stylus···26ולנער לא תעשה דבר אין לנער חטא מות כי כאשר יקום איש על רעהו ורצחו נפש כן הדבר הזה׃stylus···27כי בשדה מצאה צעקה הנער המארשה ואין מושיע לה׃stylus···28כי ימצא איש נער בתולה אשר לא ארשה ותפשה ושכב עמה ונמצאו׃stylus···29ונתן האיש השכב עמה לאבי הנער חמשים כסף ולו תהיה לאשה תחת אשר ענה לא יוכל שלחה כל ימיו׃stylus···30לא יקח איש את אשת אביו ולא יגלה כנף אביו׃stylus···