1בן עשרים וחמש שנה יותם במלכו ושש עשרה שנה מלך בירושלם ושם אמו ירושה בת צדוק׃stylus···2ויעש הישר בעיני יהוה ככל אשר עשה עזיהו אביו רק לא בא אל היכל יהוה ועוד העם משחיתים׃stylus···3הוא בנה את שער בית יהוה העליון ובחומת העפל בנה לרב׃stylus···4וערים בנה בהר יהודה ובחרשים בנה בירניות ומגדלים׃stylus···5והוא נלחם עם מלך בני עמון ויחזק עליהם ויתנו לו בני עמון בשנה ההיא מאה ככר כסף ועשרת אלפים כרים חטים ושעורים עשרת אלפים זאת השיבו לו בני עמון ובשנה השנית והשלשית׃stylus···6ויתחזק יותם כי הכין דרכיו לפני יהוה אלהיו׃stylus···7ויתר דברי יותם וכל מלחמתיו ודרכיו הנם כתובים על ספר מלכי ישראל ויהודה׃stylus···8בן עשרים וחמש שנה היה במלכו ושש עשרה שנה מלך בירושלם׃stylus···9וישכב יותם עם אבתיו ויקברו אתו בעיר דויד וימלך אחז בנו תחתיו׃stylus···