Mark 7

¹And the Farisees and summe of the scribis camen fro Jerusalem togidir to hym.

²And whanne thei hadden seen summe of hise disciplis ete breed with vnwaisschen hoondis, thei blameden.

³The Farisees and alle the Jewis eten not, but thei waisschen ofte her hoondis, holdynge the tradiciouns of eldere men.

⁴And whanne thei turnen ayen fro chepyng, thei eten not, but thei ben waisschen; and many other thingis ben, `that ben taken `to hem to kepe, wasschyngis of cuppis, and of watir vessels, and of vessels of bras, and of beddis.

⁵And Farisees and scribis axiden hym, and seiden, Whi gon not thi disciplis aftir the tradicioun of eldere men, but with vnwasschen hondis thei eten breed?

⁶And he answeride, and seide to hem, Ysaie prophesiede wel of you, ypocritis, as it is writun, This puple worschipith me with lippis, but her herte is fer fro me;

⁷and in veyn thei worschipen me, techinge the doctrines and the heestis of men.

⁸For ye leeuen the maundement of God, and holden the tradiciouns of men, wasschyngis of watir vessels, and of cuppis; and many othir thingis lijk to these ye doon.

⁹And he seide to hem, Wel ye han maad the maundement of God voide, `to kepe youre tradicioun.

¹⁰For Moyses seide, Worschipe thi fadir and thi modir; and he that cursith fadir or modir, die he by deeth.

¹¹But ye seien, If a man seie to fadir or modir, Corban, that is, What euer yifte is of me, it schal profite to thee;

¹²and ouer ye suffren not hym do ony thing to fadir or modir,

¹³and ye breken the word of God bi youre tradicioun, that ye han youun; and ye don many suche thingis.

¹⁴And he eftsoone clepide the puple, and seide to hem, Ye alle here me, and vndurstonde.

¹⁵No thing that is withouten a man, that entrith in to hym, may defoule him; but tho thingis that comen forth of a man, tho it ben that defoulen a man.

¹⁶If ony man haue eeris of hering, here he.

¹⁷And whanne he was entrid in to an hous, fro the puple, hise disciplis axiden hym the parable.

¹⁸And he seide to hem, Ye ben vnwise also. Vndurstonde ye not, that al thing without forth that entreth in to a man, may not defoule hym?

¹⁹for it hath not entrid in to his herte, but in to the wombe, and bynethe it goith out, purgynge alle metis.

²⁰But he seide, The thingis that gon out of a man, tho defoulen a man.

²¹For fro with ynne, of the herte of men comen forth yuel thouytis, auowtries,

²²fornycaciouns, mansleyingis, theftis, auaricis, wickidnessis, gile, vnchastite, yuel iye, blasfemyes, pride, foli.

²³Alle these yuels comen forth fro with ynne, and defoulen a man.

²⁴And Jhesus roos vp fro thennus, and wente in to the coostis of Tyre and of Sidon. And he yede in to an hous, and wolde that no man wiste; and he myyte not be hid.

²⁵For a womman, anoon as sche herd of hym, whos douytir hadde an vnclene spirit, entride, and fel doun at hise feet.

²⁶And the womman was hethen, of the generacioun of Sirofenyce. And sche preiede hym, that he wolde caste out a deuel fro hir douyter.

²⁷And he seide to hir, Suffre thou, that the children be fulfillid first; for it is not good to take the breed of children, and yyue to houndis.

²⁸And sche answeride, and seide to him, Yis, Lord; for litil whelpis eten vndur the bord, of the crummes of children.

²⁹And Jhesus seide to hir, Go thou, for this word the feend wente out of thi douytir.

³⁰And whanne sche was gon in to hir hous home, sche foonde the damysel ligynge on the bed, and the deuel gon out fro hir.

³¹And eftsoones Jhesus yede out fro the coostis of Tire, and cam thorou Sidon to the see of Galilee, bitwixe the myddil of the coostis of Decapoleos.

³²And thei bryngen to hym a man deef and doumbe, and preieden hym to leye his hoond on hym.

³³And he took hym asidis fro the puple, and puttide hise fyngris in to hise eris; and he spetide, and touchide his tonge.

³⁴And he bihelde in to heuene, and sorewide with ynne, and seide, Effeta, that is, Be thou openyd.

³⁵And anoon hise eris weren openyd, and the boond of his tunge was vnboundun, and he spak riytli.

³⁶And he comaundide to hem, that thei schulden seie to no man; but hou myche he comaundide to hem, so myche more thei prechiden,

³⁷and bi so myche more thei wondriden, and seiden, He dide wel alle thingis, and he made deef men to here, and doumbe men to speke.

Mark 7

¹Then came together unto him the Pharisees, and certain of the scribes, which came from Jerusalem.

²And when they saw some of his disciples eat bread with defiled, that is to say, with unwashen, hands, they found fault.

³For the Pharisees, and all the Jews, except they wash their hands oft, eat not, holding the tradition of the elders.

⁴And when they come from the market, except they wash, they eat not. And many other things there be, which they have received to hold, as the washing of cups, and pots, brasen vessels, and of tables.

⁵Then the Pharisees and scribes asked him, Why walk not thy disciples according to the tradition of the elders, but eat bread with unwashen hands?

⁶He answered and said unto them, Well hath Esaias prophesied of you hypocrites, as it is written, This people honoureth me with their lips, but their heart is far from me.

⁷Howbeit in vain do they worship me, teaching for doctrines the commandments of men.

⁸For laying aside the commandment of God, ye hold the tradition of men, as the washing of pots and cups: and many other such like things ye do.

⁹And he said unto them, Full well ye reject the commandment of God, that ye may keep your own tradition.

¹⁰For Moses said, Honour thy father and thy mother; and, Whoso curseth father or mother, let him die the death:

¹¹But ye say, If a man shall say to his father or mother, It is Corban, that is to say, a gift, by whatsoever thou mightest be profited by me; he shall be free.

¹²And ye suffer him no more to do ought for his father or his mother;

¹³Making the word of God of none effect through your tradition, which ye have delivered: and many such like things do ye.

¹⁴And when he had called all the people unto him, he said unto them, Hearken unto me every one of you, and understand:

¹⁵There is nothing from without a man, that entering into him can defile him: but the things which come out of him, those are they that defile the man.

¹⁶If any man have ears to hear, let him hear.

¹⁷And when he was entered into the house from the people, his disciples asked him concerning the parable.

¹⁸And he saith unto them, Are ye so without understanding also? Do ye not perceive, that whatsoever thing from without entereth into the man, it cannot defile him;

¹⁹Because it entereth not into his heart, but into the belly, and goeth out into the draught, purging all meats?

²⁰And he said, That which cometh out of the man, that defileth the man.

²¹For from within, out of the heart of men, proceed evil thoughts, adulteries, fornications, murders,

²²Thefts, covetousness, wickedness, deceit, lasciviousness, an evil eye, blasphemy, pride, foolishness:

²³All these evil things come from within, and defile the man.

²⁴And from thence he arose, and went into the borders of Tyre and Sidon, and entered into an house, and would have no man know it: but he could not be hid.

²⁵For a certain woman, whose young daughter had an unclean spirit, heard of him, and came and fell at his feet:

²⁶The woman was a Greek, a Syrophenician by nation; and she besought him that he would cast forth the devil out of her daughter.

²⁷But Jesus said unto her, Let the children first be filled: for it is not meet to take the children’s bread, and to cast it unto the dogs.

²⁸And she answered and said unto him, Yes, Lord: yet the dogs under the table eat of the children’s crumbs.

²⁹And he said unto her, For this saying go thy way; the devil is gone out of thy daughter.

³⁰And when she was come to her house, she found the devil gone out, and her daughter laid upon the bed.

³¹And again, departing from the coasts of Tyre and Sidon, he came unto the sea of Galilee, through the midst of the coasts of Decapolis.

³²And they bring unto him one that was deaf, and had an impediment in his speech; and they beseech him to put his hand upon him.

³³And he took him aside from the multitude, and put his fingers into his ears, and he spit, and touched his tongue;

³⁴And looking up to heaven, he sighed, and saith unto him, Ephphatha, that is, Be opened.

³⁵And straightway his ears were opened, and the string of his tongue was loosed, and he spake plain.

³⁶And he charged them that they should tell no man: but the more he charged them, so much the more a great deal they published it;

³⁷And were beyond measure astonished, saying, He hath done all things well: he maketh both the deaf to hear, and the dumb to speak.