Mark 10

¹And Jhesus roos vp fro thennus, and cam in to the coostis of Judee ouer Jordan; and eftsoones the puple cam togidere to hym, and as he was wont, eftsoone he tauyte hem.

²And the Farisees camen, and axiden hym, Whether it be leueful to a man to leeue his wijf? and thei temptiden hym.

³And he answeride, and seide to hem, What comaundide Moises to you?

⁴And thei seiden, Moises suffride to write a libel of forsaking, and to forsake.

⁵`To whiche Jhesus answeride, and seide, For the hardnesse of youre herte Moises wroot to you this comaundement.

⁶But fro the bigynnyng of creature God made hem male and female;

⁷and seide, For this thing a man schal leeue his fadir and modir,

⁸and schal drawe to hys wijf, and thei schulen be tweyne in o flesch. And so now thei ben not tweyne, but o flesch.

⁹Therfor that thing that God ioynede togidere, no man departe.

¹⁰And eftsoone in the hous hise disciplis axiden hym of the same thing.

¹¹And he seide to hem, Who euer leeuith his wijf, and weddith another, he doith auowtri on hir.

¹²And if the wijf leeue hir housebonde, and be weddid to another man, sche doith letcherie.

¹³And thei brouyten to hym litle children, that he schulde touche hem; and the disciplis threteneden the men, that brouyten hem.

¹⁴And whanne Jhesus hadde seyn hem, he baar heuy, and seide to hem, Suffre ye litle children to come to me, and forbede ye hem not, for of suche is the kyngdom of God.

¹⁵Treuli Y seie to you, who euer resseyueth not the kyngdom of God as a litil child, he schal not entre in to it.

¹⁶And he biclippide hem, and leide hise hondis on hem, and blisside hem.

¹⁷And whanne Jhesus was gon out in the weie, a man ranne bifore, and knelide bifor hym, and preiede hym, and seide, Good maister, what schal Y do, that Y resseyue euerlastynge lijf?

¹⁸And Jhesus seide to hym, What seist thou, that Y am good? Ther is no man good, but God hym silf.

¹⁹Thou knowist the comaundementis, do thou noon auowtrie, `sle not, stele not, seie not fals witnessyng, do no fraude, worschipe thi fadir and thi modir.

²⁰And he answeride, and seide to hym, Maister, Y haue kept alle these thingis fro my yongthe.

²¹And Jhesus bihelde hym, and louede hym, and seide to hym, O thing faileth to thee; go thou, and sille alle thingis that thou hast, and yyue to pore men, and thou schalt haue tresoure in heuene; and come, sue thou me.

²²And he was ful sori in the word, and wente awei mornyng, for he hadde many possessiouns.

²³And Jhesus bihelde aboute, and seide to hise disciplis, Hou hard thei that han ritchessis schulen entre in to the kyngdom of God.

²⁴And the disciplis weren astonyed in hise wordis. And Jhesus eftsoone answeride, and seide `to hem, Ye litle children, hou hard it is for men that tristen in ritchessis to entre in to the kyngdom of God.

²⁵It is liyter a camele to passe thorou a nedlis iye, than a riche man to entre in to the kyngdom of God.

²⁶And thei wondriden more, and seiden among hem silf, And who may be sauyd?

²⁷And Jhesus bihelde hem, and seide, Anentis men it is impossible, but not anentis God; for alle thingis ben possible anentis God.

²⁸And Petir bigan to seie to hym, Lo! we han left alle thingis, and han sued thee.

²⁹Jhesus answeride, and seide, Treuli Y seie to you, ther is no man that leeueth hous, or britheren, or sistris, or fadir, or modir, or children, or feeldis for me and for the gospel,

³⁰which schal not take an hundrid fold so myche now in this tyme, housis, and britheren, and sistris, and modris, and children, and feeldis, with persecuciouns, and in the world to comynge euerlastynge lijf.

³¹But many schulen be, the firste the last, and the last the firste.

³²And thei weren in the weie goynge vp to Jerusalem; and Jhesus wente bifor hem, and thei wondriden, and foleweden, and dredden. And eftsoone Jhesus took the twelue, and bigan to seie to hem, what thingis weren to come to hym.

³³For lo! we stien to Jerusalem, and mannus sone schal be bitraied to the princis of prestis, and to scribis, and to the eldre men; and thei schulen dampne hym bi deth, and thei schulen take hym to hethene men. And thei schulen scorne hym,

³⁴and bispete hym, and bete him; and thei schulen sle hym, and in the thridde dai he schal rise ayen.

³⁵And James and Joon, Zebedees sones, camen to hym, and seiden, Maister, we wolen, that what euer we axen, thou do to vs.

³⁶And he seide to hem, What wolen ye that Y do to you?

³⁷And thei seiden, Graunte to vs, that we sitten `the toon at thi riythalf, and the tother at thi left half, in thi glorie.

³⁸And Jhesus seide to hem, Ye witen not what ye axen; moun ye drynke the cuppe, which Y schal drynke, or be waischun with the baptym, in which Y am baptisid?

³⁹And thei seiden to hym, We moun. And Jhesus seide to hem, Ye schulen drynke the cuppe that Y drynke, and ye schulen be waschun with the baptym, in which Y am baptisid;

⁴⁰but to sitte at my riythalf or lefthalf is not myn to yyue to you, but to whiche it is maad redi.

⁴¹And the ten herden, and bigunnen to haue indignacioun of James and Joon.

⁴²But Jhesus clepide hem, and seide to hem, Ye witen, that thei that semen to haue prynshode of folkis, ben lordis of hem, and the princes of hem han power of hem.

⁴³But it is not so among you, but who euer wole be maad gretter, schal be youre mynyster;

⁴⁴and who euer wole be the firste among you, schal be seruaunt of alle.

⁴⁵For whi mannus sone cam not, that it schulde be mynystrid to hym, but that he schulde mynystre, and yyue his lijf ayenbiyng for manye.

⁴⁶And thei camen to Jerico; and whanne he yede forth fro Jerico, and hise disciplis, and a ful myche puple, Barthymeus, a blynde man, the sone of Thimei, sat bisidis the weie, and beggide.

⁴⁷And whanne he herde, that it is Jhesus of Nazareth, he bigan to crie, and seie, Jhesu, the sone of Dauid, haue merci on me.

⁴⁸And manye thretneden hym, that he schulde be stille; and he criede myche the more, Jhesu, the sone of Dauid, haue merci on me.

⁴⁹And Jhesus stood, and comaundide hym to be clepid; and thei clepen the blynde man, and seien to hym, Be thou of betere herte, rise vp, he clepith thee.

⁵⁰And he castide awei his cloth, and skippide, and cam to hym.

⁵¹And Jhesus answeride, and seide to hym, What wolt thou, that Y schal do to thee? The blynde man seide to hym, Maister, that Y se.

⁵²Jhesus seide to hym, Go thou, thi feith hath maad thee saaf. And anoon he saye, and suede hym in the weie.

Mark 10

¹And he arose from thence, and cometh into the coasts of Judea by the farther side of Jordan: and the people resort unto him again; and, as he was wont, he taught them again.

²And the Pharisees came to him, and asked him, Is it lawful for a man to put away his wife? tempting him.

³And he answered and said unto them, What did Moses command you?

⁴And they said, Moses suffered to write a bill of divorcement, and to put her away.

⁵And Jesus answered and said unto them, For the hardness of your heart he wrote you this precept.

⁶But from the beginning of the creation God made them male and female.

⁷For this cause shall a man leave his father and mother, and cleave to his wife;

⁸And they twain shall be one flesh: so then they are no more twain, but one flesh.

⁹What therefore God hath joined together, let not man put asunder.

¹⁰And in the house his disciples asked him again of the same matter.

¹¹And he saith unto them, Whosoever shall put away his wife, and marry another, committeth adultery against her.

¹²And if a woman shall put away her husband, and be married to another, she committeth adultery.

¹³And they brought young children to him, that he should touch them: and his disciples rebuked those that brought them.

¹⁴But when Jesus saw it, he was much displeased, and said unto them, Suffer the little children to come unto me, and forbid them not: for of such is the kingdom of God.

¹⁵Verily I say unto you, Whosoever shall not receive the kingdom of God as a little child, he shall not enter therein.

¹⁶And he took them up in his arms, put his hands upon them, and blessed them.

¹⁷And when he was gone forth into the way, there came one running, and kneeled to him, and asked him, Good Master, what shall I do that I may inherit eternal life?

¹⁸And Jesus said unto him, Why callest thou me good? there is none good but one, that is, God.

¹⁹Thou knowest the commandments, Do not commit adultery, Do not kill, Do not steal, Do not bear false witness, Defraud not, Honour thy father and mother.

²⁰And he answered and said unto him, Master, all these have I observed from my youth.

²¹Then Jesus beholding him loved him, and said unto him, One thing thou lackest: go thy way, sell whatsoever thou hast, and give to the poor, and thou shalt have treasure in heaven: and come, take up the cross, and follow me.

²²And he was sad at that saying, and went away grieved: for he had great possessions.

²³And Jesus looked round about, and saith unto his disciples, How hardly shall they that have riches enter into the kingdom of God!

²⁴And the disciples were astonished at his words. But Jesus answereth again, and saith unto them, Children, how hard is it for them that trust in riches to enter into the kingdom of God!

²⁵It is easier for a camel to go through the eye of a needle, than for a rich man to enter into the kingdom of God.

²⁶And they were astonished out of measure, saying among themselves, Who then can be saved?

²⁷And Jesus looking upon them saith, With men it is impossible, but not with God: for with God all things are possible.

²⁸Then Peter began to say unto him, Lo, we have left all, and have followed thee.

²⁹And Jesus answered and said, Verily I say unto you, There is no man that hath left house, or brethren, or sisters, or father, or mother, or wife, or children, or lands, for my sake, and the gospel’s,

³⁰But he shall receive an hundredfold now in this time, houses, and brethren, and sisters, and mothers, and children, and lands, with persecutions; and in the world to come eternal life.

³¹But many that are first shall be last; and the last first.

³²And they were in the way going up to Jerusalem; and Jesus went before them: and they were amazed; and as they followed, they were afraid. And he took again the twelve, and began to tell them what things should happen unto him,

³³Saying, Behold, we go up to Jerusalem; and the Son of man shall be delivered unto the chief priests, and unto the scribes; and they shall condemn him to death, and shall deliver him to the Gentiles:

³⁴And they shall mock him, and shall scourge him, and shall spit upon him, and shall kill him: and the third day he shall rise again.

³⁵And James and John, the sons of Zebedee, come unto him, saying, Master, we would that thou shouldest do for us whatsoever we shall desire.

³⁶And he said unto them, What would ye that I should do for you?

³⁷They said unto him, Grant unto us that we may sit, one on thy right hand, and the other on thy left hand, in thy glory.

³⁸But Jesus said unto them, Ye know not what ye ask: can ye drink of the cup that I drink of? and be baptized with the baptism that I am baptized with?

³⁹And they said unto him, We can. And Jesus said unto them, Ye shall indeed drink of the cup that I drink of; and with the baptism that I am baptized withal shall ye be baptized:

⁴⁰But to sit on my right hand and on my left hand is not mine to give; but it shall be given to them for whom it is prepared.

⁴¹And when the ten heard it, they began to be much displeased with James and John.

⁴²But Jesus called them to him, and saith unto them, Ye know that they which are accounted to rule over the Gentiles exercise lordship over them; and their great ones exercise authority upon them.

⁴³But so shall it not be among you: but whosoever will be great among you, shall be your minister:

⁴⁴And whosoever of you will be the chiefest, shall be servant of all.

⁴⁵For even the Son of man came not to be ministered unto, but to minister, and to give his life a ransom for many.

⁴⁶And they came to Jericho: and as he went out of Jericho with his disciples and a great number of people, blind Bartimeus, the son of Timeus, sat by the highway side begging.

⁴⁷And when he heard that it was Jesus of Nazareth, he began to cry out, and say, Jesus, thou Son of David, have mercy on me.

⁴⁸And many charged him that he should hold his peace: but he cried the more a great deal, Thou Son of David, have mercy on me.

⁴⁹And Jesus stood still, and commanded him to be called. And they call the blind man, saying unto him, Be of good comfort, rise; he calleth thee.

⁵⁰And he, casting away his garment, rose, and came to Jesus.

⁵¹And Jesus answered and said unto him, What wilt thou that I should do unto thee? The blind man said unto him, Lord, that I might receive my sight.

⁵²And Jesus said unto him, Go thy way; thy faith hath made thee whole. And immediately he received his sight, and followed Jesus in the way.