Genesis 7

¹Also the Lord seide to Noe, Entre thou and al thin hous in to the schip, for Y seiy thee iust bifore me in this generacioun.

²Of alle clene lyuynge beestis thou schalt take bi seuene and bi seuene, male and female; forsothe of vnclene lyuynge beestis thou schalt take bi tweyne and bi tweyne, male and female;

³but also of volatils of heuene thou schalt take, bi seuene and bi seuene, male and female, that her seed be saued on the face of al erthe.

⁴For yit and aftir seuene daies Y schal reyne on erthe fourti daies and fourti nyytis, and Y schal do awey al substaunce which Y made, fro the face of erthe.

⁵Therfor Noe dide alle thingis whiche the Lord comaundide to hym.

⁶And he was of sixe hundrid yeer, whanne the watris of the greet flood flowiden on erthe.

⁷And Noe entride in to the schip, and hise sones, and hise wijf, and the wyues of his sones, entriden with him for the watris of the greet flood.

⁸And of lyuynge beestis clene and vnclene, and of briddis of heuene, and of ech beeste which is moued on erthe,

⁹bi tweyne and bi tweyne, male and female entriden to Noe in to the schip, as the Lord comaundide to Noe.

¹⁰And whanne seuene daies hadden passid, the watris of the greet flood flowiden on erthe.

¹¹In the sixe hundrid yeer of the lijf of Noe, in the secunde moneth, in the seuententhe dai of the moneth, alle the wellis of the greet see weren brokun, and the wyndowis of heuene weren opened,

¹²and reyn was maad on erthe fourti daies and fourti nyytis.

¹³In the ende of that dai Noe entride, and Sem, Cham, and Japheth, hise sones, his wijf, and the wyues of hise sones, entriden with hem into the schip.

¹⁴Thei entriden, and ech beeste bi his kynde, and alle werk beestis in her kynde, and ech beeste which is moued on erthe in his kynde, and ech volatil bi his kynde; alle briddis and alle volatils entriden to Noe in to the schip,

¹⁵bi tweyne and bi tweyne of ech fleisch in whiche the spirit of lijf was.

¹⁶And tho that entriden, entriden male and female of ech fleisch, as God comaundide to hym. And the Lord encloside hym fro with out-forth.

¹⁷And the greet flood was maad fourti daies and fourti niytis on erthe, and the watris weren multiplied, and reiseden the schip on hiy fro erthe.

¹⁸The watris flowiden greetli, and filliden alle thingis in the face of erthe. Forsothe the schip was borun on the watris.

¹⁹And the watris hadden maistrie greetli on erthe, and alle hiye hillis vndur alle heuene weren hilid;

²⁰the watyr was hiyere bi fiftene cubitis ouer the hilis whiche it hilide.

²¹And ech fleisch was wastid that was moued on erthe, of briddis, of lyuynge beestis, of vnresonable beestis, and of alle `reptilis that crepen on erthe.

²²Alle men, and alle thingis in whiche the brething of lijf was in erthe, weren deed.

²³And God dide awei al substaunce that was on erthe, fro man til to beeste, as wel a crepynge beeste as the briddis of heuene; and tho weren doon awei fro erthe. Forsothe Noe dwellide aloone, and thei that weren with hym in the schip.

²⁴And the watris of the greet flood ouereyeden the erthe an hundrid and fifti daies.

Genesis 7

¹And the Lord said unto Noah, Come thou and all thy house into the ark; for thee have I seen righteous before me in this generation.

²Of every clean beast thou shalt take to thee by sevens, the male and his female: and of beasts that are not clean by two, the male and his female.

³Of fowls also of the air by sevens, the male and the female; to keep seed alive upon the face of all the earth.

⁴For yet seven days, and I will cause it to rain upon the earth forty days and forty nights; and every living substance that I have made will I destroy from off the face of the earth.

⁵And Noah did according unto all that the Lord commanded him.

⁶And Noah was six hundred years old when the flood of waters was upon the earth.

⁷And Noah went in, and his sons, and his wife, and his sons’ wives with him, into the ark, because of the waters of the flood.

⁸Of clean beasts, and of beasts that are not clean, and of fowls, and of every thing that creepeth upon the earth,

⁹There went in two and two unto Noah into the ark, the male and the female, as God had commanded Noah.

¹⁰And it came to pass after seven days, that the waters of the flood were upon the earth.

¹¹In the six hundredth year of Noah’s life, in the second month, the seventeenth day of the month, the same day were all the fountains of the great deep broken up, and the windows of heaven were opened.

¹²And the rain was upon the earth forty days and forty nights.

¹³In the selfsame day entered Noah, and Shem, and Ham, and Japheth, the sons of Noah, and Noah’s wife, and the three wives of his sons with them, into the ark;

¹⁴They, and every beast after his kind, and all the cattle after their kind, and every creeping thing that creepeth upon the earth after his kind, and every fowl after his kind, every bird of every sort.

¹⁵And they went in unto Noah into the ark, two and two of all flesh, wherein is the breath of life.

¹⁶And they that went in, went in male and female of all flesh, as God had commanded him: and the Lord shut him in.

¹⁷And the flood was forty days upon the earth; and the waters increased, and bare up the ark, and it was lift up above the earth.

¹⁸And the waters prevailed, and were increased greatly upon the earth; and the ark went upon the face of the waters.

¹⁹And the waters prevailed exceedingly upon the earth; and all the high hills, that were under the whole heaven, were covered.

²⁰Fifteen cubits upward did the waters prevail; and the mountains were covered.

²¹And all flesh died that moved upon the earth, both of fowl, and of cattle, and of beast, and of every creeping thing that creepeth upon the earth, and every man:

²²All in whose nostrils was the breath of life, of all that was in the dry land, died.

²³And every living substance was destroyed which was upon the face of the ground, both man, and cattle, and the creeping things, and the fowl of the heaven; and they were destroyed from the earth: and Noah only remained alive, and they that were with him in the ark.

²⁴And the waters prevailed upon the earth an hundred and fifty days.