Genesis 17

¹Forsothe aftir that Abram bigan to be of nynti yeer and nyne, the Lord apperide to hym, and seide to him, Y am Almyyti God; go thou bifore me, and be thou perfit;

²and Y schal sette my couenaunt of pees bitwixe me and thee; and Y schal multiplie thee ful greetli.

³And Abram felde doun lowe on his face.

⁴And God seide to hym, Y am, and my couenaunt of pees is with thee, and thou schalt be the fadir of many folkis;

⁵and thi name schal no more be clepid Abram, but thou schalt be clepid Abraham, for Y haue maad thee fadir of many folkis;

⁶and Y schal make thee to wexe ful greetli, and Y schal sette thee in folkis, and kyngis schulen go out of thee;

⁷and Y schal make my couenaunt bitwixe me and thee, and bitwixe thi seed after thee, in her generaciouns, bi euerlastynge bond of pees, that Y be thi God, and of thi seed after thee;

⁸and Y schal yyue to thee and to thi seed after thee the lond of thi pilgrymage, al the lond of Chanaan, in to euerlastynge possessioun, and Y schal be the God of hem.

⁹God seide eft to Abraham, And therfor thou schalt kepe my couenaunt, and thi seed after thee, in her generaciouns.

¹⁰This is my couenaunt, which ye schulen kepe bitwixe me and you, and thi seed after thee; ech male kynde of you schal be circumcidid,

¹¹and ye schulen circumside the fleisch of youre mannes yeerd, that it be in to a signe of boond of pees bytwixe me and you.

¹²A yong child of eiyte daies schal be circumsidid in you, al male kynde in youre generaciouns, as wel a borun seruaunt as a seruaunt bouyt schal be circumsidid, and who euere is of youre kynrede he schal be circumsidid;

¹³and my couenaunt schal be in youre fleisch in to euerlastynge boond of pees.

¹⁴A man whos fleisch of his yerde schal not be circumsidid, thilke man schal be doon a wei fro his puple; for he made voide my couenaunt.

¹⁵Also God seide to Abraham, Thou schalt not clepe Saray, thi wijf, Sarai, but Sara;

¹⁶and Y schal blesse hir, and of hir I schal yyue to thee a sone, whom I schal blesse, and he schal be in to naciouns, and kyngis of puplis schulen be borun of hym.

¹⁷Abraham felde doun on his face, and leiyede in his hert, and seide, Gessist thou, whethir a sone schal be borun to a man of an hundrid yeer, and Sara of nynti yeer schal bere child?

¹⁸And he seide to the Lord, Y wolde that Ismael lyue bifore thee.

¹⁹And the Lord seide to Abraham, Sara, thi wijf, schal bere a sone to thee, and thou schalt clepe his name Ysaac, and Y schal make my couenaunt to hym in to euerlastynge boond of pees, and to his seed aftir hym;

²⁰also on Ysmael Y haue herd thee, lo! Y schal blesse him, and Y schal encreesse, and Y schal multiplie him greetli; he schal gendre twelue dukis, and Y schal make hym in to a greet folk.

²¹Forsothe Y schal make my couenaunt to Ysaac, whom Sare schal childe to thee in this tyme in the tother yeer.

²²And whanne the word of the spekere with hym was endid, God stiede fro Abraham.

²³Forsothe Abraham took Ismael, his sone, and alle the borun seruauntis of his hous, and alle which he hadde bouyte, alle the malis of alle men of his hous, and circumsidide the fleisch of her yerde, anoon in that dai, as the Lord comaundide him.

²⁴Abraham was of nynti yeer and nyne whanne he circumsidide the fleisch of his yeerd,

²⁵and Ismael, his sone, hadde fillid threttene yeer in the tyme of his circumsicioun.

²⁶Abraham was circumsidid in the same day, and Ismael his sone,

²⁷and alle men of his hows, as wel borun seruauntis as bouyt and aliens, weren circumcidid togidre.

Genesis 17

¹And when Abram was ninety years old and nine, the Lord appeared to Abram, and said unto him, I am the Almighty God; walk before me, and be thou perfect.

²And I will make my covenant between me and thee, and will multiply thee exceedingly.

³And Abram fell on his face: and God talked with him, saying,

⁴As for me, behold, my covenant is with thee, and thou shalt be a father of many nations.

⁵Neither shall thy name any more be called Abram, but thy name shall be Abraham; for a father of many nations have I made thee.

⁶And I will make thee exceeding fruitful, and I will make nations of thee, and kings shall come out of thee.

⁷And I will establish my covenant between me and thee and thy seed after thee in their generations for an everlasting covenant, to be a God unto thee, and to thy seed after thee.

⁸And I will give unto thee, and to thy seed after thee, the land wherein thou art a stranger, all the land of Canaan, for an everlasting possession; and I will be their God.

⁹And God said unto Abraham, Thou shalt keep my covenant therefore, thou, and thy seed after thee in their generations.

¹⁰This is my covenant, which ye shall keep, between me and you and thy seed after thee; Every man child among you shall be circumcised.

¹¹And ye shall circumcise the flesh of your foreskin; and it shall be a token of the covenant betwixt me and you.

¹²And he that is eight days old shall be circumcised among you, every man child in your generations, he that is born in the house, or bought with money of any stranger, which is not of thy seed.

¹³He that is born in thy house, and he that is bought with thy money, must needs be circumcised: and my covenant shall be in your flesh for an everlasting covenant.

¹⁴And the uncircumcised man child whose flesh of his foreskin is not circumcised, that soul shall be cut off from his people; he hath broken my covenant.

¹⁵And God said unto Abraham, As for Sarai thy wife, thou shalt not call her name Sarai, but Sarah shall her name be.

¹⁶And I will bless her, and give thee a son also of her: yea, I will bless her, and she shall be a mother of nations; kings of people shall be of her.

¹⁷Then Abraham fell upon his face, and laughed, and said in his heart, Shall a child be born unto him that is an hundred years old? and shall Sarah, that is ninety years old, bear?

¹⁸And Abraham said unto God, O that Ishmael might live before thee!

¹⁹And God said, Sarah thy wife shall bear thee a son indeed; and thou shalt call his name Isaac: and I will establish my covenant with him for an everlasting covenant, and with his seed after him.

²⁰And as for Ishmael, I have heard thee: Behold, I have blessed him, and will make him fruitful, and will multiply him exceedingly; twelve princes shall he beget, and I will make him a great nation.

²¹But my covenant will I establish with Isaac, which Sarah shall bear unto thee at this set time in the next year.

²²And he left off talking with him, and God went up from Abraham.

²³And Abraham took Ishmael his son, and all that were born in his house, and all that were bought with his money, every male among the men of Abraham’s house; and circumcised the flesh of their foreskin in the selfsame day, as God had said unto him.

²⁴And Abraham was ninety years old and nine, when he was circumcised in the flesh of his foreskin.

²⁵And Ishmael his son was thirteen years old, when he was circumcised in the flesh of his foreskin.

²⁶In the selfsame day was Abraham circumcised, and Ishmael his son.

²⁷And all the men of his house, born in the house, and bought with money of the stranger, were circumcised with him.