Exodus 22

¹If ony man stelith a scheep, ether oxe, and sleeth, ether sillith, he schal restore fiue oxen for oon oxe, and foure scheep for o scheep.

²And if a nyyt theef brekynge an hows, ether vndurmynynge, is foundun, and is deed bi a wounde takun, the smytere schal not be gilti of blood;

³that if he dide this whanne the sunne was rysun, he dide man sleyng, and he schal die. If a theef hath not that, that he schal yelde for thefte, he schal be seeld;

⁴if that thing that he staal, is foundun quyk at hym, ether oxe, ether asse, ether scheep, he schal restore the double.

⁵If a man harmeth a feeld, ethir vyner, and suffrith his beeste, that it waaste othere mennus thingis, he schal restore for the valu of harm, `what euer beste thing he hath in his feeld, ethir vyner.

⁶If fier goith out, and fyndith eeris of corn, and catchith heepis of corn, ethir cornes stondynge in feeldis, he that kyndlide the fier schal yeelde the harm.

⁷If a man bitakith in to kepyng monei to a freend, ether a vessel `in to keping, and it is takun awey bi thefte fro hym that resseyuede, if the theef is foundun, he schal restore the double.

⁸If the theef is hid, the lord of the hows schal be brouyt to goddis, `that is, iugis, and he schal swere, that he helde not forth the hond in to `the thing of his neiybore,

⁹to `do fraude; as wel in oxe, as in asse, and in scheep, and in clooth; and what euer thing may brynge in harm, the cause of euer eithir schal come to goddis, and if thei demen, he schal restore the double to his neiybore.

¹⁰If ony man bitakith to his neiybore oxe, asse, scheep, and al werk beeste to kepyng, and it is deed, ether is maad feble, ethir is takun of enemyes, and no man seeth this,

¹¹an ooth schal be in the myddis , that he helde not forth the hond to the `thing of his neiybore; and the lord schal resseyue the ooth, and he schal not be compellid to yelde.

¹²That if it is takun awei bi thefte, he schal restore the harm to the lord;

¹³if it is etun of a beeste, he schal brynge to the lord that that is slayn, and he schal not restore.

¹⁴He that axith of his neiybore ony thing of these bi borewyng, and it is feblid, ether deed, while the lord is not present, he schal be constreyned to yelde; that if the lord is in presence,

¹⁵he schal not restore, moost if it cam hirid, for the meede of his werk.

¹⁶If a man disseyueth a virgyn not yit weddid, and slepith with hir, he schal yyue dower to hir, and schal haue hir wijf.

¹⁷If the fadir of the virgyn nyle yyue, he schal yelde money, bi the maner of dower, which virgyns weren wont to take.

¹⁸Thou schalt not suffre witchis to lyue.

¹⁹He that doith letcherie with a beeste, die by deeth.

²⁰He that offrith to goddis, out takun to the Lord aloone, be he slayn.

²¹Thou schalt not make sory a comelyng, nether thou schalt turmente hym; for also ye weren comelyngis in the lond of Egipt.

²²Ye schulen not anoye a widewe, and a fadirles ethir modirles child.

²³If ye hirten hem, thei schulen crye to me, and Y schal here the cry of hem,

²⁴and my greet veniaunce schal haue indignacioun, and Y schal smyte you with swerd, and youre wyues schulen be widewis, and youre sones schulen be fadirles.

²⁵If thou yyuest money to loone to my pore puple, that dwellith with thee, thou schalt not constreyne hym, as an extorsioner doith, nether thou schalt oppresse hym by vsuris.

²⁶If thou takist of thi neiybore `a wed a clooth, thou schalt yelde to hym bifore the goyng doun of the sunne;

²⁷for that aloone is the cloothing of his fleisch, with which he is hilid, nether he hath another, in which he slepith; if he crieth to me, Y schal here hym; for Y am mercyful.

²⁸Thou schalt not bacbyte goddis, and thou schalt not curse the prince of thi puple.

²⁹Thou schalt not tarye to offre to the Lord thi tithis, and firste fruytis. Thou schalt yyue to me the firste gendrid of thi sones;

³⁰also of oxen, and of scheep thou schalt do in lijk maner; seuene daies be he with his modir, in the eiytithe dai thou schalt yelde hym to me.

³¹Ye schulen be holi men to me; ye schulen not ete fleisch which is bifore taastid of beestis, but ye schulen caste forth to houndis.

Exodus 22

¹If a man shall steal an ox, or a sheep, and kill it, or sell it; he shall restore five oxen for an ox, and four sheep for a sheep.

²If a thief be found breaking up, and be smitten that he die, there shall no blood be shed for him.

³If the sun be risen upon him, there shall be blood shed for him; for he should make full restitution; if he have nothing, then he shall be sold for his theft.

⁴If the theft be certainly found in his hand alive, whether it be ox, or ass, or sheep; he shall restore double.

⁵If a man shall cause a field or vineyard to be eaten, and shall put in his beast, and shall feed in another man’s field; of the best of his own field, and of the best of his own vineyard, shall he make restitution.

⁶If fire break out, and catch in thorns, so that the stacks of corn, or the standing corn, or the field, be consumed therewith; he that kindled the fire shall surely make restitution.

⁷If a man shall deliver unto his neighbour money or stuff to keep, and it be stolen out of the man’s house; if the thief be found, let him pay double.

⁸If the thief be not found, then the master of the house shall be brought unto the judges, to see whether he have put his hand unto his neighbour’s goods.

⁹For all manner of trespass, whether it be for ox, for ass, for sheep, for raiment, or for any manner of lost thing, which another challengeth to be his, the cause of both parties shall come before the judges; and whom the judges shall condemn, he shall pay double unto his neighbour.

¹⁰If a man deliver unto his neighbour an ass, or an ox, or a sheep, or any beast, to keep; and it die, or be hurt, or driven away, no man seeing it:

¹¹Then shall an oath of the Lord be between them both, that he hath not put his hand unto his neighbour’s goods; and the owner of it shall accept thereof, and he shall not make it good.

¹²And if it be stolen from him, he shall make restitution unto the owner thereof.

¹³If it be torn in pieces, then let him bring it for witness, and he shall not make good that which was torn.

¹⁴And if a man borrow ought of his neighbour, and it be hurt, or die, the owner thereof being not with it, he shall surely make it good.

¹⁵But if the owner thereof be with it, he shall not make it good: if it be an hired thing, it came for his hire.

¹⁶And if a man entice a maid that is not betrothed, and lie with her, he shall surely endow her to be his wife.

¹⁷If her father utterly refuse to give her unto him, he shall pay money according to the dowry of virgins.

¹⁸Thou shalt not suffer a witch to live.

¹⁹Whosoever lieth with a beast shall surely be put to death.

²⁰He that sacrificeth unto any god, save unto the Lord only, he shall be utterly destroyed.

²¹Thou shalt neither vex a stranger, nor oppress him: for ye were strangers in the land of Egypt.

²²Ye shall not afflict any widow, or fatherless child.

²³If thou afflict them in any wise, and they cry at all unto me, I will surely hear their cry;

²⁴And my wrath shall wax hot, and I will kill you with the sword; and your wives shall be widows, and your children fatherless.

²⁵If thou lend money to any of my people that is poor by thee, thou shalt not be to him as an usurer, neither shalt thou lay upon him usury.

²⁶If thou at all take thy neighbour’s raiment to pledge, thou shalt deliver it unto him by that the sun goeth down:

²⁷For that is his covering only, it is his raiment for his skin: wherein shall he sleep? and it shall come to pass, when he crieth unto me, that I will hear; for I am gracious.

²⁸Thou shalt not revile the gods, nor curse the ruler of thy people.

²⁹Thou shalt not delay to offer the first of thy ripe fruits, and of thy liquors: the firstborn of thy sons shalt thou give unto me.

³⁰Likewise shalt thou do with thine oxen, and with thy sheep: seven days it shall be with his dam; on the eighth day thou shalt give it me.

³¹And ye shall be holy men unto me: neither shall ye eat any flesh that is torn of beasts in the field; ye shall cast it to the dogs.