Exodus 20

¹And the Lord spak alle these wordis, Y am thi Lord God,

²that ladde thee out of the lond of Egipt, fro the hous of seruage.

³Thou schalt not haue alien goddis bifore me.

⁴Thou schalt not make to thee a grauun ymage, nethir ony licnesse of thing which is in heuene aboue, and which is in erthe bynethe, nether of tho thingis, that ben in watris vndur erthe; thou schalt not `herie tho,

⁵nether `thou schalt worschipe; for Y am thi Lord God, a stronge gelouse louyere; and Y visite the wickidnesse of fadris in to the thridde and the fourthe generacioun of hem that haten me,

⁶and Y do mercy in to `a thousynde, to hem that louen me, and kepen myn heestis.

⁷Thou schalt not take in veyn the name of thi Lord God, for the Lord schal not haue hym giltles, that takith in veyn the name of his Lord God.

⁸Haue thou mynde, that thou halowe the `dai of the sabat;

⁹in sixe daies thou schalt worche and schalt do alle thi werkis;

¹⁰forsothe in the seuenthe day is the sabat of thi Lord God; thou schalt not do ony werk, thou, and thi sone, and thi douytir, and thi seruaunt, and thin handmaide, thi werk beeste, and the comelyng which is withynne thi yatis;

¹¹for in sixe dayes God made heuene and erthe, the see, and alle thingis that ben in tho, and restide in the seuenthe dai; herfor the Lord blesside the `dai of the sabat, and halewide it.

¹²Onoure thi fadir and thi moder, that thou be long lyuyng on the lond, which thi Lord God schal yyue to thee.

¹³Thou schalt not sle.

¹⁴Thou schalt `do no letcherie.

¹⁵Thou schalt `do no theft.

¹⁶Thou schalt not speke fals witnessyng ayens thi neiybore.

¹⁷Thou schalt not coueyte `the hous of thi neiybore, nether thou schalt desyre his wijf, not seruaunt, not handmaide, not oxe, not asse, nether alle thingis that ben hise.

¹⁸Forsothe al the puple herde voices, and siy laumpis, and the sowne of a clarioun, and the hil smokynge; and thei weren afeerd, and schakun with inward drede, and stoden afer,

¹⁹and seiden to Moises, Speke thou to vs, and we schulen here; the Lord speke not to vs, lest perauenture we dien.

²⁰And Moises seide to the puple, Nyle ye drede, for God cam to proue you, and that his drede schulde be in you, and that ye schulden not do synne.

²¹And the puple stood afer; forsothe Moises neiyede to the derknesse, wherynne God was.

²²And the Lord seide ferthermore to Moises, Thou schalt seie these thingis to the sones of Israel, Ye seiyen that fro heuene Y spak to you;

²³ye schulen not make goddis of silver, nethir ye schulen make to you goddis of gold.

²⁴Ye schulen make an auter of erthe to me, and ye schulen offre theronne youre brent sacrifices, and pesible sacrifices, youre scheep, and oxun, in ech place in which the mynde of my name schal be; Y schal come to thee, and Y schal blesse thee.

²⁵That if thou schalt make an auter of stoon to me, thou schalt not bilde it of stoonys hewun; for if thou schalt reise thi knyif theronne, it schal be `polluted, ether defoulid.

²⁶Thou schalt not stye bi grees to myn auter, lest thi filthe be schewid.

Exodus 20

¹And God spake all these words, saying,

²I am the Lord thy God, which have brought thee out of the land of Egypt, out of the house of bondage.

³Thou shalt have no other gods before me.

⁴Thou shalt not make unto thee any graven image, or any likeness of any thing that is in heaven above, or that is in the earth beneath, or that is in the water under the earth:

⁵Thou shalt not bow down thyself to them, nor serve them: for I the Lord thy God am a jealous God, visiting the iniquity of the fathers upon the children unto the third and fourth generation of them that hate me;

⁶And shewing mercy unto thousands of them that love me, and keep my commandments.

⁷Thou shalt not take the name of the Lord thy God in vain; for the Lord will not hold him guiltless that taketh his name in vain.

⁸Remember the sabbath day, to keep it holy.

⁹Six days shalt thou labour, and do all thy work:

¹⁰But the seventh day is the sabbath of the Lord thy God: in it thou shalt not do any work, thou, nor thy son, nor thy daughter, thy manservant, nor thy maidservant, nor thy cattle, nor thy stranger that is within thy gates:

¹¹For in six days the Lord made heaven and earth, the sea, and all that in them is, and rested the seventh day: wherefore the Lord blessed the sabbath day, and hallowed it.

¹²Honour thy father and thy mother: that thy days may be long upon the land which the Lord thy God giveth thee.

¹³Thou shalt not kill.

¹⁴Thou shalt not commit adultery.

¹⁵Thou shalt not steal.

¹⁶Thou shalt not bear false witness against thy neighbour.

¹⁷Thou shalt not covet thy neighbour’s house, thou shalt not covet thy neighbour’s wife, nor his manservant, nor his maidservant, nor his ox, nor his ass, nor any thing that is thy neighbour’s.

¹⁸And all the people saw the thunderings, and the lightnings, and the noise of the trumpet, and the mountain smoking: and when the people saw it, they removed, and stood afar off.

¹⁹And they said unto Moses, Speak thou with us, and we will hear: but let not God speak with us, lest we die.

²⁰And Moses said unto the people, Fear not: for God is come to prove you, and that his fear may be before your faces, that ye sin not.

²¹And the people stood afar off, and Moses drew near unto the thick darkness where God was.

²²And the Lord said unto Moses, Thus thou shalt say unto the children of Israel, Ye have seen that I have talked with you from heaven.

²³Ye shall not make with me gods of silver, neither shall ye make unto you gods of gold.

²⁴An altar of earth thou shalt make unto me, and shalt sacrifice thereon thy burnt offerings, and thy peace offerings, thy sheep, and thine oxen: in all places where I record my name I will come unto thee, and I will bless thee.

²⁵And if thou wilt make me an altar of stone, thou shalt not build it of hewn stone: for if thou lift up thy tool upon it, thou hast polluted it.

²⁶Neither shalt thou go up by steps unto mine altar, that thy nakedness be not discovered thereon.