Zechariah 2

¹And Y reiside myn iyen, and siy, and lo! a man, and lo! in his hoond a litil coorde of meteris.

²And Y seide, Whidir goist thou? And he seide to me, That Y mete Jerusalem, and Judee; hou myche is the breede therof, and hou myche is the lengthe therof.

³And lo! the aungel that spak in me, wente out, and another aungel wente out in to the metyng of hym, and seide to hym,

⁴Renne thou, speke to this child, and seie thou, Jerusalem shal be enhabitid with out wal, for the multitude of men and of beestis in the myddil therof.

⁵And Y schal be to it, seith the Lord, a wal of fier in cumpas; and Y schal be in glorie in myddil therof.

⁶A! A! A! fle ye fro the lond of the north, seith the Lord, for in foure wyndis of heuene Y scateride you, seith the Lord.

⁷A! thou Sion, fle, that dwellist at the douyter of Babiloyne.

⁸For the Lord of oostis seith these thingis, After glorie he sente me to hethene men, whiche robbiden you; for he that schal touche you, schal touche the apple of myn iye.

⁹For lo! Y reise myn hond on hem, and thei schulen be preyes to these that seruyden hem; and ye schulen knowe, that the Lord of oostis sente me.

¹⁰Douyter of Sion, herie thou, and be glad; for lo! Y come, and Y schal dwelle in myddil of thee, seith the Lord.

¹¹And many folkis schulen be applied to the Lord in that dai, and thei schulen be to me in to puple, and Y schal dwelle in myddil of thee; and thou schalt wite, that the Lord of oostis sente me to thee.

¹²And the Lord schal welde Juda in to his part, in the loud halewid, and schal cheese yit Jerusalem.

¹³Ech fleisch be stil fro the face of the Lord, for he roos of his hooli dwelling place.

Zechariah 2

¹I lifted up mine eyes again, and looked, and behold a man with a measuring line in his hand.

²Then said I, Whither goest thou? And he said unto me, To measure Jerusalem, to see what is the breadth thereof, and what is the length thereof.

³And, behold, the angel that talked with me went forth, and another angel went out to meet him,

⁴And said unto him, Run, speak to this young man, saying, Jerusalem shall be inhabited as towns without walls for the multitude of men and cattle therein:

⁵For I, saith the Lord, will be unto her a wall of fire round about, and will be the glory in the midst of her.

⁶Ho, ho, come forth, and flee from the land of the north, saith the Lord: for I have spread you abroad as the four winds of the heaven, saith the Lord.

⁷Deliver thyself, O Zion, that dwellest with the daughter of Babylon.

⁸For thus saith the Lord of hosts; After the glory hath he sent me unto the nations which spoiled you: for he that toucheth you toucheth the apple of his eye.

⁹For, behold, I will shake mine hand upon them, and they shall be a spoil to their servants: and ye shall know that the Lord of hosts hath sent me.

¹⁰Sing and rejoice, O daughter of Zion: for, lo, I come, and I will dwell in the midst of thee, saith the Lord.

¹¹And many nations shall be joined to the Lord in that day, and shall be my people: and I will dwell in the midst of thee, and thou shalt know that the Lord of hosts hath sent me unto thee.

¹²And the Lord shall inherit Judah his portion in the holy land, and shall choose Jerusalem again.

¹³Be silent, O all flesh, before the Lord: for he is raised up out of his holy habitation.