Psalms 54

¹The title of the foure and fiftithe salm. `In Ebreu thus, To victorie in orguns, the lernyng of Dauid. `In Jeroms translacioun thus, To the ouercomer in salmes of Dauid lernid.

²God, here thou my preier, and dispise thou not my biseching;

³yyue thou tent to me, and here thou me. I am sorewful in myn exercising; and Y am disturblid of the face of the enemye,

⁴and of the tribulacioun of the synner. For thei bowiden wickidnessis in to me; and in ire thei weren diseseful to me.

⁵Myn herte was disturblid in me; and the drede of deth felde on me.

⁶Drede and trembling camen on me; and derknessis hiliden me.

⁷And Y seide, Who schal yyue to me fetheris, as of a culuer; and Y schal fle, and schal take rest?

⁸Lo! Y yede fer awei, and fledde; and Y dwellide in wildirnesse.

⁹I abood hym, that made me saaf fro the litilnesse, `ether drede, of spirit; and fro tempest.

¹⁰Lord, caste thou doun, departe thou the tungis of hem; for Y siy wickidnesse and ayenseiyng in the citee.

¹¹Bi dai and nyyt wickidnesse schal cumpasse it on the wallis therof;

¹²and trauel and vnriytfulnesse ben in the myddis therof. And vsure and gile failide not; fro the stretis therof.

¹³For if myn enemye hadde cursid me; sotheli Y hadde suffride. And if he, that hatide me, hadde spoke greet thingis on me; in hap Y hadde hid me fro hym.

¹⁴But thou art a man of o wille; my leeder, and my knowun.

¹⁵Which tokist togidere swete meetis with me; we yeden with consent in the hous of God.

¹⁶Deth come on hem; and go thei doun quyk in to helle. For weiwardnessis ben in the dwelling places of hem; in the myddis of hem.

¹⁷But Y criede to thee, Lord; and the Lord sauede me.

¹⁸In the euentid and morewtid and in myddai Y schal telle, and schewe; and he schal here my vois.

¹⁹He schal ayenbie my soule in pees fro hem, that neiyen to me; for among manye thei weren with me.

²⁰God schal here; and he that is bifore the worldis schal make hem low. For chaungyng is not to hem, and thei dredden not God;

²¹he holdith forth his hoond in yelding. Thei defouliden his testament,

²²the cheris therof weren departid fro ire; and his herte neiyede. The wordis therof weren softer than oyle; and tho ben dartis.

²³Caste thi cure on the Lord, and he schal fulli nurische thee; and he schal not yyue with outen ende flotering to a iust man.

²⁴But thou, God, schalt lede hem forth; in to the pit of deth. Menquelleris and gilours schulen not haue half her daies; but, Lord, Y schal hope in thee.

Psalms 54

¹Save me, O God, by thy name, and judge me by thy strength.

²Hear my prayer, O God; give ear to the words of my mouth.

³For strangers are risen up against me, and oppressors seek after my soul: they have not set God before them. Selah.

⁴Behold, God is mine helper: the Lord is with them that uphold my soul.

⁵He shall reward evil unto mine enemies: cut them off in thy truth.

⁶I will freely sacrifice unto thee: I will praise thy name, O Lord; for it is good.

⁷For he hath delivered me out of all trouble: and mine eye hath seen his desire upon mine enemies.