Luke 9

¹And whanne the twelue apostlis weren clepid togidir, Jhesus yaf to hem vertu and power on alle deuelis, and that thei schulden heele sijknessis.

²And he sente hem for to preche the kyngdom of God, and to heele sijk men.

³And he seide to hem, No thing take ye in the weie, nether yerde, ne scrippe, nether breed, ne money, and nether haue ye two cootis.

⁴And in to what hous that ye entren, dwelle ye there, and go ye not out fro thennus.

⁵And who euer resseyuen not you, go ye out of that citee, and schake ye of the poudir of youre feet in to witnessyng on hem.

⁶And thei yeden forth, and wenten aboute bi castels, prechynge and helynge euery where.

⁷And Eroude tetrak herde alle thingis that weren don of hym, and he doutide,

⁸for that it was seide of sum men, that Joon was risen fro deth; and of summen, that Elie hadde apperid; but of othere, that oon of the elde prophetis was risun.

⁹And Eroude seide, Y haue biheedid Joon; and who is this, of whom Y here siche thingis? And he souyte to se hym.

¹⁰And the apostlis turneden ayen, and tolden to hym alle thingis that thei hadden don. And he took hem, and wente bisidis in to a desert place, that is Bethsada.

¹¹And whanne the puple knewen this, thei folewiden hym. And he resseyuede hem, and spak to hem of the kyngdom of God; and he heelide hem that hadden neede of cure.

¹²And the dai bigan to bowe doun, and the twelue camen, and seiden to hym, Leeue the puple, that thei go, and turne in to castels and townes, that ben aboute, that thei fynde mete, for we ben here in a desert place.

¹³And he seide to hem, Yue ye to hem to ete. And thei seiden, Ther ben not to vs mo than fyue looues and twei fischis, but perauenture that we go, and bie meetis to al this puple.

¹⁴And the men weren almost fyue thousynde. And he seide to hise disciplis, Make ye hem sitte to mete bi cumpanyes, a fifti to gidir.

¹⁵And thei diden so, and thei maden alle men sitte to mete.

¹⁶And whanne he hadde take the fyue looues and twei fischis, he biheeld in to heuene, and blesside hem, and brak, and delide to hise disciplis, that thei schulden sette forth bifor the cumpanyes.

¹⁷And alle men eeten, and weren fulfillid; and that that lefte to hem of brokun metis was takun vp, twelue cofyns.

¹⁸And it was don, whanne he was aloone preiynge, hise disciplis weren with hym, and he axide hem, and seide, Whom seien the puple that Y am?

¹⁹And thei answeriden, and seiden, Joon Baptist, othir seien Elie, and othir seien, o profete of the formere is risun.

²⁰And he seide to hem, But who seien ye that Y am? Symount Petir answeride, and seide, The Crist of God.

²¹And he blamynge hem comaundide that thei schulden seie to no man,

²²and seide these thingis, For it bihoueth mannus sone to suffre many thingis, and to be repreued of the elder men, and of the princis of prestis, and of scribis, and to be slayn, and the thridde dai to rise ayen.

²³And he seide to alle, If ony wole come aftir me, denye he hym silf, and take he his cross euery dai, and sue he me.

²⁴For he that wole make his lijf saaf schal leese it; and he that leesith his lijf for me, schal make it saaf.

²⁵And what profitith it to a man, if he wynne al the world, and leese hymsilf, and do peiryng of him silf.

²⁶For who so schameth me and my wordis, mannus sone schal schame hym, whanne he cometh in his maieste, and of the fadris, and of the hooli aungels.

²⁷And Y seie to you, verily ther ben summe stondynge here, whiche schulen not taste deeth, til thei seen the rewme of God.

²⁸And it was don aftir these wordis almest eiyte daies, and he took Petre and James and Joon, and he stiede in to an hil, to preye.

²⁹And while he preiede, the licnesse of his cheer was chaungid, and his clothing was whit schynynge.

³⁰And lo! two men spaken with hym,

³¹and Moises and Helie weren seen in maieste; and thei sayn his goyng out, which he schulde fulfille in Jerusalem.

³²And Petre, and thei that weren with hym, weren heuy of sleep, and thei wakynge saien his majeste, and the twey men that stoden with hym.

³³And it was don, whanne thei departiden fro hym, Petir seide to Jhesu, Comaundour, it is good that we be here, and make we here thre tabernaclis, oon to thee, and oon to Moises, and oon to Elie. And he wiste not what he schulde seie.

³⁴But while he spak these thingis, a cloude was maad, and ouerschadewide hem; and thei dredden, whanne thei entriden in to the cloude.

³⁵And a vois was maad out of the cloude, and seide, This is my derworth sone, here ye hym.

³⁶And while the vois was maad, Jhesu was foundun aloone. And thei weren stille, and to no man seiden in tho daies ouyt of tho thingis, that thei hadden seyn.

³⁷But it was doon in the dai suynge, whanne thei camen doun of the hil, myche puple mette hem.

³⁸And lo! a man of the cumpany criede, and seide, Maister, Y biseche thee, biholde my sone, for Y haue no mo; and lo!

³⁹a spirit takith hym, and sudenli he crieth, and hurtlith doun, and to-drawith hym with fome, and vnneth he goith awei al to-drawynge hym.

⁴⁰And Y preiede thi disciplis, that thei schulden caste hym out, and thei myyten not.

⁴¹And Jhesus answerde and seide to hem, A! vnfeithful generacioun and weiward, hou long schal Y be at you, and suffre you? brynge hidur thi sone.

⁴²And whanne he cam nyy, the deuel hurtlide hym doun, and to-braidide hym. And Jhesus blamyde `the vnclene spirit, and heelide the child, and yeldide him to his fadir.

⁴³And alle men wondriden greetli in the gretnesse of God. And whanne alle men wondriden in alle thingis that he dide, he seide to hise disciplis,

⁴⁴Putte ye these wordis in youre hertis, for it is to come, that mannus sone be bitrayed in to the hondis of men.

⁴⁵And thei knewen not this word, and it was hid bifor hem, that thei feeliden it not; and thei dredden to axe hym of this word.

⁴⁶But a thouyt entride in to hem, who of hem schulde be grettest.

⁴⁷And Jhesu, seynge the thouytis of the herte of hem, took a child, and settide hym bisidis hym;

⁴⁸and seide to hem, Who euer resseyueth this child in my name, resseyueth me; and who euer resseyueth me, resseiueth him that sente me; for he that is leest among you alle, is the grettest.

⁴⁹And Joon answeride and seide, Comaundoure, we sayn a man castynge out feendis in thi name, and we han forbedun hym, for he sueth not thee with vs.

⁵⁰And Jhesus seide to hym, Nyle ye forbede, for he that is not ayens vs, is for vs.

⁵¹And it was don, whanne the daies of his takyng vp weren fulfillid, he settide faste his face, to go to Jerusalem,

⁵²and sente messangeris bifor his siyt. And thei yeden, and entriden in to a citee of Samaritans, to make redi to hym.

⁵³And thei resseyueden not hym, for the face `was of hym goynge in to Jerusalem.

⁵⁴And whanne James and Joon, hise disciplis, seyn, thei seiden, Lord, wolt thou that we seien, that fier come doun fro heuene, and waste hem?

⁵⁵And he turnede, and blamyde hem, and seide, Ye witen not, whos spiritis ye ben;

⁵⁶for mannus sone cam not to leese mennus soulis, but to saue. And thei wenten in to another castel.

⁵⁷And it was don, whanne thei walkeden in the weie, a man seide to hym, Y schal sue thee, whidur euer thou go.

⁵⁸And Jhesus seide to hym, Foxis han dennes, and briddis of the eir han nestis, but mannus sone hath not where he reste his heed.

⁵⁹And he seide to another, Sue thou me. And he seide, Lord, suffre me first to go, and birie my fadir.

⁶⁰And Jhesus seide to hym, Suffre that deede men birie hir deede men; but go thou, and telle the kyngdom of God.

⁶¹And another seide, Lord, Y schal sue thee, but first suffre me to leeue `alle thingis that ben at hoom.

⁶²And Jhesus seide to hym, No man that puttith his hoond to the plouy, and biholdynge bacward, is able to the rewme of God.

Luke 9

¹Then he called his twelve disciples together, and gave them power and authority over all devils, and to cure diseases.

²And he sent them to preach the kingdom of God, and to heal the sick.

³And he said unto them, Take nothing for your journey, neither staves, nor scrip, neither bread, neither money; neither have two coats apiece.

⁴And whatsoever house ye enter into, there abide, and thence depart.

⁵And whosoever will not receive you, when ye go out of that city, shake off the very dust from your feet for a testimony against them.

⁶And they departed, and went through the towns, preaching the gospel, and healing every where.

⁷Now Herod the tetrarch heard of all that was done by him: and he was perplexed, because that it was said of some, that John was risen from the dead;

⁸And of some, that Elias had appeared; and of others, that one of the old prophets was risen again.

⁹And Herod said, John have I beheaded: but who is this, of whom I hear such things? And he desired to see him.

¹⁰And the apostles, when they were returned, told him all that they had done. And he took them, and went aside privately into a desert place belonging to the city called Bethsaida.

¹¹And the people, when they knew it, followed him: and he received them, and spake unto them of the kingdom of God, and healed them that had need of healing.

¹²And when the day began to wear away, then came the twelve, and said unto him, Send the multitude away, that they may go into the towns and country round about, and lodge, and get victuals: for we are here in a desert place.

¹³But he said unto them, Give ye them to eat. And they said, We have no more but five loaves and two fishes; except we should go and buy meat for all this people.

¹⁴For they were about five thousand men. And he said to his disciples, Make them sit down by fifties in a company.

¹⁵And they did so, and made them all sit down.

¹⁶Then he took the five loaves and the two fishes, and looking up to heaven, he blessed them, and brake, and gave to the disciples to set before the multitude.

¹⁷And they did eat, and were all filled: and there was taken up of fragments that remained to them twelve baskets.

¹⁸And it came to pass, as he was alone praying, his disciples were with him: and he asked them, saying, Whom say the people that I am?

¹⁹They answering said, John the Baptist; but some say, Elias; and others say, that one of the old prophets is risen again.

²⁰He said unto them, But whom say ye that I am? Peter answering said, The Christ of God.

²¹And he straitly charged them, and commanded them to tell no man that thing;

²²Saying, The Son of man must suffer many things, and be rejected of the elders and chief priests and scribes, and be slain, and be raised the third day.

²³And he said to them all, If any man will come after me, let him deny himself, and take up his cross daily, and follow me.

²⁴For whosoever will save his life shall lose it: but whosoever will lose his life for my sake, the same shall save it.

²⁵For what is a man advantaged, if he gain the whole world, and lose himself, or be cast away?

²⁶For whosoever shall be ashamed of me and of my words, of him shall the Son of man be ashamed, when he shall come in his own glory, and in his Father’s, and of the holy angels.

²⁷But I tell you of a truth, there be some standing here, which shall not taste of death, till they see the kingdom of God.

²⁸And it came to pass about an eight days after these sayings, he took Peter and John and James, and went up into a mountain to pray.

²⁹And as he prayed, the fashion of his countenance was altered, and his raiment was white and glistering.

³⁰And, behold, there talked with him two men, which were Moses and Elias:

³¹Who appeared in glory, and spake of his decease which he should accomplish at Jerusalem.

³²But Peter and they that were with him were heavy with sleep: and when they were awake, they saw his glory, and the two men that stood with him.

³³And it came to pass, as they departed from him, Peter said unto Jesus, Master, it is good for us to be here: and let us make three tabernacles; one for thee, and one for Moses, and one for Elias: not knowing what he said.

³⁴While he thus spake, there came a cloud, and overshadowed them: and they feared as they entered into the cloud.

³⁵And there came a voice out of the cloud, saying, This is my beloved Son: hear him.

³⁶And when the voice was past, Jesus was found alone. And they kept it close, and told no man in those days any of those things which they had seen.

³⁷And it came to pass, that on the next day, when they were come down from the hill, much people met him.

³⁸And, behold, a man of the company cried out, saying, Master, I beseech thee, look upon my son: for he is mine only child.

³⁹And, lo, a spirit taketh him, and he suddenly crieth out; and it teareth him that he foameth again, and bruising him hardly departeth from him.

⁴⁰And I besought thy disciples to cast him out; and they could not.

⁴¹And Jesus answering said, O faithless and perverse generation, how long shall I be with you, and suffer you? Bring thy son hither.

⁴²And as he was yet a coming, the devil threw him down, and tare him. And Jesus rebuked the unclean spirit, and healed the child, and delivered him again to his father.

⁴³And they were all amazed at the mighty power of God. But while they wondered every one at all things which Jesus did, he said unto his disciples,

⁴⁴Let these sayings sink down into your ears: for the Son of man shall be delivered into the hands of men.

⁴⁵But they understood not this saying, and it was hid from them, that they perceived it not: and they feared to ask him of that saying.

⁴⁶Then there arose a reasoning among them, which of them should be greatest.

⁴⁷And Jesus, perceiving the thought of their heart, took a child, and set him by him,

⁴⁸And said unto them, Whosoever shall receive this child in my name receiveth me: and whosoever shall receive me receiveth him that sent me: for he that is least among you all, the same shall be great.

⁴⁹And John answered and said, Master, we saw one casting out devils in thy name; and we forbad him, because he followeth not with us.

⁵⁰And Jesus said unto him, Forbid him not: for he that is not against us is for us.

⁵¹And it came to pass, when the time was come that he should be received up, he stedfastly set his face to go to Jerusalem,

⁵²And sent messengers before his face: and they went, and entered into a village of the Samaritans, to make ready for him.

⁵³And they did not receive him, because his face was as though he would go to Jerusalem.

⁵⁴And when his disciples James and John saw this, they said, Lord, wilt thou that we command fire to come down from heaven, and consume them, even as Elias did?

⁵⁵But he turned, and rebuked them, and said, Ye know not what manner of spirit ye are of.

⁵⁶For the Son of man is not come to destroy men’s lives, but to save them. And they went to another village.

⁵⁷And it came to pass, that, as they went in the way, a certain man said unto him, Lord, I will follow thee whithersoever thou goest.

⁵⁸And Jesus said unto him, Foxes have holes, and birds of the air have nests; but the Son of man hath not where to lay his head.

⁵⁹And he said unto another, Follow me. But he said, Lord, suffer me first to go and bury my father.

⁶⁰Jesus said unto him, Let the dead bury their dead: but go thou and preach the kingdom of God.

⁶¹And another also said, Lord, I will follow thee; but let me first go bid them farewell, which are at home at my house.

⁶²And Jesus said unto him, No man, having put his hand to the plough, and looking back, is fit for the kingdom of God.