John 6

¹Aftir these thingis Jhesus wente ouere the see of Galilee, that is Tiberias.

²And a greet multitude suede hym; for thei sayn the tokenes, that he dide on hem that weren sijke.

³Therfor Jhesus wente in to an hil, and sat there with hise disciplis.

⁴And the paske was ful niy, a feeste dai of the Jewis.

⁵Therfor whanne Jhesus hadde lift vp hise iyen, and hadde seyn, that a greet multitude cam to hym, he seith to Filip, Wherof schulen we bie looues, that these men ete?

⁶But he seide this thing, temptynge hym; for he wiste what he was to do.

⁷Filip answerde to hym, The looues of tweyn hundrid pans sufficen not to hem, that ech man take a litil what.

⁸Oon of hise disciplis, Andrew, the brothir of Symount Petre,

⁹seith to him, A child is here, that hath fyue barli looues and twei fischis; but what ben these among so manye?

¹⁰Therfor Jhesus seith, Make ye hem sitte to the mete. And there was myche hey in the place. And so men saten to the mete, as `fyue thousynde in noumbre.

¹¹And Jhesus took fyue looues, and whanne he hadde do thankyngis, he departide to men that saten to the mete, and also of the fischis, as myche as thei wolden.

¹²And whanne thei weren fillid, he seide to hise disciplis, Gadir ye the relifs that ben left, that thei perischen not.

¹³And so thei gadriden, and filliden twelue cofyns of relif of the fyue barli looues and twei fischis, that lefte to hem that hadden etun.

¹⁴Therfor tho men, whanne thei hadden seyn the signe that he hadde don, seiden, For this is verili the profete, that is to come in to the world.

¹⁵And whanne Jhesus hadde knowun, that thei weren to come to take hym, and make hym kyng, he fleiy `aloone eft in to an hille.

¹⁶And whanne euentid was comun, his disciplis wenten doun to the see.

¹⁷And thei wenten vp in to a boot, and thei camen ouer the see in to Cafarnaum. And derknessis weren maad thanne, and Jhesus was not come to hem.

¹⁸And for a greet wynde blew, the see roos vp.

¹⁹Therfor whanne thei hadden rowid as fyue and twenti furlongis or thretti, thei seen Jhesus walkynge on the see, and to be neiy the boot; and thei dredden.

²⁰And he seide to hem, Y am; nyle ye drede.

²¹Therfor thei wolden take hym in to the boot, and anoon the boot was at the loond, to which thei wenten.

²²On `the tother dai the puple, that stood ouer the see, say, that ther was noon other boot there but oon, and that Jhesu entride not with hise disciplis in to the boot, but hise disciplis aloone wenten.

²³But othere bootis camen fro Tiberias bisidis the place, where thei hadden eetun breed, and diden thankyngis to God.

²⁴Therfor whanne the puple hadde seyn, that Jhesu was not there, nether hise disciplis, thei wenten vp in to bootis, and camen to Cafarnaum, sekynge Jhesu.

²⁵And whanne thei hadden foundun hym ouer the see, thei seiden to hym, Rabi, hou come thou hidur?

²⁶Jhesus answerde to hem, and seide, Treuli, treuli, Y seie to you, ye seken me, not for ye sayn the myraclis, but for ye eten of looues, and weren fillid.

²⁷Worche ye not mete that perischith, but that dwellith in to euerlastynge lijf, which mete mannys sone schal yyue to you; for God the fadir hath markid hym.

²⁸Therfor thei seiden to hym, What schulen we do, that we worche the werkis of God?

²⁹Jhesus answerde, and seide to hem, This is the werk of God, that ye bileue to hym, whom he sente.

³⁰Therfor thei seiden to hym, What tokene thanne doist thou, that we seen, and bileue to thee? what worchist thou?

³¹Oure fadris eeten manna in desert, as it is writun, He yaf to hem breed fro heuene to ete.

³²Therfor Jhesus seith to hem, Treuli, treuli, Y seie to you, Moyses yaf you not breed fro heuene, but my fadir yyueth you veri breed fro heuene;

³³for it is very breed that cometh doun fro heuene, and yyueth lijf to the world.

³⁴Therfor thei seiden to hym, Lord, euere yyue vs this breed.

³⁵And Jhesus seide to hem, Y am breed of lijf; he that cometh to me, schal not hungur; he that bileueth in me, schal neuere thirste.

³⁶But Y seid to you, that ye han seyn me, and ye bileueden not.

³⁷Al thing, that the fadir yyueth to me, schal come to me; and Y schal not caste hym out, that cometh to me.

³⁸For Y cam doun fro heuene, not that Y do my wille, but the wille of hym that sente me.

³⁹And this is the wille of the fadir that sente me, that al thing that the fadir yaf me, Y leese not of it, but ayen reise it in the laste dai.

⁴⁰And this is the wille of my fadir that sente me, that ech man that seeth the sone, and bileueth in hym, haue euerlastynge lijf; and Y schal ayen reyse hym in the laste dai.

⁴¹Therfor Jewis grutchiden of hym, for he hadde seid, Y am breed that cam doun fro heuene.

⁴²And thei seiden, Whether this is not Jhesus, the sone of Joseph, whos fadir and modir we han knowun. Hou thanne seith this, That Y cam doun fro heuene?

⁴³Therfor Jhesus answerde, and seide to hem, Nyle ye grutche togidere.

⁴⁴No man may come to me, but if the fadir that sente me, drawe hym; and Y schal ayen reise hym in the laste dai. It is writun in prophetis,

⁴⁵And alle men schulen be able for to be tauyt `of God. Ech man that herde of the fadir, and hath lerned, cometh to me.

⁴⁶Not for ony man hath sey the fadir, but this that is of God, hath sey the fadir.

⁴⁷Sotheli, sotheli, Y seie to you, he that bileueth in me, hath euerlastynge lijf.

⁴⁸Y am breed of lijf.

⁴⁹Youre fadris eeten manna in desert, and ben deed.

⁵⁰This is breed comynge doun fro heuene, that if ony man ete therof, he die not.

⁵¹Y am lyuynge breed, that cam doun fro heuene.

⁵²If ony man ete of this breed, he schal lyue withouten ende. And the breed that Y schal yyue, is my fleisch for the lijf of the world.

⁵³Therfor the Jewis chidden togidere, and seiden, Hou may this yyue to vs his fleisch to ete?

⁵⁴Therfor Jhesus seith to hem, Treuli, treuli, Y seie to you, but ye eten the fleisch of mannus sone, and drenken his blood, ye schulen not haue lijf in you.

⁵⁵He that etith my fleisch, and drynkith my blood, hath euerlastynge lijf, and Y schal ayen reise hym in the laste dai.

⁵⁶For my fleisch is veri mete, and my blood is very drynk.

⁵⁷He that etith my fleisch, and drynkith my blood, dwellith in me, and Y in hym.

⁵⁸As my fadir lyuynge sente me, and Y lyue for the fadir, and he that etith me, he schal lyue for me.

⁵⁹This is breed, that cam doun fro heuene. Not as youre fadris eten manna, and ben deed; he that etith this breed, schal lyue withouten ende.

⁶⁰He seide these thingis in the synagoge, techynge in Cafarnaum.

⁶¹Therfor many of hise disciplis herynge, seiden, This word is hard, who may here it?

⁶²But Jhesus witynge at hym silf, that hise disciplis grutchiden of this thing, seide to hem, This thing sclaundrith you?

⁶³Therfor if ye seen mannus sone stiynge, where he was bifor?

⁶⁴It is the spirit that quykeneth, the fleisch profitith no thing; the wordis that Y haue spokun to you, ben spirit and lijf.

⁶⁵But ther ben summe of you that bileuen not. For Jhesus wiste fro the bigynnynge, which weren bileuynge, and who was to bitraye hym.

⁶⁶And he seide, Therfor Y seide to you, that no man may come to me, but it were youun to hym of my fadir.

⁶⁷Fro this tyme many of hise disciplis wenten abak, and wenten not now with hym.

⁶⁸Therfor Jhesus seide to the twelue, Whether ye wolen also go awei?

⁶⁹And Symount Petre answeride to hym, Lord, to whom schulen we gon? Thou hast wordis of euerlastynge lijf;

⁷⁰and we bileuen, and han knowun, that thou art Crist, the sone of God.

⁷¹Therfor Jhesus answerde to hem, Whether Y chees not you twelue, and oon of you is a feend?

⁷²And he seide this of Judas of Symount Scarioth, for this was to bitraye hym, whanne he was oon of the twelue.

John 6

¹After these things Jesus went over the sea of Galilee, which is the sea of Tiberias.

²And a great multitude followed him, because they saw his miracles which he did on them that were diseased.

³And Jesus went up into a mountain, and there he sat with his disciples.

⁴And the passover, a feast of the Jews, was nigh.

⁵When Jesus then lifted up his eyes, and saw a great company come unto him, he saith unto Philip, Whence shall we buy bread, that these may eat?

⁶And this he said to prove him: for he himself knew what he would do.

⁷Philip answered him, Two hundred pennyworth of bread is not sufficient for them, that every one of them may take a little.

⁸One of his disciples, Andrew, Simon Peter’s brother, saith unto him,

⁹There is a lad here, which hath five barley loaves, and two small fishes: but what are they among so many?

¹⁰And Jesus said, Make the men sit down. Now there was much grass in the place. So the men sat down, in number about five thousand.

¹¹And Jesus took the loaves; and when he had given thanks, he distributed to the disciples, and the disciples to them that were set down; and likewise of the fishes as much as they would.

¹²When they were filled, he said unto his disciples, Gather up the fragments that remain, that nothing be lost.

¹³Therefore they gathered them together, and filled twelve baskets with the fragments of the five barley loaves, which remained over and above unto them that had eaten.

¹⁴Then those men, when they had seen the miracle that Jesus did, said, This is of a truth that prophet that should come into the world.

¹⁵When Jesus therefore perceived that they would come and take him by force, to make him a king, he departed again into a mountain himself alone.

¹⁶And when even was now come, his disciples went down unto the sea,

¹⁷And entered into a ship, and went over the sea toward Capernaum. And it was now dark, and Jesus was not come to them.

¹⁸And the sea arose by reason of a great wind that blew.

¹⁹So when they had rowed about five and twenty or thirty furlongs, they see Jesus walking on the sea, and drawing nigh unto the ship: and they were afraid.

²⁰But he saith unto them, It is I; be not afraid.

²¹Then they willingly received him into the ship: and immediately the ship was at the land whither they went.

²²The day following, when the people which stood on the other side of the sea saw that there was none other boat there, save that one whereinto his disciples were entered, and that Jesus went not with his disciples into the boat, but that his disciples were gone away alone;

²³(Howbeit there came other boats from Tiberias nigh unto the place where they did eat bread, after that the Lord had given thanks:)

²⁴When the people therefore saw that Jesus was not there, neither his disciples, they also took shipping, and came to Capernaum, seeking for Jesus.

²⁵And when they had found him on the other side of the sea, they said unto him, Rabbi, when camest thou hither?

²⁶Jesus answered them and said, Verily, verily, I say unto you, Ye seek me, not because ye saw the miracles, but because ye did eat of the loaves, and were filled.

²⁷Labour not for the meat which perisheth, but for that meat which endureth unto everlasting life, which the Son of man shall give unto you: for him hath God the Father sealed.

²⁸Then said they unto him, What shall we do, that we might work the works of God?

²⁹Jesus answered and said unto them, This is the work of God, that ye believe on him whom he hath sent.

³⁰They said therefore unto him, What sign shewest thou then, that we may see, and believe thee? what dost thou work?

³¹Our fathers did eat manna in the desert; as it is written, He gave them bread from heaven to eat.

³²Then Jesus said unto them, Verily, verily, I say unto you, Moses gave you not that bread from heaven; but my Father giveth you the true bread from heaven.

³³For the bread of God is he which cometh down from heaven, and giveth life unto the world.

³⁴Then said they unto him, Lord, evermore give us this bread.

³⁵And Jesus said unto them, I am the bread of life: he that cometh to me shall never hunger; and he that believeth on me shall never thirst.

³⁶But I said unto you, That ye also have seen me, and believe not.

³⁷All that the Father giveth me shall come to me; and him that cometh to me I will in no wise cast out.

³⁸For I came down from heaven, not to do mine own will, but the will of him that sent me.

³⁹And this is the Father’s will which hath sent me, that of all which he hath given me I should lose nothing, but should raise it up again at the last day.

⁴⁰And this is the will of him that sent me, that every one which seeth the Son, and believeth on him, may have everlasting life: and I will raise him up at the last day.

⁴¹The Jews then murmured at him, because he said, I am the bread which came down from heaven.

⁴²And they said, Is not this Jesus, the son of Joseph, whose father and mother we know? how is it then that he saith, I came down from heaven?

⁴³Jesus therefore answered and said unto them, Murmur not among yourselves.

⁴⁴No man can come to me, except the Father which hath sent me draw him: and I will raise him up at the last day.

⁴⁵It is written in the prophets, And they shall be all taught of God. Every man therefore that hath heard, and hath learned of the Father, cometh unto me.

⁴⁶Not that any man hath seen the Father, save he which is of God, he hath seen the Father.

⁴⁷Verily, verily, I say unto you, He that believeth on me hath everlasting life.

⁴⁸I am that bread of life.

⁴⁹Your fathers did eat manna in the wilderness, and are dead.

⁵⁰This is the bread which cometh down from heaven, that a man may eat thereof, and not die.

⁵¹I am the living bread which came down from heaven: if any man eat of this bread, he shall live for ever: and the bread that I will give is my flesh, which I will give for the life of the world.

⁵²The Jews therefore strove among themselves, saying, How can this man give us his flesh to eat?

⁵³Then Jesus said unto them, Verily, verily, I say unto you, Except ye eat the flesh of the Son of man, and drink his blood, ye have no life in you.

⁵⁴Whoso eateth my flesh, and drinketh my blood, hath eternal life; and I will raise him up at the last day.

⁵⁵For my flesh is meat indeed, and my blood is drink indeed.

⁵⁶He that eateth my flesh, and drinketh my blood, dwelleth in me, and I in him.

⁵⁷As the living Father hath sent me, and I live by the Father: so he that eateth me, even he shall live by me.

⁵⁸This is that bread which came down from heaven: not as your fathers did eat manna, and are dead: he that eateth of this bread shall live for ever.

⁵⁹These things said he in the synagogue, as he taught in Capernaum.

⁶⁰Many therefore of his disciples, when they had heard this, said, This is an hard saying; who can hear it?

⁶¹When Jesus knew in himself that his disciples murmured at it, he said unto them, Doth this offend you?

⁶²What and if ye shall see the Son of man ascend up where he was before?

⁶³It is the spirit that quickeneth; the flesh profiteth nothing: the words that I speak unto you, they are spirit, and they are life.

⁶⁴But there are some of you that believe not. For Jesus knew from the beginning who they were that believed not, and who should betray him.

⁶⁵And he said, Therefore said I unto you, that no man can come unto me, except it were given unto him of my Father.

⁶⁶From that time many of his disciples went back, and walked no more with him.

⁶⁷Then said Jesus unto the twelve, Will ye also go away?

⁶⁸Then Simon Peter answered him, Lord, to whom shall we go? thou hast the words of eternal life.

⁶⁹And we believe and are sure that thou art that Christ, the Son of the living God.

⁷⁰Jesus answered them, Have not I chosen you twelve, and one of you is a devil?

⁷¹He spake of Judas Iscariot the son of Simon: for he it was that should betray him, being one of the twelve.