John 16

¹These thingis Y haue spokun to you, that ye be not sclaundrid.

²Thei schulen make you with outen the synagogis, but the our cometh, that ech man that sleeth you, deme that he doith seruyce to God.

³And thei schulen do to you these thingis, for thei han not knowun the fadir, nether me.

⁴But these thingis Y spak to you, that whanne the our `of hem schal come, ye haue mynde, that Y seide to you.

⁵Y seide not to you these thingis fro the bigynnyng, for Y was with you. And now Y go to hym that sente me, and no man of you axith me, Whidur `thou goist?

⁶but for Y haue spokun to you these thingis, heuynesse hath fulfillid youre herte.

⁷But Y seie to you treuthe, it spedith to you, that Y go; for if Y go not forth, the coumfortour schal not come to you; but if Y go forth, Y schal sende hym to you.

⁸And whanne he cometh, he schal repreue the world of synne, and of riytwisnesse, and of doom.

⁹Of synne, for thei han not bileued in me;

¹⁰and of riytwisnesse, for Y go to the fadir, and now ye schulen not se me;

¹¹but of doom, for the prince of this world is now demed.

¹²Yit Y haue many thingis for to seie to you, but ye moun not bere hem now.

¹³But whanne thilke spirit of treuthe cometh, he schal teche you al trewthe; for he schal not speke of hym silf, but what euer thinges he schal here, he schal speke; and he schal telle to you tho thingis that ben to come.

¹⁴He schal clarifie me, for of myne he schal take, and schal telle to you.

¹⁵Alle thingis `whiche euer the fadir hath, ben myne; therfor Y seide to you, for of myne he schal take, and schal telle to you.

¹⁶A litil, and thanne ye schulen not se me; and eftsoone a litil, and ye schulen se me, for Y go to the fadir.

¹⁷Therfor summe of hise disciplis seiden togidere, What is this thing that he seith to vs, A litil, and ye schulen not se me; and eftsoone a litil, and ye schulen se me, for Y go to the fadir?

¹⁸Therfor thei seiden, What is this that he seith to vs, A litil? we witen not what he spekith.

¹⁹And Jhesus knew, that thei wolden axe hym, and he seide to hem, Of this thing ye seken among you, for Y seide, A litil, and ye schulen not se me; and eftsoone a litil, and ye schulen se me.

²⁰Treuli, treuli, Y seie to you, that ye schulen mourne and wepe, but the world schal haue ioye; and ye schulen be soreuful, but youre sorewe schal turne in to ioye.

²¹A womman whanne sche berith child, hath heuynesse, for hir tyme is comun; but whanne sche hath borun a sone, now sche thenkith not on the peyne, for ioye, for a man is borun in to the world.

²²And therfor ye han now sorew, but eftsoone Y schal se you, and youre herte schal haue ioie, and no man schal take fro you youre ioie.

²³And in that day ye schulen not axe me ony thing; treuli, treuli, `Y seie to you, if ye axen the fadir ony thing in my name, he schal yyue to you.

²⁴`Til now ye axiden no thing in my name; `axe ye, `and ye schulen take, that youre ioie be ful.

²⁵Y haue spokun to you these thingis in prouerbis; the our cometh, whanne now Y schal not speke to you in prouerbis, but opynli of my fadir Y schal telle to you.

²⁶In that dai ye schulen axe in my name; and Y seie not to you, that Y schal preye the fadir of you;

²⁷for the fadir hym silf loueth you, for ye han loued me, and han bileued, that Y wente out fro God.

²⁸Y wente out fro the fadir, and Y cam in to the world; eftsoone Y leeue the world, and Y go to the fadir.

²⁹Hise disciplis seiden to hym, Lo! now thou spekist opynli, and thou seist no prouerbe.

³⁰Now we witen, that thou wost alle thingis; and it is not nede to thee, that ony man axe thee. In this thing we bileuen, that thou wentist out fro God.

³¹Jhesus answeride to hem, Now ye bileuen.

³²Lo! the our cometh, and now it cometh, that ye be disparplid, ech in to hise owne thingis, and that ye leeue me aloone; and Y am not aloone, for the fadir is with me.

³³These thingis Y haue spokun to you, that ye haue pees in me; in the world ye schulen haue disese, but trust ye, Y haue ouercomun the world.

John 16

¹These things have I spoken unto you, that ye should not be offended.

²They shall put you out of the synagogues: yea, the time cometh, that whosoever killeth you will think that he doeth God service.

³And these things will they do unto you, because they have not known the Father, nor me.

⁴But these things have I told you, that when the time shall come, ye may remember that I told you of them. And these things I said not unto you at the beginning, because I was with you.

⁵But now I go my way to him that sent me; and none of you asketh me, Whither goest thou?

⁶But because I have said these things unto you, sorrow hath filled your heart.

⁷Nevertheless I tell you the truth; It is expedient for you that I go away: for if I go not away, the Comforter will not come unto you; but if I depart, I will send him unto you.

⁸And when he is come, he will reprove the world of sin, and of righteousness, and of judgment:

⁹Of sin, because they believe not on me;

¹⁰Of righteousness, because I go to my Father, and ye see me no more;

¹¹Of judgment, because the prince of this world is judged.

¹²I have yet many things to say unto you, but ye cannot bear them now.

¹³Howbeit when he, the Spirit of truth, is come, he will guide you into all truth: for he shall not speak of himself; but whatsoever he shall hear, that shall he speak: and he will shew you things to come.

¹⁴He shall glorify me: for he shall receive of mine, and shall shew it unto you.

¹⁵All things that the Father hath are mine: therefore said I, that he shall take of mine, and shall shew it unto you.

¹⁶A little while, and ye shall not see me: and again, a little while, and ye shall see me, because I go to the Father.

¹⁷Then said some of his disciples among themselves, What is this that he saith unto us, A little while, and ye shall not see me: and again, a little while, and ye shall see me: and, Because I go to the Father?

¹⁸They said therefore, What is this that he saith, A little while? we cannot tell what he saith.

¹⁹Now Jesus knew that they were desirous to ask him, and said unto them, Do ye enquire among yourselves of that I said, A little while, and ye shall not see me: and again, a little while, and ye shall see me?

²⁰Verily, verily, I say unto you, That ye shall weep and lament, but the world shall rejoice: and ye shall be sorrowful, but your sorrow shall be turned into joy.

²¹A woman when she is in travail hath sorrow, because her hour is come: but as soon as she is delivered of the child, she remembereth no more the anguish, for joy that a man is born into the world.

²²And ye now therefore have sorrow: but I will see you again, and your heart shall rejoice, and your joy no man taketh from you.

²³And in that day ye shall ask me nothing. Verily, verily, I say unto you, Whatsoever ye shall ask the Father in my name, he will give it you.

²⁴Hitherto have ye asked nothing in my name: ask, and ye shall receive, that your joy may be full.

²⁵These things have I spoken unto you in proverbs: but the time cometh, when I shall no more speak unto you in proverbs, but I shall shew you plainly of the Father.

²⁶At that day ye shall ask in my name: and I say not unto you, that I will pray the Father for you:

²⁷For the Father himself loveth you, because ye have loved me, and have believed that I came out from God.

²⁸I came forth from the Father, and am come into the world: again, I leave the world, and go to the Father.

²⁹His disciples said unto him, Lo, now speakest thou plainly, and speakest no proverb.

³⁰Now are we sure that thou knowest all things, and needest not that any man should ask thee: by this we believe that thou camest forth from God.

³¹Jesus answered them, Do ye now believe?

³²Behold, the hour cometh, yea, is now come, that ye shall be scattered, every man to his own, and shall leave me alone: and yet I am not alone, because the Father is with me.

³³These things I have spoken unto you, that in me ye might have peace. In the world ye shall have tribulation: but be of good cheer; I have overcome the world.