I Thessalonians 5

¹But, britheren, of tymes and momentis ye neden not that Y write to you.

²For ye silf witen diligentli, that the dai of the Lord schal come, as a theef in the niyt.

³For whanne thei schulen seie pees is, and sikirnesse, thanne sudeyn deth schal come on hem, as sorewe to a womman that is with child, and thei schulen not scape.

⁴But, britheren, ye ben not in derknessis, that the ilke dai as a theef catche you.

⁵For alle ye ben the sones of liyt, and sones of dai; we ben not of niyt, nether of derknessis.

⁶Therfor slepe we not as othere; but wake we, and be we sobre.

⁷For thei that slepen, slepen in the niyt, and thei that ben drunkun, ben drunkun in the niyt.

⁸But we that ben of the dai, ben sobre, clothid in the haburioun of feith and of charite, and in the helme of hope of heelthe.

⁹For God puttide not vs in to wraththe, but in to the purchasing of heelthe bi oure Lord Jhesu Crist, that was deed for vs;

¹⁰that whether we waken, whether we slepen, we lyue togidere with him.

¹¹For which thing comforte ye togidere, and edefie ye ech other, as ye doon.

¹²And, britheren, we preien you, that ye knowen hem that trauelen among you, and ben souereyns to you in the Lord, and techen you,

¹³that ye han hem more aboundantli in charyte; and for the werk of hem, haue ye pees with hem.

¹⁴And, britheren, we preien you, repreue ye vnpesible men. Coumforte ye men of litil herte, resseyue ye sijke men, be ye pacient to alle men.

¹⁵Se ye, that no man yelde yuel for yuel to ony man; but euere more sue ye that that is good, ech to othere and to alle men.

¹⁶Euere more ioye ye; without ceessing preye ye;

¹⁷in alle thingis do ye thankyngis.

¹⁸For this is the wille of God in Crist Jhesu, in alle you.

¹⁹Nyle ye quenche the spirit;

²⁰nyle ye dispise prophecies.

²¹But preue ye alle thingis, and holde ye that thing that is good.

²²Absteyne you fro al yuel spice.

²³And God hym silf of pees make you hooli bi alle thingis, that youre spirit be kept hool, and soule, and bodi, without pleynt, in the comyng of oure Lord Jhesu Crist.

²⁴God is trewe, that clepide you, which also schal do.

²⁵Britheren, preye ye for vs.

²⁶Grete ye wel alle britheren in hooli cos.

²⁷Y coniure you bi the Lord, that this pistle be red to alle hooli britheren.

²⁸The grace of oure Lord Jhesu Crist be with you. Amen.

I Thessalonians 5

¹But of the times and the seasons, brethren, ye have no need that I write unto you.

²For yourselves know perfectly that the day of the Lord so cometh as a thief in the night.

³For when they shall say, Peace and safety; then sudden destruction cometh upon them, as travail upon a woman with child; and they shall not escape.

⁴But ye, brethren, are not in darkness, that that day should overtake you as a thief.

⁵Ye are all the children of light, and the children of the day: we are not of the night, nor of darkness.

⁶Therefore let us not sleep, as do others; but let us watch and be sober.

⁷For they that sleep sleep in the night; and they that be drunken are drunken in the night.

⁸But let us, who are of the day, be sober, putting on the breastplate of faith and love; and for an helmet, the hope of salvation.

⁹For God hath not appointed us to wrath, but to obtain salvation by our Lord Jesus Christ,

¹⁰Who died for us, that, whether we wake or sleep, we should live together with him.

¹¹Wherefore comfort yourselves together, and edify one another, even as also ye do.

¹²And we beseech you, brethren, to know them which labour among you, and are over you in the Lord, and admonish you;

¹³And to esteem them very highly in love for their work’s sake. And be at peace among yourselves.

¹⁴Now we exhort you, brethren, warn them that are unruly, comfort the feebleminded, support the weak, be patient toward all men.

¹⁵See that none render evil for evil unto any man; but ever follow that which is good, both among yourselves, and to all men.

¹⁶Rejoice evermore.

¹⁷Pray without ceasing.

¹⁸In every thing give thanks: for this is the will of God in Christ Jesus concerning you.

¹⁹Quench not the Spirit.

²⁰Despise not prophesyings.

²¹Prove all things; hold fast that which is good.

²²Abstain from all appearance of evil.

²³And the very God of peace sanctify you wholly; and I pray God your whole spirit and soul and body be preserved blameless unto the coming of our Lord Jesus Christ.

²⁴Faithful is he that calleth you, who also will do it.

²⁵Brethren, pray for us.

²⁶Greet all the brethren with an holy kiss.

²⁷I charge you by the Lord that this epistle be read unto all the holy brethren.

²⁸The grace of our Lord Jesus Christ be with you. Amen. The first epistle unto the Thessalonians was written from Athens.