I Corinthians 15

¹`Sotheli, britheren, Y make the gospel knowun to you, which Y haue prechid to you, the which also ye han takun, in which ye stonden,

²also bi which ye schulen be sauyd; `bi which resoun Y haue prechid to you, if ye holden, `if ye han not bileuyd ideli.

³For Y bitook to you at the bigynnyng that thing which also Y haue resseyued; that Crist was deed for oure synnes, bi the scripturis;

⁴and that he was biried, and that he roos ayen in the thridde dai, after scripturis;

⁵and that he was seyn to Cephas, and aftir these thingis to enleuene;

⁶aftirward he was seyn to mo than fyue hundrid britheren togidere, of whiche manye lyuen yit, but summe ben deed; aftirward he was seyn to James,

⁷and aftirward to alle the apostlis.

⁸And last of alle he was seyn also to me, as to a deed borun child.

⁹For Y am the leste of apostlis, that am not worthi to be clepid apostle, for Y pursuede the chirche of God.

¹⁰But bi the grace of God Y am that thing that Y am; and his grace was not voide in me. For Y trauelide more plenteuously than alle thei; but not Y, but the grace of God with me.

¹¹But whether Y, or thei, so we han prechid, and so ye han bileuyd.

¹²And if Crist is prechid, that he roos ayen fro deeth, hou seien summen among you, that the ayenrisyng of deed men is not?

¹³And if the ayenrisyng of deed men is not, nethir Crist roos ayen fro deeth.

¹⁴And if Crist roos not, oure preching is veyn, oure feith is veyn.

¹⁵And we ben foundun false witnessis of God, for we han seid witnessyng ayens God, that he reiside Crist, whom he reiside not, if deed men risen not ayen.

¹⁶Forwhi if deed men risen not ayen, nether Crist roos ayen;

¹⁷and if Crist roos not ayen, oure feith is veyn; and yit ye ben in youre synnes.

¹⁸And thanne thei that han diede in Crist, han perischid.

¹⁹If in this life oneli we ben hoping in Crist, we ben more wretchis than alle men.

²⁰But now Crist roos ayen fro deth, the firste fruit of deed men;

²¹for deeth was bi a man, and bi a man is ayenrisyng fro deth.

²²And as in Adam alle men dien, so in Crist alle men schulen be quykenyd.

²³But ech man in his ordre; the firste fruit, Crist, afterward thei that ben of Crist, that bileueden in the comyng of Crist;

²⁴aftirward an ende, whanne he schal bitake the kyngdom to God and to the fadir, whanne he schal auoide al princehod, and power, and vertu.

²⁵But it bihoueth hym to regne, til he putte alle hise enemyes vndur hise feet.

²⁶And at the laste, deth the enemye schal be distried; for he hath maad suget alle thingis vndur hise feet.

²⁷And whanne he seith, alle thingis ben suget to hym, with outen doubt outakun hym that sugetide alle thingis to hym.

²⁸And whanne alle thingis ben suget to hym, thanne the sone hym silf schal be suget to hym, that made `alle thingis suget to hym, that God be alle thingis in alle thingis.

²⁹Ellis what schulen thei do, that ben baptisid for deed men, if in no wise deed men risen ayen? wherto ben thei baptisid for hem?

³⁰And wherto ben we in perel euery our?

³¹Ech dai Y die for youre glorie, britheren, which glorie Y haue in Crist Jhesu oure Lord.

³²If aftir man Y haue fouyten to beestis at Efesi, what profitith it to me, if deed men risen not ayen? Ete we, and drynke we, for we schulen die to morewe.

³³Nyle ye be disseyued; for yuel spechis distrien good thewis.

³⁴Awake ye, iuste men, and nyle ye do synne; for summen han ignoraunce of God, but to reuerence Y speke to you.

³⁵But summan seith, Hou schulen deed men rise ayen, or in what maner bodi schulen thei come?

³⁶Vnwise man, that thing that thou sowist, is not quykened, but it die first;

³⁷and that thing that thou sowist, `thou sowist not the bodi that is to come, but a nakid corn, as of whete, or of summe othere seedis;

³⁸and God yyueth to it a bodi, as he wole, and to ech of seedis a propir bodi.

³⁹Not ech fleisch is the same fleisch, but oon is of men, another is of beestis, another is of briddis, an othere of fischis.

⁴⁰And `heuenli bodies ben, and `ertheli bodies ben; but oon glorie is of heuenely bodies, and anothir is of ertheli.

⁴¹An othere clerenesse is of the sunne, anothere clerenesse is of the moone, and anothere clerenesse is of sterris; and a sterre dyuersith fro a sterre in clerenesse.

⁴²And so the ayenrisyng of deed men. It is sowun in corrupcioun, it schal rise in vncorrupcioun;

⁴³it is sowun in vnnoblei, it schal rise in glorie; it is sowun in infirmyte, it schal rise in vertu;

⁴⁴it is sowun a beestly bodi, it schal rise a spiritual bodi. If ther is a beestli bodi, ther is also a spiritual bodi;

⁴⁵as it is writun, The firste man Adam was maad in to a soule lyuynge, the laste Adam in to a spirit quykenynge.

⁴⁶But the firste is not that that is spiritual, but that that is beestlich, aftirward that that is spiritual.

⁴⁷The firste man of erthe is ertheli; the secounde man of heuene is heuenelich.

⁴⁸Such as the ertheli man is, such ben the ertheli men; and such as the heueneli man is, suche ben also the heueneli men.

⁴⁹Therfor as we han bore the ymage of the ertheli man, bere we also the ymage of the heuenli.

⁵⁰Britheren, Y seie this thing, that fleisch and bloud moun not welde the kyngdom of God, nethir corrupcioun schal welde vncorrupcioun.

⁵¹Lo! Y seie to you priuyte of hooli thingis. And alle we schulen rise ayen, but not alle we schulen be chaungid;

⁵²in a moment, in the twynklyng of an iye, in the laste trumpe; for the trumpe schal sowne, and deed men schulen rise ayen, with oute corrupcioun, and we schulen be chaungid.

⁵³For it byhoueth this corruptible thing to clothe vncorrupcioun, and this deedli thing to putte awei vndeedlinesse.

⁵⁴But whanne this deedli thing schal clothe vndeedlynesse, thanne schal the word be doon, that is writun, Deth is sopun vp in victorie.

⁵⁵Deth, where is thi victorie? Deth, where is thi pricke?

⁵⁶But the pricke of deth is synne; and the vertu of synne is the lawe.

⁵⁷But do we thankyngis to God, that yaf to vs victorie bi oure Lord Jhesu Crist.

⁵⁸Therfore, my dereworthe britheren, be ye stidefast, and vnmouable, beynge plenteuouse in werk of the Lord, euere more witynge that youre trauel is not idel in the Lord.

I Corinthians 15

¹Moreover, brethren, I declare unto you the gospel which I preached unto you, which also ye have received, and wherein ye stand;

²By which also ye are saved, if ye keep in memory what I preached unto you, unless ye have believed in vain.

³For I delivered unto you first of all that which I also received, how that Christ died for our sins according to the scriptures;

⁴And that he was buried, and that he rose again the third day according to the scriptures:

⁵And that he was seen of Cephas, then of the twelve:

⁶After that, he was seen of above five hundred brethren at once; of whom the greater part remain unto this present, but some are fallen asleep.

⁷After that, he was seen of James; then of all the apostles.

⁸And last of all he was seen of me also, as of one born out of due time.

⁹For I am the least of the apostles, that am not meet to be called an apostle, because I persecuted the church of God.

¹⁰But by the grace of God I am what I am: and his grace which was bestowed upon me was not in vain; but I laboured more abundantly than they all: yet not I, but the grace of God which was with me.

¹¹Therefore whether it were I or they, so we preach, and so ye believed.

¹²Now if Christ be preached that he rose from the dead, how say some among you that there is no resurrection of the dead?

¹³But if there be no resurrection of the dead, then is Christ not risen:

¹⁴And if Christ be not risen, then is our preaching vain, and your faith is also vain.

¹⁵Yea, and we are found false witnesses of God; because we have testified of God that he raised up Christ: whom he raised not up, if so be that the dead rise not.

¹⁶For if the dead rise not, then is not Christ raised:

¹⁷And if Christ be not raised, your faith is vain; ye are yet in your sins.

¹⁸Then they also which are fallen asleep in Christ are perished.

¹⁹If in this life only we have hope in Christ, we are of all men most miserable.

²⁰But now is Christ risen from the dead, and become the firstfruits of them that slept.

²¹For since by man came death, by man came also the resurrection of the dead.

²²For as in Adam all die, even so in Christ shall all be made alive.

²³But every man in his own order: Christ the firstfruits; afterward they that are Christ’s at his coming.

²⁴Then cometh the end, when he shall have delivered up the kingdom to God, even the Father; when he shall have put down all rule and all authority and power.

²⁵For he must reign, till he hath put all enemies under his feet.

²⁶The last enemy that shall be destroyed is death.

²⁷For he hath put all things under his feet. But when he saith all things are put under him, it is manifest that he is excepted, which did put all things under him.

²⁸And when all things shall be subdued unto him, then shall the Son also himself be subject unto him that put all things under him, that God may be all in all.

²⁹Else what shall they do which are baptized for the dead, if the dead rise not at all? why are they then baptized for the dead?

³⁰And why stand we in jeopardy every hour?

³¹I protest by your rejoicing which I have in Christ Jesus our Lord, I die daily.

³²If after the manner of men I have fought with beasts at Ephesus, what advantageth it me, if the dead rise not? let us eat and drink; for to morrow we die.

³³Be not deceived: evil communications corrupt good manners.

³⁴Awake to righteousness, and sin not; for some have not the knowledge of God: I speak this to your shame.

³⁵But some man will say, How are the dead raised up? and with what body do they come?

³⁶Thou fool, that which thou sowest is not quickened, except it die:

³⁷And that which thou sowest, thou sowest not that body that shall be, but bare grain, it may chance of wheat, or of some other grain:

³⁸But God giveth it a body as it hath pleased him, and to every seed his own body.

³⁹All flesh is not the same flesh: but there is one kind of flesh of men, another flesh of beasts, another of fishes, and another of birds.

⁴⁰There are also celestial bodies, and bodies terrestrial: but the glory of the celestial is one, and the glory of the terrestrial is another.

⁴¹There is one glory of the sun, and another glory of the moon, and another glory of the stars: for one star differeth from another star in glory.

⁴²So also is the resurrection of the dead. It is sown in corruption; it is raised in incorruption:

⁴³It is sown in dishonour; it is raised in glory: it is sown in weakness; it is raised in power:

⁴⁴It is sown a natural body; it is raised a spiritual body. There is a natural body, and there is a spiritual body.

⁴⁵And so it is written, The first man Adam was made a living soul; the last Adam was made a quickening spirit.

⁴⁶Howbeit that was not first which is spiritual, but that which is natural; and afterward that which is spiritual.

⁴⁷The first man is of the earth, earthy: the second man is the Lord from heaven.

⁴⁸As is the earthy, such are they also that are earthy: and as is the heavenly, such are they also that are heavenly.

⁴⁹And as we have borne the image of the earthy, we shall also bear the image of the heavenly.

⁵⁰Now this I say, brethren, that flesh and blood cannot inherit the kingdom of God; neither doth corruption inherit incorruption.

⁵¹Behold, I shew you a mystery; We shall not all sleep, but we shall all be changed,

⁵²In a moment, in the twinkling of an eye, at the last trump: for the trumpet shall sound, and the dead shall be raised incorruptible, and we shall be changed.

⁵³For this corruptible must put on incorruption, and this mortal must put on immortality.

⁵⁴So when this corruptible shall have put on incorruption, and this mortal shall have put on immortality, then shall be brought to pass the saying that is written, Death is swallowed up in victory.

⁵⁵O death, where is thy sting? O grave, where is thy victory?

⁵⁶The sting of death is sin; and the strength of sin is the law.

⁵⁷But thanks be to God, which giveth us the victory through our Lord Jesus Christ.

⁵⁸Therefore, my beloved brethren, be ye stedfast, unmoveable, always abounding in the work of the Lord, forasmuch as ye know that your labour is not in vain in the Lord.