Hebrews 2

¹Therfor more plenteuousli it bihoueth vs to kepe tho thingis, that we han herd, lest perauenture we fleten awei.

²For if the ilke word that was seid bi aungels, was maad sad, and ech brekyng of the lawe and vnobedience took iust retribucioun of meede,

³hou schulen we ascape, if we despisen so greet an heelthe? Which, whanne it hadde takun bigynnyng to be teld out by the Lord, of hem that herden is confermyd in to vs.

⁴For God witnesside to gidere bi myraclis, and wondris, and grete merueilis, and dyuerse vertues, and departyngis of the Hooli Goost, bi his wille.

⁵But not to aungels God sugetide the world that is to comynge, of which we speken.

⁶But sum man witnesside in a place, and seide, What thing is man, that thou art myndeful of hym, or mannus sone, for thou visitist hym?

⁷Thou hast maad hym a litil lesse than aungels; thou hast corowned hym with glorie and onour; and thou hast ordeyned him on the werkis of thin hondis.

⁸Thou hast maad alle thingis suget vndur hise feet. And in that that he sugetide alle thingis to hym, he lefte no thing vnsuget to him. But now we seen not yit alle thingis suget to hym;

⁹but we seen hym that was maad a litil lesse than aungels, Jhesu, for the passioun of deth crowned with glorie and onour, that he thorouy grace of God schulde taste deth for alle men.

¹⁰For it bisemede hym, for whom alle thingis, and bi whom `alle thingis weren maad, which hadde brouyt many sones into glorie, and was auctour of the heelthe of hem, that he hadde an ende bi passioun.

¹¹For he that halewith, and thei that ben halewid, ben alle of oon; for which cause he is not schamed to clepe hem britheren,

¹²seiynge, Y schal telle thi name to my britheren; in the myddil of the chirche Y schal herie thee.

¹³And eftsoone, Y schal be tristnynge in to hym; and eftsoone, Lo! Y and my children, whiche God yaf to me.

¹⁴Therfor for children comyneden to fleisch and blood, and he also took part of the same, that bi deth he schulde destrie hym that hadde lordschipe of deth, that is to seie, the deuel,

¹⁵and that he schulde delyuere hem that bi drede of deth, `bi al lijf weren boundun to seruage.

¹⁶And he took neuere aungelis, but he took the seed of Abraham.

¹⁷Wherfor he ouyte to be likned to britheren bi alle thingis, that he schulde be maad merciful and a feithful bischop to God, that he schulde be merciful to the trespassis of the puple.

¹⁸For in that thing in which he suffride, and was temptid, he is miyti to helpe also hem that ben temptid.

Hebrews 2

¹Therefore we ought to give the more earnest heed to the things which we have heard, lest at any time we should let them slip.

²For if the word spoken by angels was stedfast, and every transgression and disobedience received a just recompence of reward;

³How shall we escape, if we neglect so great salvation; which at the first began to be spoken by the Lord, and was confirmed unto us by them that heard him;

⁴God also bearing them witness, both with signs and wonders, and with divers miracles, and gifts of the Holy Ghost, according to his own will?

⁵For unto the angels hath he not put in subjection the world to come, whereof we speak.

⁶But one in a certain place testified, saying, What is man, that thou art mindful of him? or the son of man, that thou visitest him?

⁷Thou madest him a little lower than the angels; thou crownedst him with glory and honour, and didst set him over the works of thy hands:

⁸Thou hast put all things in subjection under his feet. For in that he put all in subjection under him, he left nothing that is not put under him. But now we see not yet all things put under him.

⁹But we see Jesus, who was made a little lower than the angels for the suffering of death, crowned with glory and honour; that he by the grace of God should taste death for every man.

¹⁰For it became him, for whom are all things, and by whom are all things, in bringing many sons unto glory, to make the captain of their salvation perfect through sufferings.

¹¹For both he that sanctifieth and they who are sanctified are all of one: for which cause he is not ashamed to call them brethren,

¹²Saying, I will declare thy name unto my brethren, in the midst of the church will I sing praise unto thee.

¹³And again, I will put my trust in him. And again, Behold I and the children which God hath given me.

¹⁴Forasmuch then as the children are partakers of flesh and blood, he also himself likewise took part of the same; that through death he might destroy him that had the power of death, that is, the devil;

¹⁵And deliver them who through fear of death were all their lifetime subject to bondage.

¹⁶For verily he took not on him the nature of angels; but he took on him the seed of Abraham.

¹⁷Wherefore in all things it behoved him to be made like unto his brethren, that he might be a merciful and faithful high priest in things pertaining to God, to make reconciliation for the sins of the people.

¹⁸For in that he himself hath suffered being tempted, he is able to succour them that are tempted.