Deuteronomy 27

¹Forsothe Moyses comaundide, and the eldre men, to the puple of Israel, and seiden, Kepe ye ech `comaundement which Y comaunde to you to dai.

²And whanne ye han passid Jordan, in to the lond which thi Lord God schal yyue to thee, thou schalt reyse grete stoonus, and thou schalt make tho pleyn with chalk,

³that thou mow write in tho alle the wordis of this lawe, whanne Jordan is passid, that thou entre in to the lond which thi Lord God schal yyue to thee, the lond flowynge with mylke and hony, as he swoor to thi fadris.

⁴Therfor whanne thou hast passid Jordan, reise thou the stonus whiche Y comaunde to dai to thee, in the hil of Hebal; and thou schalt make tho pleyn with chalk.

⁵And there thou schalt bilde an auter to thi Lord God, of stoonys whiche yrun touchide not,

⁶and of stonys vnformed and vnpolischid; and thou schalt offre theron brent sacrifices to thi Lord God; and thou schalt offre pesible sacrifices,

⁷and thou schalt ete there, and thou schalt make feeste bifor thi Lord God.

⁸And thou schalt write pleynli and clereli on the stoonys alle the wordis of this lawe.

⁹And Moises and the preestis of the kynde of Leuy seiden to al Israel, Israel, perseyue thou, and here; to day thou art maad the puple of thi Lord God;

¹⁰thou schalt here his vois, and thou schalt do `the comaundementis, and riytfulnessis, whiche Y comaunde to thee to dai.

¹¹And Moises comaundide to the puple in that day,

¹²and seide, These men schulen stonde on the hil of Garizym to blesse the Lord, whanne Jordan `is passid; Symeon, Leuy, Judas, Isachar, Joseph, and Benjamyn.

¹³And euene ayens these men schulen stonde in the hil of Hebal to curse, Ruben, Gad, and Aser, Zabulon, Dan, and Neptalym.

¹⁴And the dekenes schulen pronounce, and schulen seie `with hiy vois to alle the men of Israel,

¹⁵Cursid is the man that makith a grauun ymage and yotun togidere, abhomynacioun of the Lord, the werk of `hondis of crafti men, and schal sette it in priuey place; and al the puple schal answere, and schal seie, Amen!

¹⁶He is cursid that onoureth not his fadir and modir ; and al the puple schal seie, Amen!

¹⁷Cursid is he that `berith ouer the termes of his neiybore ; and al the puple schal seie, Amen!

¹⁸Cursid is he that makith a blynde man to erre in the weie; and al the puple schal seie, Amen!

¹⁹He is cursid that peruertith the doom of a comelyng, of a fadirles, ethir modirles child, and of a widewe; and al the puple schal seie, Amen!

²⁰Cursid is he that slepith with `the wijf of his fadir, and schewith the hiling of his bed; and al the puple schal seie, Amen!

²¹Cursid is he that slepith with ony beeste; and al the puple schal seie, Amen!

²²Cursid is he that slepith with his sistir, the douytir of his fadir, ethir of his modir; and al the puple schal seie, Amen!

²³Cursid is he that slepith with his wyues modir; and al the puple schal seye, Amen!

²⁴Cursid is he that sleeth pryueli his neiybore; and al the puple schal seie, Amen!

²⁵Cursid is he that slepith with `the wijf of his neiybore; and al the puple schal seie, Amen!

²⁶Cursid is he that takith yiftis, that he smyte the lijf of innocent blood; and al the puple schal seie, Amen! Cursid is he that dwellith not in the wordis of this lawe, nethir `parfourmeth tho in werk; and al the puple schal seie, Amen!

Deuteronomy 27

¹And Moses with the elders of Israel commanded the people, saying, Keep all the commandments which I command you this day.

²And it shall be on the day when ye shall pass over Jordan unto the land which the Lord thy God giveth thee, that thou shalt set thee up great stones, and plaister them with plaister:

³And thou shalt write upon them all the words of this law, when thou art passed over, that thou mayest go in unto the land which the Lord thy God giveth thee, a land that floweth with milk and honey; as the Lord God of thy fathers hath promised thee.

⁴Therefore it shall be when ye be gone over Jordan, that ye shall set up these stones, which I command you this day, in mount Ebal, and thou shalt plaister them with plaister.

⁵And there shalt thou build an altar unto the Lord thy God, an altar of stones: thou shalt not lift up any iron tool upon them.

⁶Thou shalt build the altar of the Lord thy God of whole stones: and thou shalt offer burnt offerings thereon unto the Lord thy God:

⁷And thou shalt offer peace offerings, and shalt eat there, and rejoice before the Lord thy God.

⁸And thou shalt write upon the stones all the words of this law very plainly.

⁹And Moses and the priests the Levites spake unto all Israel, saying, Take heed, and hearken, O Israel; this day thou art become the people of the Lord thy God.

¹⁰Thou shalt therefore obey the voice of the Lord thy God, and do his commandments and his statutes, which I command thee this day.

¹¹And Moses charged the people the same day, saying,

¹²These shall stand upon mount Gerizim to bless the people, when ye are come over Jordan; Simeon, and Levi, and Judah, and Issachar, and Joseph, and Benjamin:

¹³And these shall stand upon mount Ebal to curse; Reuben, Gad, and Asher, and Zebulun, Dan, and Naphtali.

¹⁴And the Levites shall speak, and say unto all the men of Israel with a loud voice,

¹⁵Cursed be the man that maketh any graven or molten image, an abomination unto the Lord, the work of the hands of the craftsman, and putteth it in a secret place. And all the people shall answer and say, Amen.

¹⁶Cursed be he that setteth light by his father or his mother. And all the people shall say, Amen.

¹⁷Cursed be he that removeth his neighbour’s landmark. And all the people shall say, Amen.

¹⁸Cursed be he that maketh the blind to wander out of the way. And all the people shall say, Amen.

¹⁹Cursed be he that perverteth the judgment of the stranger, fatherless, and widow. And all the people shall say, Amen.

²⁰Cursed be he that lieth with his father’s wife; because he uncovereth his father’s skirt. And all the people shall say, Amen.

²¹Cursed be he that lieth with any manner of beast. And all the people shall say, Amen.

²²Cursed be he that lieth with his sister, the daughter of his father, or the daughter of his mother. And all the people shall say, Amen.

²³Cursed be he that lieth with his mother in law. And all the people shall say, Amen.

²⁴Cursed be he that smiteth his neighbour secretly. And all the people shall say, Amen.

²⁵Cursed be he that taketh reward to slay an innocent person. And all the people shall say, Amen.

²⁶Cursed be he that confirmeth not all the words of this law to do them. And all the people shall say, Amen.