Deuteronomy 14

¹Be ye the sones of youre Lord God; ye schulen not kitte you , nether ye schulen make ballidnesse,

²on a deed man, for thou art an hooli puple to thi Lord God, and he chees thee that thou be to hym in to a special puple, of alle folkis that ben on erthe.

³Ete ye not tho thingis that ben vncleene.

⁴This is a beeste which ye schulen ete; an oxe, and a scheep, and a goet, an hert,

⁵a capret, a `wielde oxe, tregelafun, `that is, a beeste in parti lijk `a buk of geet, and in parti liik an hert, a figarde, an ostrich, a camelioun, `that is, a beeste lijk in the heed to a camel, and hath white spottis in the bodi as a parde, and `is lijk an hors in the necke, and in the feet is lijc a `wilde oxe, and a parde.

⁶Ye schulen ete ech beeste that departith the clee `in to twei partis, and chewith code.

⁷Sotheli ye schulen not ete these beestis, of these that chewen code, and departen not the clee; a camel, an hare, and a cirogrille, `that is, a beeste ful of prickis, and is more than an irchoun; for tho chewen code, and departen not the clee, tho schulen be vncleene to you;

⁸also a swyn, for it departith the clee, and chewith not code, schal be vncleene; ye schulen not ete the fleischis of tho, and ye schulen not touche the deed bodies.

⁹Ye schulen ete these thingis, of alle that dwellen in watris; ete ye tho thingis that han fynnes and scalis;

¹⁰ete ye not tho thingis that ben with out fynnes and scalis, for tho ben vncleene.

¹¹Ete ye alle clene briddis;

¹²ete ye not vncleene briddis, that is, an egle, and a gripe,

¹³and an aliete, ixon, `that is, a whijt brid lesse than a vultur, and is of the `kynde of vultris, and a vultur, and a kite bi his kynde,

¹⁴and al thing of rauenys kynde,

¹⁵and a strucioun, and a nyyt crowe, and a lare,

¹⁶and an hauk bi his kynde, a fawcun,

¹⁷and a swan, and a siconye, and a dippere, a pursirioun, and a reremous, a cormeraunt,

¹⁸and a caladrie, alle in her kynde; also a lapwynke and a backe.

¹⁹And al thing that crepith, and hath fynnes, schal be vncleene, and schal not be etun.

²⁰Ete ye al thing that is cleene; sotheli what euer thing is deed bi it silf, ete ye not therof.

²¹Yyue thou to the pilgrym which is with ynne thi yatis, that he ete, ether sille thou to hym, for thou art the hooli puple of thi Lord God. Thou schalt not sethe a kyde in `the mylk of his modir.

²²Thou schalt departe the tenthe part of alle thi fruytis that comen forth in the lond bi ech yeer;

²³and thou schal ete in the siyt of thi Lord God, in the place which he chees, that his name be clepid therynne; thou schalt offre the tithe of thi wheete, wyn, and oile, and the firste gendryd thingis of thi droues, and scheep, that thou lerne to drede thi Lord God in al tyme.

²⁴Sotheli whanne the wei is lengere, and the place which thi Lord God chees is fer, and he hath blessid thee, and thou maist not bere alle these thingis to that place,

²⁵thou schalt sille alle thingis, and schalt turne in to prijs, and thou schalt bere in thin hond, and thou schalt go to the place which thi Lord God chees;

²⁶and thou schalt bie of the same money what euer thing plesith to thee, ethir of droues, ether of scheep; also thou schalt bie wyn, and sidur, and al thing that thi soule desirith; and thou schalt ete bifor thi Lord God, and thou schalt make feeste,

²⁷thou, and thin hows, and the dekene which is withynne thi yatis; be thou war lest thou forsake hym, for he hath not other part in possessioun.

²⁸In the thridde yeer thou schalt departe another dyme of alle thingis that growen to thee in that yeer, and thou schalt kepe withynne thi yatis.

²⁹And the dekene schal come, whych hath noon other part nether possessioun with thee, and the pilgrym, and the fadirles, ether modirles child, and widue, that ben withynne thi yatis, `schulen come, and schulen ete, and be fillid, that thi Lord God blesse thee, in alle werkis of thin hondis whiche thou schalt do.

Deuteronomy 14

¹Ye are the children of the Lord your God: ye shall not cut yourselves, nor make any baldness between your eyes for the dead.

²For thou art an holy people unto the Lord thy God, and the Lord hath chosen thee to be a peculiar people unto himself, above all the nations that are upon the earth.

³Thou shalt not eat any abominable thing.

⁴These are the beasts which ye shall eat: the ox, the sheep, and the goat,

⁵The hart, and the roebuck, and the fallow deer, and the wild goat, and the pygarg, and the wild ox, and the chamois.

⁶And every beast that parteth the hoof, and cleaveth the cleft into two claws, and cheweth the cud among the beasts, that ye shall eat.

⁷Nevertheless these ye shall not eat of them that chew the cud, or of them that divide the cloven hoof; as the camel, and the hare, and the coney: for they chew the cud, but divide not the hoof; therefore they are unclean unto you.

⁸And the swine, because it divideth the hoof, yet cheweth not the cud, it is unclean unto you: ye shall not eat of their flesh, nor touch their dead carcase.

⁹These ye shall eat of all that are in the waters: all that have fins and scales shall ye eat:

¹⁰And whatsoever hath not fins and scales ye may not eat; it is unclean unto you.

¹¹Of all clean birds ye shall eat.

¹²But these are they of which ye shall not eat: the eagle, and the ossifrage, and the ospray,

¹³And the glede, and the kite, and the vulture after his kind,

¹⁴And every raven after his kind,

¹⁵And the owl, and the night hawk, and the cuckow, and the hawk after his kind,

¹⁶The little owl, and the great owl, and the swan,

¹⁷And the pelican, and the gier eagle, and the cormorant,

¹⁸And the stork, and the heron after her kind, and the lapwing, and the bat.

¹⁹And every creeping thing that flieth is unclean unto you: they shall not be eaten.

²⁰But of all clean fowls ye may eat.

²¹Ye shall not eat of any thing that dieth of itself: thou shalt give it unto the stranger that is in thy gates, that he may eat it; or thou mayest sell it unto an alien: for thou art an holy people unto the Lord thy God. Thou shalt not seethe a kid in his mother’s milk.

²²Thou shalt truly tithe all the increase of thy seed, that the field bringeth forth year by year.

²³And thou shalt eat before the Lord thy God, in the place which he shall choose to place his name there, the tithe of thy corn, of thy wine, and of thine oil, and the firstlings of thy herds and of thy flocks; that thou mayest learn to fear the Lord thy God always.

²⁴And if the way be too long for thee, so that thou art not able to carry it; or if the place be too far from thee, which the Lord thy God shall choose to set his name there, when the Lord thy God hath blessed thee:

²⁵Then shalt thou turn it into money, and bind up the money in thine hand, and shalt go unto the place which the Lord thy God shall choose:

²⁶And thou shalt bestow that money for whatsoever thy soul lusteth after, for oxen, or for sheep, or for wine, or for strong drink, or for whatsoever thy soul desireth: and thou shalt eat there before the Lord thy God, and thou shalt rejoice, thou, and thine household,

²⁷And the Levite that is within thy gates; thou shalt not forsake him; for he hath no part nor inheritance with thee.

²⁸At the end of three years thou shalt bring forth all the tithe of thine increase the same year, and shalt lay it up within thy gates:

²⁹And the Levite, (because he hath no part nor inheritance with thee,) and the stranger, and the fatherless, and the widow, which are within thy gates, shall come, and shall eat and be satisfied; that the Lord thy God may bless thee in all the work of thine hand which thou doest.