Colossians 3

¹Therfor if ye han risun togidere with Crist, seke ye tho thingis that ben aboue, where Crist is sittynge in the riythalf of God.

²Sauere ye tho thingis, that ben aboue, not tho that ben on the erthe.

³For ye ben deed, and youre lijf is hid with Crist in God.

⁴For whanne Crist schal appere, youre lijf, thanne also ye schulen appere with hym in glorie.

⁵Therfor sle ye youre membris, whiche ben on the erthe, fornycacioun, vnclennesse, letcherie, yuel coueitise, and aueryse, which is seruyse of mawmetis;

⁶for whiche thingis the wraththe of God cam on the sones of vnbileue;

⁷in whiche also ye walkiden sum tyme, whanne ye lyueden in hem.

⁸But now putte ye awei alle thingis, wraththe, indignacioun, malice, blasfemye and foule word of youre mouth.

⁹Nyle ye lie togidere; spuyle ye you fro the elde man with his dedes, and clothe ye the newe man,

¹⁰that is maad newe ayen in to the knowing of God, aftir the ymage of hym that made hym;

¹¹where is not male and female, hethene man and Jew, circumcisioun and prepucie, barbarus and Scita, bonde man and fre man, but alle thingis and in alle thingis Crist.

¹²Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;

¹³and support ye echon other, and foryyue to you silf, if ony man ayens ony hath a querele; as the Lord foryaf to you, so also ye.

¹⁴And vpon alle these thingis haue ye charite, that is the boond of perfeccioun.

¹⁵And the pees of Crist enioye in youre hertis, in which ye ben clepid in o bodi, and be ye kynde.

¹⁶The word of Crist dwelle in you plenteuousli, in al wisdom; and teche and moneste you silf in salmes, and ympnes, and spiritual songis, in grace synginge in youre hertis to the Lord.

¹⁷Al thing, what euere thing ye don, in word or in dede, alle thingis in the name of oure Lord Jhesu Crist, doynge thankyngis to God and to the fadir bi hym.

¹⁸Wymmen, be ye sugetis to youre hosebondis, as it bihoueth in the Lord.

¹⁹Men, loue ye youre wyues, and nyle ye be bittere to hem.

²⁰Sones, obeie ye to youre fadir and modir bi alle thingis; for this is wel plesinge in the Lord.

²¹Fadris, nyle ye terre youre sones to indignacioun, that thei be not maad feble hertid.

²²Seruauntis, obeie ye bi alle thingis to fleischli lordis, not seruynge at iye, as plesynge to men, but in symplenesse of herte, dredinge the Lord.

²³What euer ye doen, worche ye of wille, as to the Lord and not to men;

²⁴witinge that of the Lord ye schulen take yelding of eritage. Serue ye to the Lord Crist.

²⁵For he that doith iniurie, schal resseyue that that he dide yuele; and acceptacioun of persoones is not anentis God.

Colossians 3

¹If ye then be risen with Christ, seek those things which are above, where Christ sitteth on the right hand of God.

²Set your affection on things above, not on things on the earth.

³For ye are dead, and your life is hid with Christ in God.

⁴When Christ, who is our life, shall appear, then shall ye also appear with him in glory.

⁵Mortify therefore your members which are upon the earth; fornication, uncleanness, inordinate affection, evil concupiscence, and covetousness, which is idolatry:

⁶For which things’ sake the wrath of God cometh on the children of disobedience:

⁷In the which ye also walked some time, when ye lived in them.

⁸But now ye also put off all these; anger, wrath, malice, blasphemy, filthy communication out of your mouth.

⁹Lie not one to another, seeing that ye have put off the old man with his deeds;

¹⁰And have put on the new man, which is renewed in knowledge after the image of him that created him:

¹¹Where there is neither Greek nor Jew, circumcision nor uncircumcision, Barbarian, Scythian, bond nor free: but Christ is all, and in all.

¹²Put on therefore, as the elect of God, holy and beloved, bowels of mercies, kindness, humbleness of mind, meekness, longsuffering;

¹³Forbearing one another, and forgiving one another, if any man have a quarrel against any: even as Christ forgave you, so also do ye.

¹⁴And above all these things put on charity, which is the bond of perfectness.

¹⁵And let the peace of God rule in your hearts, to the which also ye are called in one body; and be ye thankful.

¹⁶Let the word of Christ dwell in you richly in all wisdom; teaching and admonishing one another in psalms and hymns and spiritual songs, singing with grace in your hearts to the Lord.

¹⁷And whatsoever ye do in word or deed, do all in the name of the Lord Jesus, giving thanks to God and the Father by him.

¹⁸Wives, submit yourselves unto your own husbands, as it is fit in the Lord.

¹⁹Husbands, love your wives, and be not bitter against them.

²⁰Children, obey your parents in all things: for this is well pleasing unto the Lord.

²¹Fathers, provoke not your children to anger, lest they be discouraged.

²²Servants, obey in all things your masters according to the flesh; not with eyeservice, as menpleasers; but in singleness of heart, fearing God:

²³And whatsoever ye do, do it heartily, as to the Lord, and not unto men;

²⁴Knowing that of the Lord ye shall receive the reward of the inheritance: for ye serve the Lord Christ.

²⁵But he that doeth wrong shall receive for the wrong which he hath done: and there is no respect of persons.