Acts 13

¹And profetis and doctouris weren in the chirche that was at Antioche, in which Barnabas, and Symount, that was clepid Blac, and Lucius Cironense, and Manaen, that was the soukynge fere of Eroude tetrarke, and Saul weren.

²And whanne thei mynystriden to the Lord, and fastiden, the Hooli Goost seide to hem, Departe ye to me Saul and Barnabas, in to the werk to which Y haue takun hem.

³Thanne thei fastiden, and preieden, and leiden hondis on hem, and leten hem go.

⁴But thei weren sent of the Hooli Goost, and wenten forth to Seleucia, and fro thennus thei wenten bi boot to Cipre.

⁵And whanne thei camen to Salamyne, thei prechiden the word of God in the synagogis of Jewis; and thei hadden also Joon in mynystrie.

⁶And whanne thei hadden walkid bi al the ile to Pafum, thei founden a man, a witche, a false profete, a Jewe, to whom the name was Bariesu,

⁷that was with the proconsul Sergius Paule, a prudent man. This clepide Barnabas and Poul, and desiride to here the word of God.

⁸But Elymas witche withstoode hem; for his name is expowned so; and he souyte to turne awei the proconsul fro bileue.

⁹But Saul, which is seid also Paul, was fillid with the Hooli Goost, and bihelde in to hym, and seide, A!

¹⁰thou ful of al gile, and al falsnesse, thou sone of the deuel, thou enemye of al riytwisnesse, thou leeuest not to turne vpsodoun the riytful weies of the Lord.

¹¹And now lo! the hoond of the Lord is on thee, and thou schalt be blynde, and not seynge the sunne in to a tyme. And anoon myste and derknesse felden doun on hym; and he yede aboute, and souyte hym that schulde yyue hoond to hym.

¹²Thanne the proconsul, whanne he hadde seyn the dede, bileuede, wondringe on the techyng of the Lord.

¹³And whanne fro Pafum Poul hadde go bi a boot, and thei that weren with hym, thei camen to Pergen of Pamfilie; but Joon departide fro hem, and turnede ayen to Jerusalem.

¹⁴And thei yeden to Pergen, and camen to Antioche of Persidie; and thei entriden in to the synagoge in the dai of sabatis, and saten.

¹⁵And after the redyng of the lawe and of the prophetis, the princis of the synagoge senten to hem, and seiden, Britheren, if ony word of exortacioun to the puple is in you, seie ye.

¹⁶And Poul roos, and with hoond baad silence, and seide, Men of Israel, and ye that dreden God, here ye.

¹⁷God of the puple of Israel chees oure fadris, and enhaunside the puple, whanne thei weren comelingis in the loond of Egipt, and in an hiy arme he ledde hem out of it;

¹⁸and bi the tyme of fourti yeeris he suffride her maneres in desert.

¹⁹And he destriede seuene folkis in the loond of Canaan, and bi sort departide to hem her lond,

²⁰as aftir foure hundrid and fifti yeeris. And aftir these thingis he yaf domesmen, to Samuel, the profete.

²¹And fro that tyme thei axiden a kyng, and God yaf to hem Saul, the sone of Cis, a man of the lynage of Beniamyn, bi fourti yeeris.

²²And whanne he was don awei, he reiside to hem Dauid king, to whom he bar witnessing, and seide, Y haue foundun Dauid, the sone of Jesse, a man aftir myn herte, which schal do alle my willis.

²³Of whos seed bi the biheest God hath led out to Israel a sauyoure Jhesu,

²⁴whanne Joon prechide bifor the face of his comyng the baptym of penaunce to al the puple of Israel.

²⁵But whanne Joon fillide his cours, he seide, Y am not he, whom ye demen me to be; but lo! he cometh aftir me, and Y am not worthi to doon of the schoon of hise feet.

²⁶Britheren, and sones of the kynde of Abraham, and whiche that in you dreden God, to you the word of helthe is sent.

²⁷For thei that dwelliden at Jerusalem, and princis of it, that knewen not this Jhesu, and the voicis of prophetis, that by euery sabat ben red, demyden, and filliden;

²⁸and thei founden in hym no cause of deth, and axiden of Pilat, that thei schulden sle hym.

²⁹And whanne thei hadden endid alle thingis that weren writun of hym, thei token hym doun of the tre, and leiden hym in a graue.

³⁰And God reiside hym fro deth in the thridde dai; which was seyn bi mony daies to

³¹hem that wenten vp togidere with hym fro Galilee in to Jerusalem, which ben til now his witnessis to the puple.

³²And we schewen to you the biheest that was maad to oure fadris;

³³for God hath fulfillid this to her sones, and ayenreisid Jhesu; as in the secounde salm it is writun, Thou art my sone, to dai Y bigat thee.

³⁴And he ayenreiside hym fro deth, that he schulde not turne ayen in to corrupcioun, seide thus, For Y schal yyue to you the hooli trewe thingis of Dauid.

³⁵And therfor and on an othere stide he seith, Thou schalt not yyue thin hooli to se corrupcioun.

³⁶But Dauid in his generacioun, whanne he hadde mynstrid to the wille of God, diede, and was leid with hise fadris, and say corrupcioun;

³⁷but he whom God reiside fro deth, say not corrupcioun.

³⁸Therfor, britheren, be it knowun to you, that bi hym remyssioun of synnes is teld to you, fro alle synnes, of whiche ye myyten not be iustified in the lawe of Moises.

³⁹In this ech man that bileueth, is iustified.

⁴⁰Therfor se ye, that it come not to you, that is biforeseid in the profetis,

⁴¹Ye dispiseris, se ye, and wondre ye, and be ye scaterid abrood; for Y worche a werk in youre daies, a werk that ye schulen not bileue, if ony man schal telle it to you.

⁴²And whanne thei yeden out, thei preieden, that in the sabat suynge thei schulden speke to hem these wordis.

⁴³And whanne the synagoge was left, manye of Jewis and of comelingis worschypynge God supeden Poul and Barnabas; that spaken, and counseliden hem, that thei schulden dwelle in the grace of God.

⁴⁴And in the sabat suynge almest al the citee cam togidir, to here the word of God.

⁴⁵And Jewis sien the puple, and weren fillid with enuye, and ayenseiden these thingis that weren seyd of Poul, and blasfemyden.

⁴⁶Thanne Poul and Barnabas stidfastli seiden, To you it bihofte first to speke the word of God; but for ye putten it awei, and han demyd you vnworthi to euerlastinge lijf, lo! we turnen to hethen men.

⁴⁷For so the Lord comaundide vs, Y haue set thee in to liyt to hethen men, that thou be in to helthe to the vtmest of erthe.

⁴⁸And hethen men herden, `and ioieden, and glorifieden the word of the Lord; and bileueden, as manye as weren bifore ordeyned to euerlastinge lijf.

⁴⁹And the word of the Lord was sowun bi al the cuntre.

⁵⁰But the Jewis stiriden religiouse wymmen, and onest, and the worthiest men of the citee, and stireden persecucioun ayens Poul and Barnabas, and dryuen hem out of her cuntreis.

⁵¹And thei schoken awei in to hem the duste of her feet, and camen to Yconye.

⁵²And the disciplis weren fillid with ioye and the Hooli Goost.

Acts 13

¹Now there were in the church that was at Antioch certain prophets and teachers; as Barnabas, and Simeon that was called Niger, and Lucius of Cyrene, and Manaen, which had been brought up with Herod the tetrarch, and Saul.

²As they ministered to the Lord, and fasted, the Holy Ghost said, Separate me Barnabas and Saul for the work whereunto I have called them.

³And when they had fasted and prayed, and laid their hands on them, they sent them away.

⁴So they, being sent forth by the Holy Ghost, departed unto Seleucia; and from thence they sailed to Cyprus.

⁵And when they were at Salamis, they preached the word of God in the synagogues of the Jews: and they had also John to their minister.

⁶And when they had gone through the isle unto Paphos, they found a certain sorcerer, a false prophet, a Jew, whose name was Bar–jesus:

⁷Which was with the deputy of the country, Sergius Paulus, a prudent man; who called for Barnabas and Saul, and desired to hear the word of God.

⁸But Elymas the sorcerer (for so is his name by interpretation) withstood them, seeking to turn away the deputy from the faith.

⁹Then Saul, (who also is called Paul,) filled with the Holy Ghost, set his eyes on him,

¹⁰And said, O full of all subtilty and all mischief, thou child of the devil, thou enemy of all righteousness, wilt thou not cease to pervert the right ways of the Lord?

¹¹And now, behold, the hand of the Lord is upon thee, and thou shalt be blind, not seeing the sun for a season. And immediately there fell on him a mist and a darkness; and he went about seeking some to lead him by the hand.

¹²Then the deputy, when he saw what was done, believed, being astonished at the doctrine of the Lord.

¹³Now when Paul and his company loosed from Paphos, they came to Perga in Pamphylia: and John departing from them returned to Jerusalem.

¹⁴But when they departed from Perga, they came to Antioch in Pisidia, and went into the synagogue on the sabbath day, and sat down.

¹⁵And after the reading of the law and the prophets the rulers of the synagogue sent unto them, saying, Ye men and brethren, if ye have any word of exhortation for the people, say on.

¹⁶Then Paul stood up, and beckoning with his hand said, Men of Israel, and ye that fear God, give audience.

¹⁷The God of this people of Israel chose our fathers, and exalted the people when they dwelt as strangers in the land of Egypt, and with an high arm brought he them out of it.

¹⁸And about the time of forty years suffered he their manners in the wilderness.

¹⁹And when he had destroyed seven nations in the land of Chanaan, he divided their land to them by lot.

²⁰And after that he gave unto them judges about the space of four hundred and fifty years, until Samuel the prophet.

²¹And afterward they desired a king: and God gave unto them Saul the son of Cis, a man of the tribe of Benjamin, by the space of forty years.

²²And when he had removed him, he raised up unto them David to be their king; to whom also he gave testimony, and said, I have found David the son of Jesse, a man after mine own heart, which shall fulfil all my will.

²³Of this man’s seed hath God according to his promise raised unto Israel a Saviour, Jesus:

²⁴When John had first preached before his coming the baptism of repentance to all the people of Israel.

²⁵And as John fulfilled his course, he said, Whom think ye that I am? I am not he. But, behold, there cometh one after me, whose shoes of his feet I am not worthy to loose.

²⁶Men and brethren, children of the stock of Abraham, and whosoever among you feareth God, to you is the word of this salvation sent.

²⁷For they that dwell at Jerusalem, and their rulers, because they knew him not, nor yet the voices of the prophets which are read every sabbath day, they have fulfilled them in condemning him.

²⁸And though they found no cause of death in him, yet desired they Pilate that he should be slain.

²⁹And when they had fulfilled all that was written of him, they took him down from the tree, and laid him in a sepulchre.

³⁰But God raised him from the dead:

³¹And he was seen many days of them which came up with him from Galilee to Jerusalem, who are his witnesses unto the people.

³²And we declare unto you glad tidings, how that the promise which was made unto the fathers,

³³God hath fulfilled the same unto us their children, in that he hath raised up Jesus again; as it is also written in the second psalm, Thou art my Son, this day have I begotten thee.

³⁴And as concerning that he raised him up from the dead, now no more to return to corruption, he said on this wise, I will give you the sure mercies of David.

³⁵Wherefore he saith also in another psalm, Thou shalt not suffer thine Holy One to see corruption.

³⁶For David, after he had served his own generation by the will of God, fell on sleep, and was laid unto his fathers, and saw corruption:

³⁷But he, whom God raised again, saw no corruption.

³⁸Be it known unto you therefore, men and brethren, that through this man is preached unto you the forgiveness of sins:

³⁹And by him all that believe are justified from all things, from which ye could not be justified by the law of Moses.

⁴⁰Beware therefore, lest that come upon you, which is spoken of in the prophets;

⁴¹Behold, ye despisers, and wonder, and perish: for I work a work in your days, a work which ye shall in no wise believe, though a man declare it unto you.

⁴²And when the Jews were gone out of the synagogue, the Gentiles besought that these words might be preached to them the next sabbath.

⁴³Now when the congregation was broken up, many of the Jews and religious proselytes followed Paul and Barnabas: who, speaking to them, persuaded them to continue in the grace of God.

⁴⁴And the next sabbath day came almost the whole city together to hear the word of God.

⁴⁵But when the Jews saw the multitudes, they were filled with envy, and spake against those things which were spoken by Paul, contradicting and blaspheming.

⁴⁶Then Paul and Barnabas waxed bold, and said, It was necessary that the word of God should first have been spoken to you: but seeing ye put it from you, and judge yourselves unworthy of everlasting life, lo, we turn to the Gentiles.

⁴⁷For so hath the Lord commanded us, saying, I have set thee to be a light of the Gentiles, that thou shouldest be for salvation unto the ends of the earth.

⁴⁸And when the Gentiles heard this, they were glad, and glorified the word of the Lord: and as many as were ordained to eternal life believed.

⁴⁹And the word of the Lord was published throughout all the region.

⁵⁰But the Jews stirred up the devout and honourable women, and the chief men of the city, and raised persecution against Paul and Barnabas, and expelled them out of their coasts.

⁵¹But they shook off the dust of their feet against them, and came unto Iconium.

⁵²And the disciples were filled with joy, and with the Holy Ghost.