Acts 11

¹And the apostlis, and the britheren that weren in Judee, herden that also hethene men resseyueden the word of God, and thei glorifieden God.

²But whanne Petre cam to Jerusalem, thei that weren of circumcisioun, disputiden ayens hym,

³and seiden, Whi entridist thou to men that han prepucie, and hast eete with hem?

⁴And Petre bigan, and expownede to hem bi ordre,

⁵and seide, Y was in the citee of Joppe, and preiede, and Y sai in rauysching of my mynde a visioun, that a vessel cam doun, as a greet scheete with foure coordis, and was sent doun fro heuene; and it cam to me.

⁶In to which Y lokinge biheld, and sai foure footid beestis of the erthe, and beestis, and crepynge beestis, and volatils of heuene.

⁷And Y herde also a vois that seide to me, Petre, rise thou, and sle, and eete.

⁸But Y seide, Nay, Lord; for comyn thing ether vnclene entride neuer in to my mouth.

⁹And the vois answeride the secounde tyme fro heuene, That thing that God hath clensid, seie thou not vnclene.

¹⁰And this was don bi thries, and alle thingis weren resseyued ayen in to heuene.

¹¹And lo! thre men anoon stooden in the hous, in which Y was; and thei weren sent fro Cesarie to me.

¹²And the spirit seide to me, that Y schulde go with hem, and doute no thing. Yhe, and these sixe britheren camen with me, and we entriden in to the hous of the man.

¹³And he telde to vs, how he say an aungel in his hous, stondinge and seiynge to hym, Sende thou in to Joppe, and clepe Symount, that is named Petre, which schal speke to thee wordis,

¹⁴in whiche thou schalt be saaf, and al thin hous.

¹⁵And whanne Y hadde bigunnun to speke, the Hooli Goost felle on hem, as in to vs in the bigynnyng.

¹⁶And Y bithouyte on the word of the Lord, as he seide, For Joon baptiside in watir, but ye schulen be baptisid in the Hooli Goost.

¹⁷Therfor if God yaf to hem the same grace, as to vs that bileueden in the Lord Jhesu Crist, who was Y, that myyte forbeede the Lord, that he yyue not the Hooli Goost to hem that bileueden in the name of Jhesu Crist?

¹⁸Whanne these thingis weren herd, thei helden pees, and glorifieden God, and seiden, Therfor also to hethene men God hath youun penaunce to lijf.

¹⁹And thei that weren scaterid of the tribulacioun that was maad vndir Steuene, walkiden forth to Fenyce, and to Cipre, and to Antioche, and spaken the word to no man, but to Jewis aloone.

²⁰But sum of hem weren men of Cipre, and of Cirenen; whiche whanne thei hadden entride in to Antioche, thei spaken to the Grekis, and prechiden the Lord Jhesu.

²¹And the hond of the Lord was with hem, and myche noumbre of men bileuynge was conuertid to the Lord.

²²And the word cam to the eris of the chirche, that was at Jerusalem, on these thingis; and thei senten Barnabas to Antioche.

²³And whanne he was come, and siy the grace of the Lord, he ioyede, and monestide alle men to dwelle in the Lord in purpos of herte;

²⁴for he was a good man, and ful of the Hooli Goost, and of feith. And myche puple was encresid to the Lord.

²⁵And he wente forth to Tharsis, to seke Saul; and whanne he hadde foundun hym, he ledde to Antioche.

²⁶And al a yeer thei lyueden ther in the chirche, and tauyten myche puple, so that the disciplis weren namyd first at Antioche cristen men.

²⁷And in these daies profetis camen ouer fro Jerusalem to Antioche.

²⁸And oon of hem roos vp, Agabus bi name, and signefiede bi the spirit a greet hungur to comynge in al the world, which hungur was maad vndur Claudius.

²⁹And alle the disciplis purposiden, after that ech hadde, for to sende in to mynysterie to britheren that dwelliden in Judee.

³⁰Which thing also thei diden, and sente it to the eldre men, bi the hoondis of Barnabas and Saul.

Acts 11

¹And the apostles and brethren that were in Judea heard that the Gentiles had also received the word of God.

²And when Peter was come up to Jerusalem, they that were of the circumcision contended with him,

³Saying, Thou wentest in to men uncircumcised, and didst eat with them.

⁴But Peter rehearsed the matter from the beginning, and expounded it by order unto them, saying,

⁵I was in the city of Joppa praying: and in a trance I saw a vision, A certain vessel descend, as it had been a great sheet, let down from heaven by four corners; and it came even to me:

⁶Upon the which when I had fastened mine eyes, I considered, and saw fourfooted beasts of the earth, and wild beasts, and creeping things, and fowls of the air.

⁷And I heard a voice saying unto me, Arise, Peter; slay and eat.

⁸But I said, Not so, Lord: for nothing common or unclean hath at any time entered into my mouth.

⁹But the voice answered me again from heaven, What God hath cleansed, that call not thou common.

¹⁰And this was done three times: and all were drawn up again into heaven.

¹¹And, behold, immediately there were three men already come unto the house where I was, sent from Cesarea unto me.

¹²And the spirit bade me go with them, nothing doubting. Moreover these six brethren accompanied me, and we entered into the man’s house:

¹³And he shewed us how he had seen an angel in his house, which stood and said unto him, Send men to Joppa, and call for Simon, whose surname is Peter;

¹⁴Who shall tell thee words, whereby thou and all thy house shall be saved.

¹⁵And as I began to speak, the Holy Ghost fell on them, as on us at the beginning.

¹⁶Then remembered I the word of the Lord, how that he said, John indeed baptized with water; but ye shall be baptized with the Holy Ghost.

¹⁷Forasmuch then as God gave them the like gift as he did unto us, who believed on the Lord Jesus Christ; what was I, that I could withstand God?

¹⁸When they heard these things, they held their peace, and glorified God, saying, Then hath God also to the Gentiles granted repentance unto life.

¹⁹Now they which were scattered abroad upon the persecution that arose about Stephen travelled as far as Phenice, and Cyprus, and Antioch, preaching the word to none but unto the Jews only.

²⁰And some of them were men of Cyprus and Cyrene, which, when they were come to Antioch, spake unto the Grecians, preaching the Lord Jesus.

²¹And the hand of the Lord was with them: and a great number believed, and turned unto the Lord.

²²Then tidings of these things came unto the ears of the church which was in Jerusalem: and they sent forth Barnabas, that he should go as far as Antioch.

²³Who, when he came, and had seen the grace of God, was glad, and exhorted them all, that with purpose of heart they would cleave unto the Lord.

²⁴For he was a good man, and full of the Holy Ghost and of faith: and much people was added unto the Lord.

²⁵Then departed Barnabas to Tarsus, for to seek Saul:

²⁶And when he had found him, he brought him unto Antioch. And it came to pass, that a whole year they assembled themselves with the church, and taught much people. And the disciples were called Christians first in Antioch.

²⁷And in these days came prophets from Jerusalem unto Antioch.

²⁸And there stood up one of them named Agabus, and signified by the spirit that there should be great dearth throughout all the world: which came to pass in the days of Claudius Cesar.

²⁹Then the disciples, every man according to his ability, determined to send relief unto the brethren which dwelt in Judea:

³⁰Which also they did, and sent it to the elders by the hands of Barnabas and Saul.