Marku 10

1Mbasi u nis prej andej, Jezusi shkoi në krahinën e Judesë gjatë Jordanit dhe përsëri u mblodhën rreth tij turma; ai përsëri filloi t'i mësojë, siç e kishte zakon.

14Kur Jezusi e pa këtë, i indinjuar, u tha atyre: ''I lini fëmijët e vegjël të vijnë tek unë dhe mos i pengoni, sepse e tyre është mbretëria e Perëndisë.

Mateu 19:14, Mateu 18:10, Mateu 19:14, Mateu 18:10, Mateu 18:4

15Në të vërtetë po ju them se kushdo që nuk e pranon mbretërinë e Perëndisë si një fëmijë i vogël, nuk do të hyjë në të''.

Mateu 18:3, Mateu 18:3, Luka 18:17, Luka 18:17, Gjoni 3:3

16Dhe, si i mori në krahë, i bekoi duke vënë duart mbi ta.

Isaia 40:11, Marku 9:36, Isaia 40:11, Marku 9:36, Zanafilla 48:14

17Tani kur po bëhej gati për rrugë, i doli përpara dikush me vrap; u gjunjëzua para tij dhe e pyeti: ''Mësues i mirë, çfarë duhet të bëj që të trashëgoj jetën e përjetshme?''.

Mateu 19:16, Mateu 19:30, Mateu 19:16, Mateu 19:30, Luka 18:18

18Dhe Jezusi i tha: ''Përse më quan i mirë? Askush nuk është i mirë, përveç një të vetmi, domethënë Perëndisë.

Mateu 19:17, Luka 18:19, Mateu 19:17, Luka 18:19, 1 Gjonit 4:16

19Ti i njeh urdhërimet: "Mos shkel kurorën. Mos vrit. Mos vidh. Mos bëj dëshmi të rreme. Mos mashtro. Ndero atin tënd dhe nënën tënde"''.

Eksodi 20:12, Eksodi 20:17, Eksodi 20:12, Eksodi 20:17, Romakëve 13:9

20Dhe ai, duke iu përgjigjur, i tha: ''Mësues, të gjitha këto i kam zbatuar që në fëmijërinë time''.

Ezekieli 33:31, Ezekieli 33:32, Ezekieli 33:31, Ezekieli 33:32, 2 Timoteut 3:5

21Atëherë Jezusi e vështroi në fytyrë, ndjeu dashuri për të dhe i tha: ''Një gjë të mungon; shko, shit të gjitha ato që ke dhe jepua të varfërve dhe do të kesh një thesar në qiell; pastaj eja, merre kryqin tënd dhe më ndiq''.

Zbulesa 2:4, Mateu 6:19, Mateu 6:21, Zbulesa 2:4, Mateu 6:19

22Por ai u trishtua për këto fjalë dhe u largua me keqardhje, sepse kishte shumë pasuri.

1 Gjonit 2:15, 1 Gjonit 2:16, 1 Gjonit 2:15, 1 Gjonit 2:16, 1 Timoteut 6:9

23Atëherë Jezusi, mbasi e hodhi vështrimin përreth, u tha dishepujve të vet: ''Sa vështirë është për ata që kanë pasuri të hyjnë në mbretërinë e Perëndisë!''.

1 Korintasve 1:26, 1 Korintasve 1:26, Luka 18:24, Marku 3:5, Jakobit 2:5

24Dishepujt u habitën shumë nga këto fjalë të tij. Por Jezusi foli përsëri dhe u tha atyre: ''O bij, sa e vështirë është që të hyjnë në mbretërinë e Perëndisë ata që mbështeten te pasuria.

Jakobit 5:1, Jakobit 5:3, Jakobit 5:1, Jakobit 5:3, Fjalët e urta 11:28

25Éshtë më e lehtë që një deve të kalojë nëpër vrimën e një gjilpëre, se sa të hyjë një i pasur në mbretërinë e Perëndisë''.

Mateu 19:24, Mateu 19:25, Mateu 19:24, Mateu 19:25, Luka 18:25

26Dhe ata u çuditën edhe më tepër dhe i thoshin njëri-tjetrit: ''Atëherë kush vallë mund të shpëtohet?''.

Veprat 16:31, Veprat 16:31, Marku 6:51, Marku 7:37, 2 Korintasve 11:23

27Por Jezusi, duke i ngulur sytë mbi ta, u tha: ''Kjo për njerëzit është e pamundur, por jo për Perëndinë, sepse gjithçka është e mundur për Perëndinë''.

Mateu 19:26, Mateu 19:26, Jeremia 32:27, Jeremia 32:27, Jobi 42:2

28Atëherë Pjetri e mori fjalën dhe tha: ''Ja, ne lamë çdo gjë dhe të kemi ndjekur''.

Mateu 19:27, Mateu 19:30, Mateu 19:27, Mateu 19:30, Luka 18:28

29Jezusi, duke u përgjigjur, tha: ''Në të vërtetë po ju them që nuk ka asnjeri që të ketë lënë shtëpinë, a vëllezërit a motrat, a atin, a nënën, a fëmijët ose arat për hirin tim dhe për ungjillin,

1 Korintasve 9:23, 1 Korintasve 9:23, Mateu 5:10, Mateu 5:11, Mateu 5:10

30që të mos marrë tani, në këtë kohë, njëqindfish shtëpi, vëllezër, motra, nëna, fëmijë e ara, së bashku me përndjekje, dhe në botën e ardhshme, jeta e përjetshme.

Luka 18:30, Filipianëve 3:8, Luka 18:30, Filipianëve 3:8, 2 Korintasve 6:10

31Por shumë të parë do të jenë të fundit dhe shumë të fundit do të jenë të parët''.

Mateu 19:30, Mateu 19:30, Luka 13:30, Mateu 20:16, Luka 13:30

32Ata ishin në udhëtim për t'u ngjitur në Jeruzalem, dhe Jezusi i paraprinte. Dhe ata ishin të tronditur dhe e ndiqnin me ndrojtje. Dhe ai i mblodhi përsëri të dymbëdhjetët mënjanë dhe nisi t'u thotë çfarë do t'i ndodhte:

Mateu 20:17, Mateu 20:19, Mateu 20:17, Mateu 20:19, Luka 9:51

33''Ja, ne po ngjitemi në Jeruzalem dhe Biri i njeriut do t'u dorëzohet krerëve të priftërinjve dhe skribëve; dhe ata do ta dënojnë me vdekje dhe do ta dorëzojnë në duar të paganëve,

Mateu 27:2, Mateu 27:2, Mateu 20:17, Mateu 20:19, Mateu 16:21

34të cilët do ta tallin, do ta fshikullojnë, do ta pështyjnë dhe do ta vrasin, por ai, ditën e tretë, do të ringjallet''.

Mateu 16:21, Marku 14:65, Mateu 26:67, Mateu 16:21, Marku 14:65

35Atëherë Jakobi dhe Gjoni, bij të Zebedeut, iu afruan dhe i thanë: ''Mësues, ne dëshirojmë që ti të bësh për ne atë që do të të kërkojmë''.

Mateu 20:20, Mateu 20:28, Mateu 20:20, Mateu 20:28, 2 Samuelit 14:4

36Dhe ai u tha atyre: ''Çfarë doni të bëj për ju?''

Gjoni 15:7, 1 Mbretërve 3:5, 1 Mbretërve 3:15, Gjoni 15:7, 1 Mbretërve 3:5

37Ata i thanë: ''Na lejo që të ulemi njëri në të djathtën tënde dhe tjetri në të majtën tënde në lavdinë tënde''.

Mateu 19:28, Mateu 19:28, Marku 16:19, Psalmet 110:1, Luka 24:26

38Dhe Jezusi u tha atyre: ''Ju nuk dini çfarë kërkoni. A mund të pini ju kupën që unë do të pi dhe të pagëzoheni me atë pagëzim me të cilin unë jam pagëzuar?''. Ata i thanë: ''Po, mundemi''.

Luka 12:50, Luka 12:50, Gjoni 18:11, Gjoni 18:11, Psalmet 75:8

39Dhe Jezusi u tha atyre: ''Vërtetë ju do të pini kupën që unë po pij dhe do të pagëzoheni me atë pagëzim me të cilin jam pagëzuar,

Zbulesa 1:9, Veprat 12:2, Zbulesa 1:9, Veprat 12:2, Mateu 10:25

40por nuk më takon mua të vë dikë të ulet në të djathtën time ose në të majtën time, por është për ata për të cilët është përgatitur''.

Mateu 20:23, Mateu 25:34, Mateu 20:23, Mateu 25:34, Gjoni 17:24

41Kur i dëgjuan këto, të dhjetë të tjerët filluan të indinjohen kundër Jakobit dhe Gjonit.

Fjalët e urta 13:10, Romakëve 12:10, Filipianëve 2:3, Fjalët e urta 13:10, Romakëve 12:10

42Por Jezusi i thirri pranë vetes dhe tha: ''Ju e dini që ata që konsiderohen sundues të kombeve i sundojnë ato dhe të mëdhenjtë e tyre ushtrojnë mbi to pushtetin e tyre;

1 Pjetrit 5:3, 1 Pjetrit 5:3, Luka 22:25, Luka 22:25, Mateu 20:25

43por kjo s'duhet të ndodhë midis jush; madje ai nga ju që do të dojë të bëhet i madh, do të jetë shërbëtori juaj;

Mateu 23:8, Mateu 23:12, Mateu 23:8, Mateu 23:12, Mateu 20:26

44dhe kushdo nga ju që do të dojë të jetë i pari, do të jetë skllavi i të gjithëve.

45Sepse edhe Biri i njeriut nuk erdhi që t'i shërbejnë, por për të shërbyer dhe për të dhënë jetën e tij si çmim për shpengimin e shumë vetave''.

Mateu 20:28, Mateu 20:28, Filipianëve 2:5, Filipianëve 2:8, Filipianëve 2:5

46Kështu arritën në Jeriko. Kur ai po dilte nga Jeriko me dishepujt e tij dhe me një turmë të madhe, biri i Timoteut, Bartimeu i verbër, ishte ulur gjatë rrugës dhe lypte.

Luka 18:35, Luka 19:1, Luka 18:35, Luka 19:1, Mateu 20:29

47Kur dëgjoi se ai që po kalonte ishte Jezusi Nazareas, filloi të bërtasë dhe të thotë: ''Jezus, Bir i Davidit, ki mëshirë për mua!''.

Marku 1:24, Marku 1:24, Mateu 9:27, Mateu 9:27, Zbulesa 22:16

48Shumë e qortonin që të heshte, por ai bërtiste edhe më fort: ''Bir i Davidit, ki mëshirë për mua!''.

Marku 7:26, Marku 7:29, Psalmet 62:12, Mateu 19:13, Luka 18:1

49Dhe Jezusi qëndroi dhe urdhëroi që ta thërrasin. Ata e thirrën, pra, të verbërin duke i thënë: ''Merr zemër, çohu, ai po të thërret!''.

Luka 18:40, Mateu 20:32, Mateu 20:34, Luka 18:40, Mateu 20:32

50Atëherë ai hodhi tej rrobën e tij, u ngrit dhe erdhi te Jezusi.

Filipianëve 3:7, Filipianëve 3:9, Filipianëve 3:7, Filipianëve 3:9, Hebrenjve 12:1

51Dhe Jezusi mori fjalën dhe i tha: ''Çfarë do që unë të të bëj?''. I verbëri i tha: ''Rabboni, që të më kthehet të parit!''.

Luka 18:41, Luka 18:43, Luka 18:41, Luka 18:43, Mateu 7:7

52Dhe Jezusi i tha: ''Shko, besimi yt të shëroi''. Dhe në çast atij iu kthye të parit dhe nisi të ndjekë Jezusin në udhë.

Mateu 9:22, Mateu 9:22, Luka 7:50, Marku 5:34, Marku 8:25

Marku Chapter 10