II Samuel 3

1Lufta midis shtëpisë së Saulit dhe shtëpisë së Davidit qe e gjatë. Davidi bëhej gjithnjë më i fortë, ndërsa shtëpia e Saulit dobësohej gjithnjë e më shumë.

3i dyti qe Kileabi, ia lindi Karmelitja Abigail, dikur bashkëshorte e Nabalit; i treti qe Absalomi, bir i Maakahut, e bija e Talmait, mbret i Geshurit;

1 Samuelit 27:8, 1 Samuelit 27:8, 1 Kronikave 3:1, 1 Kronikave 3:1, 1 Samuelit 25:3

4i katërti qe Adonijahu, bir i Hagithit; i pesti qe Shefatiahu, bir i Abitalit,

1 Mbretërve 1:5, 1 Mbretërve 1:18, 1 Mbretërve 2:13, 1 Mbretërve 2:25, 1 Mbretërve 1:5

5dhe i gjashti qe Ithreami, bir i Eglahit, bashkëshorte e Davidit. Këta fëmijë i lindën Davidit në Hebron.

6Gjatë luftës midis shtëpisë së Davidit dhe shtëpisë së Saulit, Abneri qëndroi i lidhur fort me shtëpinë e Saulit.

2 Samuelit 2:8, 2 Samuelit 2:9, 2 Samuelit 2:8, 2 Samuelit 2:9, Joeli 3:9

7Sauli kishte pasur një konkubinë të quajtur Ritspah, bijë e Ajahut; dhe Ish-Boshethi i tha Abnerit: "Pse ke hyrë te konkubina e atit tim?".

2 Samuelit 21:8, 2 Samuelit 21:11, 2 Samuelit 21:8, 2 Samuelit 21:11, 2 Samuelit 16:21

8Abneri u zemërua shumë nga fjalët e Ish-Boshethit dhe iu përgjigj: "Mos vallë jam një kokë qeni i Judës? Deri më sot jam treguar besnik i shtëpisë së Saulit, atit tënd, i vëllezërve dhe i miqve të saj dhe nuk të kam dorëzuar në duart e Davidit, dhe pikërisht sot ti më qorton për fajin që kam kryer me këtë grua!

2 Samuelit 9:8, 2 Samuelit 9:8, 2 Samuelit 16:9, 2 Samuelit 16:9, Marku 6:18

9Perëndia t'i bëjë Abnerit këtë dhe më keq në rast se nuk i bëj Davidit atë që Zoti i është betuar:

1 Samuelit 15:28, 1 Samuelit 15:28, 1 Mbretërve 19:2, 1 Mbretërve 19:2, 1 Kronikave 12:23

10ta kaloj mbretërinë nga shtëpia e Saulit dhe të vendosë fronin e Davidit mbi Izrael dhe mbi Judën, nga Dani deri në Beer-Sheba".

1 Samuelit 3:20, Gjyqtarët 20:1, 1 Samuelit 3:20, Gjyqtarët 20:1, 2 Samuelit 24:2

11Ish-Boshethi nuk iu përgjigj dot as edhe me një fjalë të vetme Abnerit, sepse ia kishte frikën.

12Atëherë Abneri i dërgoi në emër të tij lajmëtarë Davidit për t'i thënë: "Kujt i përket vendi? Bëj aleancë me mua dhe dora ime do të jetë me ty për të ta sjellë tërë Izraelin".

1 Kronikave 12:38, 1 Kronikave 12:40, 1 Kronikave 12:38, 1 Kronikave 12:40, 2 Samuelit 5:1

13Davidi iu përgjigj: "Kam diçka për të të kërkuar: Unë do të bëj aleancë me ty, por ti nuk do të ma shohësh fytyrën po nuk më solle më parë Mikalin, bijën e Saulit, kur të vish të më shikosh".

Zanafilla 43:3, Zanafilla 43:3, Zanafilla 44:26, 1 Samuelit 19:11, 1 Samuelit 19:17

14Kështu Davidi i dërgoi lajmëtarë Ish-Boshethit, birit të Saulit, për t'i thënë: "Ma kthe bashkëshorten time Mikal, me të cilën u fejova për njëqind lafsha të Filistejve".

1 Samuelit 18:27, 1 Samuelit 18:27, 1 Samuelit 18:25, 1 Samuelit 18:25, 2 Samuelit 2:10

15Ish-Boshethi dërgoi ta marrin te burri i saj Paltiel, bir i Laishit.

1 Samuelit 25:44, 1 Samuelit 25:44

16Burri i saj shkoi me të dhe e ndoqi duke qarë deri në Bahurim. Pastaj Abneri i tha: "Shko, kthehu prapa!". Dhe ai u kthye.

2 Samuelit 19:16, 2 Samuelit 16:5, 2 Samuelit 19:16, 2 Samuelit 16:5, 2 Samuelit 17:18

17Pastaj Abneri u drejtoi fjalën pleqve të Izraelit, duke thënë: "Prej shumë kohe kërkoni Davidin si mbretin tuaj.

18Tani erdhi koha të veprojmë, sepse Zoti ka folur për Davidin, duke thënë: "Me anë të Davidit, shërbëtorit tim, unë do të shpëtoj popullin tim të Izraelit nga duart e Filistejve dhe nga tërë armiqtë e tij".

1 Samuelit 15:28, 1 Samuelit 15:28, Psalmet 89:19, Psalmet 89:23, Psalmet 89:19

19Abneri foli edhe me ata të Beniaminit. Pastaj Abneri shkoi te Davidi në Hebron për t'i njoftuar tërë ato që iu dukën të mira Izraelit dhe gjithë shtëpisë së Beniaminit.

1 Kronikave 12:29, 1 Kronikave 12:29, 1 Samuelit 10:20, 1 Samuelit 10:21, 1 Samuelit 10:20

20Kështu Abneri arriti te Davidi në Hebron me njëzet njerëz, dhe Davidi shtroi një banket për Abnerin dhe për njerëzit që ishin me të.

Zanafilla 31:54, Zanafilla 26:30, Esteri 1:3, Zanafilla 31:54, Zanafilla 26:30

21Pastaj Abneri i tha Davidit: "Unë do të ngrihem dhe do të shkoj të mbledh tërë Izraelin rreth mbretit, zotërisë tim, me qëllim që të lidhin aleancë me ty dhe ti të mund të mbretërosh mbi gjithçka dëshëron zemra jote". Pastaj Davidi u nda me Abnerin, që u largua në paqe.

1 Mbretërve 11:37, 2 Samuelit 3:12, 1 Mbretërve 11:37, 2 Samuelit 3:12, 2 Samuelit 3:10

22Por ja, shërbëtorët e Davidit dhe Joabi po ktheheshin nga një plaçkitje, duke sjellë me vete një plaçkë të madhe; por Abneri nuk ishte më me Davidin në Hebron, sepse ky ishte ndarë me të dhe ai kishte ikur në paqe.

23Kur mbërritën Joabi dhe tërë ushtarët që ishin me të, dikush ia tregoi ngjarjen Joabit, duke thënë: "Erdhi Abneri, bir i Nerit, te mbreti; ky u nda me të dhe ai iku në paqe".

24Atëherë Joabi shkoi te mbreti dhe i tha: "Ç'bëre ashtu? Ja, Abneri të erdhi; pse u ndave me të dhe ai u largua?

Gjoni 18:35, 2 Samuelit 3:8, Numrat 23:11, 2 Samuelit 19:5, 2 Samuelit 19:7

25Ti e di që Abneri, bir i Nerit, erdhi që të të mashtrojë, që të njohë lëvizjet e tua dhe për të mësuar tërë ato që bën ti".

Isaia 37:28, Ligji i Përtërirë 28:6, Isaia 37:28, Ligji i Përtërirë 28:6, 1 Samuelit 29:4

26Pasi u largua nga Davidi, Joabi dërgoi lajmëtarë pas Abnerit, të cilët e kthyen prapa nga hauzi i Sirahut pa e ditur Davidi.

Fjalët e urta 27:4, Fjalët e urta 27:6, Fjalët e urta 26:23, Fjalët e urta 26:26, Fjalët e urta 27:4

27Kur Abneri u kthye në Hebron, Joabi e mori mënjanë në mes të portës, gjoja për t'i folur fshehtazi, dhe këtu e goditi në bark dhe e vrau për të marrë hakun e gjakut të Asahelit, vëllait të tij.

2 Samuelit 20:9, 2 Samuelit 20:10, 1 Mbretërve 2:5, 2 Samuelit 20:9, 2 Samuelit 20:10

28Më vonë Davidi e mësoi këtë ngjarje dhe tha: "Unë dhe mbretëria ime jemi përjetë të pafajshëm përpara Zotit për gjakun e Abnerit, birit të Nerit.

Numrat 35:33, Numrat 35:33, Zanafilla 4:10, Eksodi 21:12, Zanafilla 9:6

29Ky gjak rëntë mbi kryet e Joabit dhe mbi tërë shtëpinë e atit të tij; mos iu ndafshin kurrë shtëpisë së Joabit ata që vuajnë nga fluksi apo nga lebra, ata që duhet të mbështeten me shkop, që vdesin nga shpata o që janë pa bukë!".

2 Samuelit 1:16, Psalmet 109:8, Psalmet 109:19, 2 Samuelit 1:16, Psalmet 109:8

30Kështu Joabi dhe Abishai, vëllai i tij, vranë Abnerin, sepse ky kishte vrarë Asahelin, vëllanë e tyre në Gabaon gjatë betejës.

2 Samuelit 2:19, 2 Samuelit 2:23, Fjalët e urta 28:17, Veprat 28:4, 2 Samuelit 2:19

31Pastaj Davidi i tha Joabit dhe tërë popullit që ishte me të: "Grisni rrobat e trupit, mbështilluni me thasë dhe mbani zi për vdekjen e Abnerit!". Edhe mbreti David shkoi pas arkivolit.

Zanafilla 37:34, Zanafilla 37:34, 2 Samuelit 1:11, Gjyqtarët 11:35, Jozueu 7:6

32Kështu e varrosën Abnerin në Hebron, dhe mbreti ngriti zërin dhe qau përpara varrit të Abnerit; edhe tërë populli qau.

Fjalët e urta 24:17, Fjalët e urta 24:17, Jobi 31:28, Jobi 31:28, 2 Samuelit 18:33

33Mbreti ia mori një vajtimi për Abnerin dhe tha: "A duhet të vdiste Abneri si vdes një budalla?

2 Kronikave 35:25, Luka 12:19, Luka 12:20, 2 Samuelit 13:12, 2 Samuelit 13:13

34Duart e tua nuk ishin të lidhura, as këmbët e tua nuk ishin të shtrënguara me zinxhirë prej bronzi! Ti re para keqbërësve".

Gjyqtarët 16:21, Jobi 24:14, 2 Samuelit 1:12, Psalmet 107:10, Psalmet 107:11

35Pastaj tërë populli erdhi për të ftuar Davidin që të hante, sa ishte akoma ditë; por Davidi u betua duke thënë: "Kështu ma bëftë Perëndia madje më keq, po futa në gojë bukë apo ndonjë gjë tjetër para se të perëndojë dielli".

2 Samuelit 12:17, 2 Samuelit 1:12, 2 Samuelit 12:17, 2 Samuelit 1:12, Jeremia 16:7

36Tërë populli e kuptoi dhe e miratoi këtë gjë; çdo gjë që bënte mbreti miratohej nga tërë populli.

Psalmet 62:9, Marku 7:37, 2 Samuelit 15:6, Marku 15:11, Marku 15:13

37Kështu tërë populli dhe tërë Izraeli e kuptuan që qëllimi i mbretit nuk ishte aspak ta vriste atë ditë Abnerin, birin e Nerit.

38Pastaj mbreti u tha shërbëtorëve të tij: "Nuk e dini që një princ dhe një njeri i madh humbi sot jetën në Izrael?

Jobi 32:9, 1 Samuelit 14:50, 1 Samuelit 14:51, 2 Samuelit 2:8, 2 Samuelit 3:12

39Megjithëse jam vajosur mbret, unë jam ende i dobët, ndërsa këta njerëz, bijtë e Tserajahut, janë shumë më të fortë se unë. E shpagoftë Zoti keqbërësin simbas të këqijave që ka bërë".

Psalmet 101:8, Psalmet 28:4, 1 Mbretërve 2:33, 1 Mbretërve 2:34, Psalmet 101:8

II Samuel Chapter 3