I Kings 8

1Atëherë Salomoni mblodhi në prani të tij në Jeruzalem pleqtë e Izraelit dhe tërë krerët e fiseve, prijësit e familjeve të Izraelit, për të çuar arkën e besëlidhjes të Zotit në qytetin e Davidit, domethënë në Sion.

5Mbreti Salomon dhe tërë asambleja e Izraelit, e mbledhur rreth tij, u mblodhën bashkë me të përpara arkës dhe flijuan një numër aq të madh delesh dhe qesh, që nuk mund të numëroheshin as të llogariteshin.

2 Samuelit 6:13, 2 Samuelit 6:13, 1 Mbretërve 8:62, 1 Mbretërve 8:63, 1 Kronikave 16:1

6Pastaj priftërinjtë e çuan arkën e besëlidhjes të Zotit në vendin e saj, në shenjtëroren e tempullit, në vendin shumë të shenjtë, nën krahët e kerubinëve.

1 Mbretërve 6:27, 2 Samuelit 6:17, 1 Mbretërve 6:19, 1 Mbretërve 6:27, 2 Samuelit 6:17

7Në fakt kerubinët i shtrinin krahët e tyre mbi vendin e arkës dhe mbulonin nga lart arkën dhe shufrat e saj.

8Shufrat ishin aq të gjata sa që skajet e tyre dukeshin nga vendi i shenjtë, përpara shenjtërores, por nuk dukeshin nga jashtë. Ato kanë mbetur atje deri në ditën e sotme.

Eksodi 37:4, Eksodi 37:5, Eksodi 25:13, Eksodi 25:15, Eksodi 37:4

9Në arkë nuk kishte asgjë tjetër veç dy pllakave prej guri që Moisiu kishte depozituar në malin Horeb, kur Zoti bëri një besëlidhje me bijtë e Izraelit, pas daljes së tyre nga vendi i Egjiptit.

Eksodi 25:21, Eksodi 25:21, Hebrenjve 9:4, Hebrenjve 9:4, Eksodi 40:20

10Por ndodhi që, ndërsa priftërinjtë po dilnin nga vendi i shenjtë, reja e mbushi shtëpinë e Zotit,

Eksodi 40:34, Eksodi 40:35, 2 Kronikave 7:1, 2 Kronikave 7:2, Eksodi 40:34

11dhe priftërinjtë nuk mundën të qëndrojnë për të shërbyer për shkak të resë, sepse ladvia e Zotit mbushte shtëpinë e tij.

Ezekieli 44:4, Ezekieli 43:4, Ezekieli 43:5, 2 Korintasve 4:6, Levitiku 9:23

12Atëherë Salomoni tha: "Zoti ka thënë se do të banojë në një re të dendur.

Psalmet 97:2, Psalmet 97:2, 2 Kronikave 6:1, 2 Kronikave 6:11, 2 Kronikave 6:1

13Unë kam ndërtuar për ty një shtëpi madhështore, një vend ku ti do të banosh për gjithnjë".

2 Samuelit 7:13, 2 Samuelit 7:13, Eksodi 15:17, Hebrenjve 9:24, Psalmet 132:13

14Pastaj mbreti u kthye dhe bekoi tërë asamblenë e Izraelit, ndërsa tërë asambleja e Izraelit rrinte në këmbë.

2 Samuelit 6:18, 2 Samuelit 6:18, 1 Kronikave 16:2, 1 Mbretërve 8:55, 1 Mbretërve 8:56

15Dhe tha: "I bekuar qoftë Zoti, Perëndia i Izraelit, që i ka premtuar me gojën e tij atit tim David dhe që e ka mbajtur premtimin e dhënë me anë të fuqisë së tij, duke thënë:

Luka 1:68, Luka 1:68, 1 Kronikave 29:10, Nehemia 9:5, 1 Kronikave 29:20

16"Nga dita që nxora popullin tim të Izraelit nga Egjipti, unë nuk kam zgjedhur asnjë qytet midis tërë fiseve të Izraelit për të ndërtuar një shtëpi, ku emri im të qëndronte, por kam zgjedhur Davidin që të mbretërojë mbi popullin tim të Izraelit".

1 Samuelit 16:1, 1 Samuelit 16:1, 1 Kronikave 28:4, 2 Samuelit 7:4, 2 Samuelit 7:8

17Por Davidi, ati im, e kishte në zemër të ndërtonte një shtëpi në emër të Zotit, Perëndisë të Izraelit;

2 Samuelit 7:2, 2 Samuelit 7:3, 2 Samuelit 7:2, 2 Samuelit 7:3, 1 Kronikave 17:1

18por Zoti i tha Davidit, atit tim: "Ti ke pasur në zemër të ndërtosh një shtëpi në emrin tim, dhe bëre mirë të kesh një gjë të tillë në zemër;

2 Kronikave 6:7, 2 Kronikave 6:9, 2 Kronikave 6:7, 2 Kronikave 6:9, 2 Korintasve 8:12

19por nuk do të jesh ti që do të ndërtosh tempullin, do të jetë përkundrazi biri yt që do të dalë nga barku yt; do të jetë ai që do të ndërtojë tempullin në emrin tim".

2 Samuelit 7:5, 1 Kronikave 22:8, 1 Kronikave 22:10, 2 Samuelit 7:5, 1 Kronikave 22:8

20Kështu Zoti e mbajti fjalën që kishte thënë; dhe unë zura vendin e Davidit, atit tim, u ula mbi fronin e Izraelit, ashtu si kishte thënë Zoti, dhe ndërtova tempullin në emër të Zotit, Perëndisë të Izraelit.

1 Kronikave 28:5, 1 Kronikave 28:6, 1 Kronikave 28:5, 1 Kronikave 28:6, Filipianëve 1:6

21Atje kam përgatitur një vend për arkën, në të cilën ndodhet besëlidhja e Zotit, që ai lidhi me etërit tanë kur i nxori nga vendi i Egjiptit".

Ligji i Përtërirë 31:26, 1 Mbretërve 8:9, Ligji i Përtërirë 31:26, 1 Mbretërve 8:9, 1 Mbretërve 8:5

22Pastaj Salomoni u vendos para altarit të Zotit, përballë tërë asamblesë së Izraelit, shtriu duart në drejtim të qiellit

Ezdra 9:5, Ezdra 9:5, Eksodi 9:33, 1 Mbretërve 8:54, Eksodi 9:33

23dhe tha: "O Zot, Perëndia i Izraelit, nuk ka asnjë Perëndi të ngjashëm me ty as atje lart në qiell, as këtu poshtë në tokë! Ti e ruan besëlidhjen dhe tregohesh shpirtmadh me shërbëtorët e tu që ecin para teje me gjithë zemër.

2 Samuelit 7:22, 2 Samuelit 7:22, Ligji i Përtërirë 7:9, Ligji i Përtërirë 7:9, Danieli 9:4

24Ndaj shërbëtorit tënd David, atit tim, ti mbajte atë që i kishe premtuar; po, sot ke kryer me dorën tënde atë që kishe premtuar me gojën tënde.

2 Samuelit 7:16, 2 Samuelit 7:16, 1 Mbretërve 8:15, 2 Samuelit 7:12, 1 Mbretërve 8:15

25Tani, pra, o Zot, Perëndi i Izraelit, mbaje premtimin që i kishe bërë Davidit, atit tim, duke thënë: "Ty nuk do të të mungojë asnjëri nga ata që ulen para teje mbi fronin e Izraelit, nëqoftëse bijtë e tu të kenë kujdes sjelljen e tyre dhe të ecin para meje si ke ecur ti".

1 Mbretërve 2:4, 1 Mbretërve 2:4, Jeremia 33:17, Jeremia 33:26, 2 Kronikave 6:16

26Prandaj të lutem tani, o Perëndi i Izraelit, të plotësosh fjalën që i ke thënë shërbëtorit tënd David, atit tim!

2 Samuelit 7:25, 2 Samuelit 7:29, 2 Samuelit 7:25, 2 Samuelit 7:29, Jeremia 11:5

27Po a është e vërtetë që Perëndia banon mbi tokë? Ja, qiejt dhe qiejt e qiejve nuk mund të të nxënë dhe aq më pak ky tempull që kam ndërtuar!

2 Kronikave 2:6, Isaia 66:1, 2 Kronikave 2:6, Isaia 66:1, Jeremia 23:24

28Megjithatë o Zot, Perëndia im, dëgjo me vëmendje lutjen e shërbëtorit tënde dhe kërkesën e tij, duke dëgjuar thirrjen dhe lutjen që shërbëtori yt larton sot para teje.

Psalmet 88:1, Psalmet 88:2, Danieli 9:17, Danieli 9:19, 2 Kronikave 6:19

29Sytë e tu u drejtofshin natë e ditë në këtë tempull, drejt vendit për të cilin ke thënë: "Aty do të jetë emri im", për të dëgjuar lutjen që shërbëtori yt do të të bëjë duke t'u drejtuar nga ky vend.

2 Kronikave 6:20, 2 Kronikave 6:20, 1 Mbretërve 8:16, Nehemia 1:6, Ligji i Përtërirë 12:11

30Dëgjo lutjen e shërbëtorit tënd dhe të popullit tënd të Izraelit kur do të të luten duke t'u drejtuar nga ky vend. Dëgjo nga vendi ku ti banon në qiejt; dëgjo dhe fal.

1 Mbretërve 8:36, 1 Mbretërve 8:39, 1 Mbretërve 8:34, 1 Mbretërve 8:36, 1 Mbretërve 8:39

31Në qoftë se dikush mëkaton kundër të afërmit të tij dhe, duke qenë i detyruar të betohet, vjen të betohet para altarit tënd në këtë tempull,

Eksodi 22:8, Eksodi 22:11, Eksodi 22:8, Eksodi 22:11, Levitiku 5:1

32ti dëgjoje nga qielli, ndërhy dhe gjyko shërbëtorët e tu; dëno fajtorin, duke bërë që të bjerë mbi kokën e tij sjellja e tij dhe shpalle të drejtë të pafajshmin duke i dhënë atë që i takon sipas së drejtës së tij.

Ligji i Përtërirë 25:1, Ligji i Përtërirë 25:1, Ezekieli 18:13, Ezekieli 18:20, Romakëve 2:6

33Kur populli yt i Izraelit do të mundet para armikut sepse ka mëkatuar kundër teje, në rast se kthehet te ti dhe lavdëron emrin tënd, në rast se të lutet dhe të stërlutet në këtë tempull,

Levitiku 26:17, Levitiku 26:17, Ligji i Përtërirë 28:25, Ligji i Përtërirë 28:25, 2 Kronikave 6:24

34ti dëgjoje nga qielli dhe fale mëkatin e popullit tënd të Izraelit, dhe ktheje në vendin që u ke dhënë etërve të tyre.

Zanafilla 13:15, Danieli 9:25, Jeremia 31:4, Jeremia 31:9, Eksodi 6:8

35Kur qielli do të mbyllet dhe nuk do të ketë më shi sepse kanë mëkatuar kundër teje, në qoftë se luten duke t'u drejtuar nga ky vend, në qoftë se lavdërojnë emrin tënd dhe heqin dorë nga mëkati i tyre sepse i ke dëshpëruar shumë,

Levitiku 26:19, 1 Mbretërve 8:33, Ligji i Përtërirë 11:17, Levitiku 26:19, 1 Mbretërve 8:33

36ti dëgjoji nga qielli, fale mëkatin e shërbëtorëve të tu dhe të popullit tënd të Izraelit, duke u treguar rrugën e mirë nëpër të cilën duhet të ecin, dhe dërgo shiun mbi tokën që i ke dhënë si trashëgimi popullit tënd.

Psalmet 27:11, 1 Samuelit 12:23, Psalmet 27:11, 1 Samuelit 12:23, Jeremia 6:16

37Kur vendi të preket nga zia e bukës ose murtaja, nga ndryshku apo nga bloza, nga një dyndje karkalecash dhe krimbash, kur armiku ta rrethojë popullin tënd në vendin e qyteteve të tua, kur të pëllcasë një fatkeqësi apo një epidemi çfarëdo,

Levitiku 26:16, Ligji i Përtërirë 28:21, Ligji i Përtërirë 28:22, Levitiku 26:16, Ligji i Përtërirë 28:21

38çdo lutje, çdo kërkesë që do të të drejtohet nga çfarëdo personi apo nga tërë populli yt i Izraelit, kur secili të ketë pranuar plagën e zemrës së tij dhe të ketë shtrirë duart në drejtim të këtij tempulli,

Filipianëve 4:6, Psalmet 73:21, Psalmet 73:22, Amosi 7:1, Amosi 7:6

39ti dëgjoje nga qielli, nga vendbanimi yt, dhe fal, ndërhy dhe jepi secilit sipas sjelljes së tij, ti që njeh zemrën e secilit; (në të vërtetë vetëm ti ua njeh zemrën gjithë bijve të njerëzve),

1 Kronikave 28:9, 1 Kronikave 28:9, Jeremia 17:10, Jeremia 17:10, 1 Samuelit 16:7

40me qëllim që ata të kenë frikë prej teje tërë kohën që do të jetojnë në vendin që u ke dhënë etërve tanë.

Psalmet 130:4, Psalmet 130:4, Zbulesa 19:5, Zbulesa 19:5, Osea 3:5

41Edhe i huaji, që nuk i përket popullit tënd të Izraelit, kur të vijë nga një vend i largët për shkak të emrit tënd,

1 Mbretërve 10:1, 1 Mbretërve 10:2, 1 Mbretërve 10:1, 1 Mbretërve 10:2, Veprat 8:27

42(sepse do të dëgjohet të flitet për emrin tënd të madh, për dorën tënde të fuqishme dhe për krahun tënd të shtrirë) kur të vijë të të lutet duke t'u drejtuar nga ky tempull,

Ligji i Përtërirë 3:24, Ligji i Përtërirë 3:24, Ligji i Përtërirë 4:6, Psalmet 89:13, Danieli 2:47

43ti dëgjo nga qielli, nga vendbanimi yt, dhe jepi të huajit tërë ato që kërkon, me qëllim që tërë popujt e dheut të njohin emrin tënd dhe kështu të kenë frikë prej teje, ashtu siç bën populli yt i Izraelit, dhe të dinë që emri yt përmëndet në këtë tempull që kam ndërtuar.

Psalmet 102:15, 1 Samuelit 17:46, Psalmet 102:15, 1 Samuelit 17:46, Psalmet 22:27

44Kur populli yt të dalë në luftë kundër armikut të tij, duke ndjekur rrugën që i tregove, në rast se i luten Zotit dhe duke iu drejtuar qytetit të zgjedhur prej teje dhe tempullit që ndërtova në emrin tënd,

Psalmet 132:13, Psalmet 132:14, Numrat 31:1, Numrat 31:12, Ligji i Përtërirë 20:1

45dëgjo nga qielli lutjen dhe kërkesën e tyre dhe përkrahe çështjen e tyre.

Psalmet 9:4, Zanafilla 18:25, Psalmet 9:4, Zanafilla 18:25, Jeremia 5:28

46Kur të mëkatojnë kundër teje (sepse nuk ka njeri që nuk mëkaton) dhe ti, i zemëruar me ta, do t'i braktisësh në dorë të armikut dhe ai do t'i shpërngulë në vendin e tij, afër apo larg,

Predikuesi 7:20, Predikuesi 7:20, Fjalët e urta 20:9, Fjalët e urta 20:9, Isaia 64:6

47në rast se në vendin ku janë shpërngulur vijnë në vete, në rast se kthehen te ti dhe të luten nga vendi ku i kanë prurë si robër dhe thonë: "Kemi mëkatuar, kemi vepruar në mënyrë të padrejtë, kemi bërë të keqen",

Psalmet 106:6, Psalmet 106:6, Ezdra 9:6, Ezdra 9:7, Nehemia 1:6

48në rast se kthehen nga ana jote me gjithë zemër dhe me gjithë shpirt në vendin e armiqve që i kanë shpërngulur dhe të luten duke u kthyer nga vendi që ti u ke dhënë etërve të tyre, nga qyteti që ti ke zgjedhur dhe nga tempulli që unë kam ndërtuar në emrin tënd,

Danieli 6:10, Ligji i Përtërirë 4:29, Jeremia 29:12, Jeremia 29:14, Danieli 6:10

49ti dëgjo nga qielli, nga vendbanimi yt, lutjen dhe kërkesën e tyre dhe përkrahe çështjen e tyre,

1 Mbretërve 8:45, 2 Mbretërve 19:19, Zakaria 1:15, Zakaria 1:16, 1 Mbretërve 8:45

50dhe fale popullin tënd që ka mëkatuar kundër teje për të gjitha shkeljet që ka bërë kundër teje dhe bëj që të gjejnë mëshirë pranë atyre që i kanë shpërngulur, me qëllim që këta të fundit të tregohen të mëshirshëm me ta,

Psalmet 106:46, Psalmet 106:46, 2 Kronikave 30:9, 2 Kronikave 30:9, Veprat 7:10

51(sepse ata janë populli yt dhe trashëgimia jote, ata që nxore nga Egjipti, nga një furrë hekuri).

Nehemia 1:10, Jeremia 11:4, Ligji i Përtërirë 4:20, Nehemia 1:10, Jeremia 11:4

52Mbaji sytë e hapur ndaj lutjes së shërbëtorit tënd dhe lutjes së popullit tënd të Izraelit, në mënyrë që të plotësosh tërësisht gjithë ato që të kërkojnë,

1 Mbretërve 8:29, Psalmet 145:18, 1 Mbretërve 8:29, Psalmet 145:18, Psalmet 86:5

53sepse ti i ke veçuar nga të gjithë popujt e tokës që të jenë trashëgimia jote, sipas atyre që ke shpallur me anë të shërbëtorit tënd Moisi, ku nxore nga Egjipti etërit tanë, o Zot, o Zot!".

Eksodi 19:5, Eksodi 19:6, Eksodi 19:5, Eksodi 19:6, Ligji i Përtërirë 32:9

54Kur Salomoni mbaroi së drejtuari Zotit tërë këtë lutje dhe kërkesë, ai u ngrit para altarit të Zotit ku ishte gjunjëzuar me duart e shtrira në drejtim të qiellit.

2 Kronikave 6:12, 2 Kronikave 6:13, Luka 22:45, 2 Kronikave 7:1, 2 Kronikave 6:12

55Pastaj u ngrit dhe bekoi tërë asamblenë e Izraelit me zë të lartë, duke thënë:

1 Mbretërve 8:14, 1 Mbretërve 8:14, 2 Samuelit 6:18, 2 Samuelit 6:18, Numrat 6:23

56"I bekuar qoftë Zoti, që i dha paqe popullit të Izraelit, sipas gjithë atyre premtimeve që kishte bërë; as edhe një fjalë e vetme nuk mbeti pa u zbatuar nga të gjitha premtimet e bëra prej tij me anë të shërbëtorit të tij Moisi.

Jozueu 23:14, Jozueu 23:15, Jozueu 23:14, Jozueu 23:15, Jozueu 21:44

57Zoti, Perëndia ynë, qoftë me ne ashtu siç ka qenë me etërit tanë; mos na lëntë dhe mos na braktistë,

Jozueu 1:5, Ligji i Përtërirë 31:6, Jozueu 1:5, Ligji i Përtërirë 31:6, Ligji i Përtërirë 31:8

58por t'i kthejë zemrat tona nga ai, me qëllim që ne të ecim në të gjitha rrugët e tij dhe t'u bindeni urdhërimet e tij, statutet e tij dhe dekretet e tij që u ka parashtruar etërve tanë.

Psalmet 119:36, Psalmet 119:36, Ezekieli 36:26, Ezekieli 36:27, Ezekieli 36:26

59Këto fjalë, që i kam drejtuar si lutje Zotit, mbetshin pranë Zotit, Perëndisë tonë, ditë e natë, me qëllim që Ai të përkrahë çështjen e shërbëtorit të tij dhe çështjen e popullit të tij, sipas nevojës së përditshme,

Psalmet 141:2, Gjoni 17:9, Psalmet 141:2, Gjoni 17:9, Psalmet 102:1

60me qëllim që tërë popujt e dheut të pranojnë që Zoti është Perëndia dhe nuk ka asnjë tjetër veç tij.

Ligji i Përtërirë 4:35, Ligji i Përtërirë 4:35, 2 Mbretërve 19:19, 1 Mbretërve 18:39, Jeremia 10:10

61Le të jetë, pra, zemra juaj e dhënë plotësisht Zotit, Perëndisë tonë, për të ndjekur statutet e tij dhe për të respektuar urdhërimet e tij, si po bëni sot!".

1 Mbretërve 11:4, 1 Mbretërve 11:4, 2 Mbretërve 20:3, 2 Mbretërve 20:3, 1 Mbretërve 15:14

62Pastaj mbreti dhe tërë Izraeli bashkë me të ofruan flijime përpara Zotit.

2 Samuelit 6:17, 2 Samuelit 6:19, 2 Samuelit 6:17, 2 Samuelit 6:19, 2 Kronikave 7:4

63Salomoni flijoi si flijim falënderimi, që ai i ofroi Zotit, njëzet e dy mijë lopë dhe njëqind e njëzet mijë dele. Kështu mbreti dhe tërë bijtë e Izraelit ia kushtuan shtëpinë e Zotit.

Ezdra 6:16, Ezdra 6:17, Ezdra 6:16, Ezdra 6:17, Nehemia 12:27

64Po atë ditë mbreti shenjtëroi pjesën qendrore të oborrit, që ndodhet përpara shtëpisë të Zotit; në fakt atje ai ofroi olokauste, blatimet ushqimore dhe dhjamin e flijimeve të falënderimit, sepse altari prej bronzi, që ndodhet përpara Zotit, ishte tepër i vogël për të nxënë olokaustet, blatimet e ushqimit dhe dhjamin e flijimeve të falënderimit.

2 Kronikave 4:1, 2 Kronikave 4:1, 2 Kronikave 7:7, 2 Kronikave 7:7

65Në atë kohë Salomoni kremtoi një festë përpara Zotit, Perëndisë tonë, dhe tërë Izraeli qe bashkë me të. Me të u bashkua një kuvend i madh njerëzish, të ardhur nga rrethet e Hamathit deri në përruan e Egjiptit, për shtatë ditë dhe për shtatë ditë të tjera, gjithsej për katërmbëdhjetë ditë.

Numrat 34:5, Numrat 34:5, Numrat 34:8, 1 Mbretërve 8:2, Numrat 34:8

66Ditën e tetë ai e shpërndau popullin, dhe ata që ishin mbledhur e bekuan mbretin dhe u kthyen në çadrat e tyre të gëzuar dhe me zemër të kënaqur për tëtë të mirat që Zoti u kishte bërë shërbëtorit të tij David dhe Izraelit, popullit të tij.

Ligji i Përtërirë 12:7, Ligji i Përtërirë 12:12, Zakaria 9:17, Veprat 2:46, Filipianëve 4:4

I Kings Chapter 8