1Fjalët e Agurit, birit të Jahehut; mesazhi profetik që ky njeri shpalli në Ithiel, në Ithiel dhe në Ukal.stylus···2Po, unë jam më budalla se gjithë të tjerët dhe nuk kam mendje njeriu.stylus···3Nuk kam mësuar diturinë dhe nuk kam dijen e Shenjtorit.stylus···4Kush u ngjit në qiell dhe zbriti prej tij? Kush e ka mbledhur erën në duart e tij? Kush i ka mbyllur ujërat në rroben e tij? Kush i ka vendosur të gjithë kufijtë e tokës? Cili është emri i tij dhe emri i të birit, po qe se ti e di?stylus···5Çdo fjalë e Perëndisë është rafinuar me zjarr. Ai është një mburojë për atë që gjen strehë tek ai.stylus···6Mos u shto asgjë fjalëve të tij që të mos të të qortojë dhe të dalësh gënjeshtar.stylus···7Unë të kërkova dy gjëra; mos m'i moho para se të vdes:stylus···8largo nga unë falsitetin dhe gënjeshtrën; mos më jep as varfëri as pasuri, më ushqe me bukën e nevojshme,stylus···9me qëllim që, pasi të jem ngopur, të mos të të mohoj dhe të them: "Kush është Zoti?", ose, pasi të jem bërë i varfër, të mos vjedh dhe të përdhos emrin e Perëndisë tim.stylus···10Mos shpif kundër shërbëtorit para të zotit, me qëllim që ai të mos të të mallkojë dhe ti të gjendesh fajtor.stylus···11Ka një kategori njerëzish që mallkojnë atin e tyre dhe nuk bekojnë nënen e tyre.stylus···12Ka një kategori njerëzish që e mbajnë veten për të pastër, por nuk janë të larë nga papastërtia e vet.stylus···13Ka një kategori njerëzish që i ka sytë shumë kryelartë dhe qepallat krenare.stylus···14Ka një kategori njerëzish dhëmbët e të cilëve janë si shpata dhe dhëmballët e tyre janë si thika, për të gëlltitur të varfërit mbi faqen e dheut dhe nevojtarët në mes të njerëzve.stylus···15Shushunja ka dy bija, që thonë: "Më jep, më jep!". Ka tri gjëra që nuk ngopen kurrë, madje katër nuk thonë kurrë: "Mjaft!".stylus···16Sheoli, barku shterp, toka që nuk ngopet me ujë dhe zjarri që nuk thotë kurrë: "Mjaft!".stylus···17Syrin që tallet me babanë dhe nuk pranon me përbuzje t'i bindet nënës, do ta nxjerrin korbat e përroit, do ta hanë të vegjëlit e shqiponjës.stylus···18Ka tri gjëra tepër të mrekullueshme për mua, madje katër, që unë nuk i marr vesh:stylus···19gjurma e shqiponjës në ajër, gjurma e gjarpërit mbi shkëmb, gjurma e anijes në mes të detit dhe gjurma e burrit me një vajzë.stylus···20Kjo është sjellja e gruas që ka shkelur kurorën: ha, fshin gojën dhe thotë: "Nuk kam bërë asnjë të keqe!".stylus···21Tri gjëra e turbullojnë tokën, madje katër janë gjërat që ajo nuk mund të durojë:stylus22një shërbëtor kur bëhet mbret, një budalla që ka bukë me bollëk,stylus···23një grua të urryer që gjen burrë dhe një shërbëtore që i zë vendin zonjës.stylus···24Ka katër kafshë të vogla mbi tokë, por janë jashtëzakonisht të urta:stylus···25mizat e dheut, që janë një popull pa forcë, por që e mbledhin ushqimin e tyre në verë;stylus···26lepujt, që janë një popull i dobët, por që e vendosin banesën e tyre në shkëmbinjtë;stylus···27karkalecat, që nuk kanë mbret, por që shkojnë mbarë në grupe;stylus···28hardhuca që mund ta zësh me duart, por që gjendet në pallatet e mbretërve.stylus29Tri qënie kanë një paraqitje të bukur, madje katër kanë një ecje madhështore;stylus30luani, kafsha më e fortë, që nuk zmprapset para askujt,stylus···31kali i luftës që ecën i ngrefosur, cjapi dhe mbreti kur është me ushtrinë e tij.stylus···32Në rast se ke vepruar si budalla duke lartësuar veten tënde ose të ka shkuar mendja, vëre dorën mbi gojë,stylus···33sepse, duke rrahur qumështin prodhohet gjalpi, duke përdredhur hundën del gjak prej saj dhe duke shtrydhur mërinë prej saj del grindja.stylus···