1Mos u mburr me ditën e nesërme, sepse nuk di atë që mund të sjellë një ditë.stylus···2Le të të lëvdoj një tjetër dhe jo goja jote, një i huaj dhe jo buzët e tua.stylus···3Guri peshon dhe rëra është e rëndë, por zemërimi i budallait peshon më tepër se të dyja bashkë.stylus···4Tërbimi është mizor dhe zemërimi është i furishëm, por kush mund t'i bëjë ballë xhelozisë?stylus···5Më mirë një qortim i hapur se një dashuri e fshehur.stylus···6Besnike janë plagët e një shoku, dhe të rreme të puthurat e një armiku.stylus···7Kush është i ngopur përçmon huallin e mjaltit; por për atë që ka uri çdo gjë e hidhur është e ëmbël.stylus···8Si zogu që endet larg folesë së tij, kështu është njeriu që endet larg shtëpisë së tij.stylus···9Vaji dhe parfumi gëzojnë zemrën, kështu bën ëmbëlsia e një shoku me këshillat e tij të përzërmërta.stylus···10Mos e braktis mikun tënd as mikun e atit tënd dhe mos shko në shtëpinë e vëllait tënd ditën e fatkeqësisë sate; është më mirë një që banon afër se sa një vëlla larg.stylus···11Biri im, ji i urtë dhe gëzo zemrën time, kështu do të mund t'i përgjigjem atij që përflet kundër meje.stylus···12Njeriu mendjemprehtë e shikon të keqen dhe fshihet, por naivët shkojnë tutje dhe ndëshkohen.stylus···13Merr rroben e atij që është bërë garant për një të huaj dhe mbaje si peng për gruan e huaj.stylus···14Ai që bekon të afërmin e tij me zë të lartë në mëngjes herët, do t'ia zënë si mallkim.stylus···15Pikëllimi i vazhdueshëm në një ditë shiu të madh dhe një grua grindavece i ngjasin njera tjetrës.stylus···16Kush arrin ta përmbajë, mban erën dhe zë vajin me dorën e tij të djathtë.stylus···17Hekuri mpreh hekurin, kështu njeriu mpreh fytyrën e shokut të tij.stylus···18Kush kujdeset për fikun do të hajë frytin e tij, dhe ai që i shërben zotit të tij do të nderohet.stylus···19Ashtu si në ujë fytyra pasqyron fytyrën, kështu zemra e njeriut e tregon njeriun.stylus···20Sheoli dhe Abadoni janë të pangopur, dhe të pangopur janë gjithashtu sytë e njerëzve.stylus···21Poçja është për argjendin dhe furra për arin, kështu njeriu provohet nga lëvdata që merr.stylus···22Edhe sikur ta shtypje budallanë në një havan bashkë me grurë me dygeçin e tij, budallallëku nuk do të largohej prej tij.stylus···23Përpiqu të njohësh mirë gjendjen e deleve të tua dhe ki kujdes për kopetë e tua,stylus···24sepse pasuritë nuk zgjatin përherë, dhe as një kurorë nuk vazhdon brez pas brezi.stylus···25Kur merret bari i thatë dhe del bari i njomë dhe mblidhet forazhi i maleve,stylus···26qengjat do të furnizojnë rrobat e tua, cjeptë çmimin e një arestylus···27dhe dhitë mjaft qumësht për ushqimin tënd, për ushqimin e shtëpisë sate dhe për të mbajtur shërbëtoret e tua.stylus···