1Kur ulesh të hash me një mbret, shiko me kujdes atë që ke përpara;stylus···2dhe vër një thikë në grykë, po të jetë se ke oreks të madh.stylus···3Mos dëshiro gjellët e tij të mrekullueshme, sepse janë një ushqim mashtrues.stylus···4Mos u lodh për t'u pasuruar, hiq dorë nga qëllimi yt.stylus···5A do t'i fiksosh sytë e tu mbi atë që po zhduket? Sepse pasuria me siguri do të vërë fletë si një shqiponjë që fluturon drejt qiellit.stylus···6Mos ha bukën e atij që ka syrin e keq dhe mos dëshiro ushqimet e tij të shijshme;stylus···7sepse, ashtu si mendon në zemër të tij, ashtu është ai; "Ha dhe pi"!, do të thotë, por zemra e tij nuk është me ty.stylus···8Do të vjellësh kafshatën që ke ngrënë dhe do të harxhosh kot fjalët e tua të ëmbla.stylus9Mos i drejto fjalën budallait, sepse ai do të përçmojë mençurinë e ligjëratës sate.stylus···10Mos e luaj kufirin e vjetër dhe mos hyr në arat e jetimëve,stylus···11sepse Hakmarrësi i tyre është i fuqishëm; ai do të mbrojë çështjen e tyre kundër teje.stylus···12Kushtoja zemrën tënde mësimeve dhe veshët e tu fjalëve të diturisë.stylus···13Mos ia kurse korrigjimin fëmijës; edhe sikur ta rrahësh me thupër, ai nuk do të vdesë;stylus···14do ta rrahësh me thupër, por do të shpëtosh shpirtin e tij nga Sheoli.stylus···15Biri im, në se zemra jote është e urtë, edhe zemra ime do të ngazëllojë;stylus···16zemra ime do të ngazëllojë, kur buzët e tua do të thonë gjëra të drejta.stylus···17Zemra jote mos i pastë zili mëkatarët, por vazhdoftë gjithnjë në frikën e Zotit;stylus···18sepse ka një të ardhme, dhe shpresa jote nuk do të shkatërrohet.stylus···19Dëgjo, biri im, ji i urtë, dhe drejtoje zemrën në rrugën e drejtë.stylus···20Mos rri me ata që pijnë verë as me grykësit dhe mishngrënësit;stylus···21sepse pijaneci dhe grykësi do të varfërohen dhe gjumashi do të vishet me lecka.stylus···22Dëgjo atin tënd që të ka pjellë dhe mos e përçmo nënën tënde kur të jetë plakë.stylus···23Bli të vërtetën dhe mos e shit, fito dituri, njohuri dhe gjykim.stylus···24Babai i të drejtit do të gëzohet shumë; kush ka lindur një të urtë do t'ia ndjejë gëzimin.stylus···25Le të gëzohet ati yt dhe nëna jote dhe le të gëzohet ajo që të ka lindur.stylus···26Biri im, më jep zemrën tënde, dhe sytë e tu gjetshin gëzim në rrugët e mia.stylus···27Sepse prostituta është një gropë e thellë dhe gruaja e tjetërkujt një pus i ngushtë.stylus···28Edhe ajo rri në pritë si një vjedhës dhe rrit midis njerëzve numrin e atyre që janë jo besnikë.stylus···29Për cilin janë "ah-ët", për cilin "obobo-të"? Për cilin grindjet, për cilin vajtimet? Për cilin plagët pa shkak? Për cilin sytë e skuqur?stylus···30Për ata që ndalen gjatë pranë verës, për ata që kërkojnë verë të droguar.stylus···31Mos e shiko verën kur kuqëlon, kur rrëzëllen në kupë dhe shkon poshtë aq lehtë!stylus···32Në fund ajo kafshon si një gjarpër dhe shpon si një kuçedër.stylus···33Sytë e tu kanë për të parë gjëra të çuditshme dhe zemra jote do të thotë gjëra të çoroditura.stylus···34Do të jesh si ai që gjendet në mes të detit, si ai që bie të flerë në majë të direkut të anijes.stylus···35Do të thuash: "Më kanë rrahur, por nuk më kanë bërë keq; më kanë goditur, por nuk e kam vënë re. Kur të zgjohem, do të kthehem t'i kërkoj përsëri!".stylus···