1Zemra e mbretit në duart e Zotit është si rrjedhat e ujit; atë e drejton ngado që do ai.stylus···2Çdo rrugë e njeriut është e drejtë në sytë e tij, por Zoti i peshon zemrat.stylus···3Të zbatosh drejtësinë dhe paanësinë është një gjë që i pëlqen Zotit më shumë se flijimi.stylus···4Sytë krenarë dhe një zemër kryelartë, që janë llamba e të pabesëve, janë mëkat.stylus···5Synimet e njeriut të kujdesshëm çojnë me siguri në bollëk, por ai që ngutet do të bjerë me siguri në varfëri.stylus···6Të përftosh thesare me një gjuhë gënjeshtare është një kotësi kalimtare e atij që kërkon vdekjen.stylus···7Dhuna e të pabesëve merr tutje, sepse ata nuk pranojnë të zbatojnë drejtësinë.stylus···8Rruga e njeriut të fajshëm është dredha-dredha, por njeriu i drejtë vepron ndershmërisht.stylus···9Éshtë më mirë të banosh mbi qoshen e një çatie se sa në një shtëpi bashkë me një grua grindavece.stylus···10Shpirti i të pabesit dëshiron të keqen; as shoku i tij nuk gjen mëshirë në sytë e tij.stylus···11Kur tallësi ndëshkohet, i thjeshti bëhet i urtë; por kur i urti mësohet ai fiton dije.stylus···12I drejti vëren me kujdes shtëpinë e të pabesit dhe përmbys të pabesët, sepse janë të këqij.stylus···13Kush mbyll veshin ndaj britmës së të varfërit, do të bërtasë edhe ai, por nuk do të ketë përgjigje.stylus···14Një dhuratë që bëhet fshehtas e fashit zemërimin dhe një dhuratë që jepet nën dorë qetëson zemërimin e fortë.stylus···15Të bësh atë që është e drejtë është një gëzim për të drejtin, por është një rrënim për ata që kryejnë paudhësi.stylus···16Njeriu që largohet nga rruga e maturisë ka për të banuar në kuvendin e të vdekurve.stylus···17Ai që i do qejfet do të jetë në varfëri, ai që e do verën dhe vajin nuk do të pasurohet.stylus···18I pabesi do t'i shërbejë si shpërblim të drejtit; dhe i paudhi në vend të njerëzve të drejtë.stylus···19Éshtë më mirë të banosh në një shkretëtirë se sa me një grua grindavece dhe ngacmuese.stylus···20Në shtëpinë e të urtit ka një thesar të çmuar dhe vaj, por njeriu budalla i bën të gjitha rrush e kumbulla.stylus···21Kush ndjek drejtësinë dhe dhembshurinë ka për të gjetur jetën, drejtësinë dhe lavdinë.stylus···22I urti ngjitet në qytetin e njerëzve të fortë dhe rrëzon forcën në të cilën kishte besim.stylus···23Kush ruan gojën dhe gjuhën e tij mbron jetën e tij nga fatkeqësitë.stylus···24Emri i krenarit pa cipë është: "tallës"; ai çdo gjë e bën me një mburrje të tepruar.stylus···25Dëshirat e përtacit e vrasin atë, sepse duart e tij nuk pranojnë të punojnë.stylus···26Ai dëshiron me zjarr tërë ditën, por i drejti dhuron duke mos refuzuar kurrë.stylus···27Flijimi i të pabesit është gjë e neveritshme, aq më tepër në rast se e ofron me qëllim të keq.stylus···28Dëshmitari i rremë do të vdesë, por njeriu që e dëgjon do të mund të flasë gjithnjë.stylus···29I pabesi e fortëson fytyrën e tij, por njeriu i drejtë e bën të qëndrueshme rrugën e tij.stylus···30Nuk ka as dituri, as zgjuarësi dhe as këshillë kundër Zotit.stylus···31Kali është gati për ditën e betejës, por fitorja i përket Zotit.stylus···