1Biri im, në rast se pranon fjalët e mia dhe i quan thesar urdhërimet e mia,stylus···2duke i vënë veshin diturisë dhe duke e prirur zemrën ndaj arsyes;stylus···3po, në rast se kërkon me ngulm gjykimin dhe ngre zërin për të siguruar mirëkuptim,stylus···4në rast se e kërkon si argjendin dhe fillon të rrëmosh si për një thesar të fshehur,stylus···5atëherë do të ndjesh frikën e Zotit dhe ke për të gjetur kuptimin e Perëndisë.stylus···6Sepse Zoti jep diturinë; nga goja e tij rrjedhin njohuria dhe arsyeja.stylus···7Ai mban rezervë për njerëzit e drejtë një ndihmë të fuqishme, një mburojë për ata që ecin me ndershmëristylus···8për të mbrojtur shtigjet e drejtësisë dhe për të ruajtur rrugën e shenjtorëve të tij.stylus···9Atëherë do të kuptosh drejtësinë, barazinë, ndershmërinë dhe tërë rrugët e së mirës.stylus···10Kur dituria të të hyjë në zemër, edhe njohja do të jetë e këndshme për shpirtin tënd,stylus···11të menduarit do të kujdeset për ty dhe gjykimi do të të mbrojë,stylus···12për të të çliruar nga rruga e keqe, nga njerëzit që flasin për gjëra të këqija,stylus···13nga ata që braktisin shtigjet e ndershmërisë për të ecur në rrugët e territ,stylus···14që gëzohen kur bëjnë të keqen dhe ndjejnë kënaqësi në çoroditjet e njeriut të keq,stylus···15shtigjet e të cilit janë të shtrembëra dhe rrugët dredha-dredha,stylus···16për të të shpëtuar nga gruaja që ka shkelur kurorën, nga gruaja e huaj që përdor fjalë mikluese,stylus···17që ka braktisur shokun e rinisë së saj dhe ka harruar marrëveshjen e lidhur me Perëndinë.stylus···18Sepse shtëpia e saj zbret drejt vdekjes dhe shtigjet e saj drejt të vdekurve.stylus···19Asnjë prej atyre që shkojnë tek ajo nuk kthehet, asnjë nuk i arrin shtigjet e jetës.stylus···20Kështu do të mund të ecësh në rrugën e të mirëve dhe do të mbetesh në shtigjet e të drejtëve.stylus···21Sepse njerëzit e drejtë do të banojnë tokën dhe ata të ndershëm do të qëndrojnë aty;stylus···22por të pabesët do të shfarosen nga toka dhe shkelësit do të hiqen prej saj.stylus···