1Prirjet e zemrës i përkasin njeriut, por përgjigja e gjuhës vjen nga Zoti.stylus···2Të gjitha rrugët e njeriut janë të pastra në sytë e tij, por Zoti i peshon frymët.stylus···3Besoja Zotit veprimet e tua dhe planet e tua do të realizohen.stylus···4Zoti ka bërë çdo gjë për vete të tij, edhe të pabesin për ditën e fatkeqësisë.stylus···5Ai që është zemërkrenar është i neveritshëm për Zotin; edhe sikur t'i shtrëngojë dorën një tjetri për besëlidhje, nuk ka për të mbetur pa u ndëshkuar.stylus···6Me mirësinë dhe me të vërtetën padrejtësia shlyhet, dhe me frikën e Zotit njeriu largohet nga e keqja.stylus···7Kur Zotit i pëlqejnë rrugët e një njeriu, ai bën që edhe armiqtë e tij të bëjnë paqe me të.stylus···8Më mirë të kesh pak me drejtësi, se sa të ardhura të mëdha pa drejtësi.stylus···9Zemra e njeriut programon rrugën e tij, por Zoti drejton hapat e tij.stylus···10Mbi buzët e mbretit është një vendim hyjnor; gjatë gjykimit goja e tij nuk duhet të gabojë.stylus···11Kandari dhe peshoret e sakta janë të Zotit, të gjitha gurët e peshës janë vepër e tij.stylus···12Éshtë një gjë e neveritshme për mbretërit të bëjnë të keqen, sepse froni bëhet i qëndrueshëm me drejtësinë.stylus···13Buzët e drejta u pëlqejnë mbretërve; ata e duan atë që flet drejt.stylus···14Zemërimi i mbretit është si lajmëtari i vdekjes, por njeriu i urtë do ta qetësojë atë.stylus···15Në dritën e fytyrës së mbretit ka jetë, dhe favori i tij është si reja e shiut të fundit.stylus···16Éshtë më mirë të fitosh dituri se sa ar, dhe të fitosh mënçuri se sa argjend.stylus···17Rruga kryesore e njerëzve të drejtë është të evitojnë të keqen; ai që do ta ruajë shpirtin e tij mbikqyr rrugën e tij.stylus···18Përpara shkatërrimit vjen kryelartësia dhe përpara rrëzimit fryma krenare.stylus···19Më mirë të kesh frymë të përulur me të mjerët se sa të ndash prenë me krenarët.stylus···20Kush i kushton kujdes Fjalës do të gjejë të mirën, dhe kush i beson Zotit është i lumtur.stylus···21I urti nga zemra do të quhet i matur, dhe ëmbëlsia e buzëve e shton diturinë.stylus···22Mendja është një burim jete për atë që e zotëron, por budallallëku është dënimi i budallenjve.stylus···23Zemra e të urtit e bën të mençur gojën e tij dhe e shton diturinë e buzëve të tij.stylus···24Fjalët e ëmbla janë si një huall mjalti, ëmbëlsi për shpirtin dhe ilaç për kockat.stylus···25Ka një rrugë që njeriut i duket e drejtë, por në fund ajo të nxjerr në udhët e vdekjes.stylus···26Personi që lodhet, lodhet për veten e tij, sepse goja e tij e nxit.stylus···27Njeriu i keq kurdis të keqen dhe mbi buzët e tij ka si një zjarr të ndezur.stylus···28Njeriu i çoroditur mbjell grindje dhe ai që shpif përçan miqtë më të mirë.stylus···29Njeriu i dhunës e josh shokun e vet dhe e çon nëpër një rrugë jo të mirë.stylus···30Kush mbyll sytë për të kurdisur gjëra të këqija, kafshon buzët kur shkakton të keqen.stylus···31Flokët e bardha janë një kurorë lavdie; atë e gjejmë në rrugën e drejtësisë.stylus···32Kush nuk zemërohet shpejt vlen më tepër se një luftëtar i fortë, dhe ai që e urdhëron frymën e tij vlen më tepër se ai që mposht një qytet.stylus···33Shorti hidhet që në barkun e nënës, por çdo veprim varet nga Zoti.stylus···