1Po të përbej, pra, përpara Perëndisë dhe Zotit Jezu Krisht, që ka për të gjykuar të gjallë e të vdekur, në dukjen e tij dhe në mbretërinë e tij:stylus···2prediko fjalën, ngul këmbë me kohë e pa kohë, kritiko dhe qorto, këshillo me çdo durim e doktrinë.stylus···3Sepse do të vijë koha kur njerëzit nuk do ta durojnë doktrinën e shëndoshë, por, sipas ëndjeve të veta, do të mbledhin grumbull mësues për të gudulisur veshëtstylus···4dhe do t'i largojnë veshët nga e vërteta e do t'i sjellin drejt përrallave.stylus···5Por ti rri syçelë në çdo gjë, duro vuajtjet, kryeje punën e ungjilltarit, përmbushe plotësisht shërbesën tënde.stylus···6Sa për mua, po derdhem si ofertë pije, dhe koha e nisjes sime arriti.stylus···7Luftën e mirë e luftova, e përfundova vrapimin, e ruajta besimin.stylus···8Pas kësaj më pret gati kurora e drejtësisë që Perëndia, gjykatësi i drejtë, do të ma japë atë ditë, dhe jo vetëm mua, por edhe gjithë atyre që presin me dashuri të shfaqurit e tij.stylus···9Përpiqu të vish shpejt tek unë,stylus···10sepse Dema më la, sepse deshi këtë botë, dhe iku në Thesaloniki; Kreshenci në Galati, Titi në Dalmaci.stylus···11Me mua është vetëm Lluka; merre Markun dhe sille me vete, sepse e kam shumë të dobishëm për shërbesë.stylus···12Tikikun e dërgova në Efes.stylus···13Kur të vish, sill mantelin që lashë në Troadë, pranë Karpit, dhe librat, sidomos pergamenat.stylus···14Aleksandri, remtari, më bëri shumë të këqija; Zoti ia shpagoftë sipas veprave të tij.stylus···15Ruaju edhe ti prej tij, sepse ka qenë kundërshtar i madh i fjalëve tona.stylus···16Në mbrojtjen time të parë në gjyq askush nuk qe me mua, por të gjithë më lanë; kjo të mos u numërohet për faj.stylus···17Por Zoti më ndenji pranë dhe më dha fuqi, që me anën time predikimi i ungjillit të kryhej plotësisht dhe ta dëgjonin të gjithë johebrenjtë; dhe unë shpëtova nga goja e luanit.stylus···18Edhe Zoti do të më shpëtojë nga çdo vepër e keqe dhe do të më ruajë për mbretërinë e tij qiellore. Lavdi atij në shekuj të shekujve. Amen.stylus···19Të fala Prishilës dhe Akuilës dhe shtëpisë së Onesiforit.stylus···20Erasti mbeti në Korint, por Trofimin e lashë të sëmurë në Milet.stylus···21Përpiqu të vish përpara dimrit. Të përshëndetin Eubuli, Pudenti, Lini, Klaudja dhe të gjithë vëllezërit.stylus···22Zoti Jezu Krisht qoftë me frymën tënde! Hiri qoftë me ju! Amen.stylus···