1Me bed dykk, brør, vedkomande vår Herre Jesu Kristi tilkoma og vår sameining med honom,stylus···2at de ikkje so snart må lata dykk villa burt frå vitet eller skræma, korkje ved nokor ånd eller ved nokon tale eller ved noko brev, liksom det skulde vera frå oss, som um Herrens dag alt stod for døri.stylus···3Lat ingen dåra dykk på nokon måte! for fyrst lyt fråfallet koma og syndmenneskjet verta openberra, fortapingssonen,stylus···4han som set seg imot og upphøgjer seg yver alt som heiter Gud eller heilagdom, so han set seg i Guds tempel og gjev seg sjølv ut for å vera Gud.stylus···5Minnest de ikkje at eg sagde dykk dette medan eg endå var hjå dykk?stylus···6Og no veit de kva som held att, so han fyrst skal verta openberra i si tid.stylus···7For løyndomen i lovløysa er alt verksam, berre at den som no held att, vert rudd undan;stylus···8og då skal den lovlause verta openberra, han som Herren Jesus skal tyna med sin munns ande og gjera til inkjes ved openberringi i si tilkoma.stylus···9Og hans tilkoma gjeng fyre seg etter Satans kraftige verknad med all kraft og teikn og under av lygni,stylus···10og med all dåring av urettferdi for deim som vert fortapte, av di dei ikkje tok imot kjærleik til sanningi, so dei kunde verta frelste.stylus···11Og difor sender Gud deim kraftig villfaring, so dei trur lygni,stylus···12so alle dei skal verta dømde, som ikkje hev havt tru til sanningi, men havt hugnad i urettferdi.stylus···13Men me er skuldige til å takka Gud alltid for dykk, brør, som er elska av Herren, for di Gud frå upphavet tok dykk ut til frelsa ved helging av Anden og tru på sanningi,stylus···14som han kalla dykk til ved vårt evangelium, til å vinna vår Herre Jesu Kristi herlegdom.stylus···15Difor, brør, stat traust og hald fast ved dei lærdomar som de hev lært anten ved vår tale eller ved brev frå oss!stylus···16Men han vår Herre Jesus Kristus, og Gud, vår Fader, som elska oss og gav oss ei æveleg trøyst og ei god von i nåde,stylus···17han trøyste dykkar hjarto og styrkje dykk i all god gjerning og tale!stylus···