1Og Abraham tok seg ei kona att; ho heitte Ketura.stylus···2Med henne fekk han Simran og Joksan og Medan og Midjan og Jisbak og Suah.stylus···3Og Joksan var far til Sjeba og Dedan. Og sønerne hans Dedan var Assurar og Letusar og Leummar.stylus···4Og sønerne hans Midjan var Efa og Efer og Hanok og Abida og Elda’a. Alle desse var borni hennar Ketura.stylus···5Abraham gav Isak alt det han åtte.stylus···6Men sønerne åt fylgjekonorne sine gav Abraham gåvor og let deim flytja burt frå Isak, son sin, og taka austetter, til Austerland, medan han endå livde.stylus···7Og dette er dagarne hans Abraham og den alderen han nådde: hundrad og fem og sytti år.stylus···8Og Abraham sålast og døydde etter ein god alderdom, gamall og mett av dagar, og kom til federne sine.stylus···9Og Isak og Ismael, sønerne hans, jorda honom i Makpelahelleren, på gjordet hans Efron, son åt Sohar, hetiten, austanfor Mamre,stylus···10det gjordet som Abraham hadde kjøpt av Hets-sønerne. Der vart Abraham og Sara, kona hans, jorda.stylus···11Men då Abraham var slokna, gav Gud velsigningi si til Isak, son hans. Og Isak, han budde attmed «Kjelda åt den som liver, og ser meg».stylus···12Dette er ættartalet åt Ismael, son hans Abraham, han som Abraham fekk med Hagar frå Egyptarland, terna hennar Sara.stylus···13Og dette er namni på sønerne hans Ismael, dei namni som er i ættarsoga deira: Nebajot, det var eldste son hans Ismael, og Kedar og Adbe’el og Mibsamstylus···14og Misma og Duma og Massastylus···15og Hadar og Tema og Jetur og Nafis og Kedma.stylus···16Dette var sønerne hans Ismael, og dette var namni deira, med grenderne og lægri deira, tolv ættarhovdingar.stylus···17Og dette er liveåri hans Ismael: hundrad og sju og tretti år. Og han sålast og døydde, og kom til federne sine.stylus···18Og dei budde frå Havila til Sur, som ligg midt for Egyptarland, når du tek leidi mot Assur. Midt for augo åt alle brørne sine slo han seg ned.stylus···19Dette er ættarsoga hans Isak, son åt Abraham:stylus···20Abraham var far åt Isak. Og Isak var fyrti år gamall, då han gifte seg med Rebekka, dotter åt Betuel, aramæaren frå Mesopotamia, syster åt Laban, aramæaren.stylus···21Og Isak bad til Herren for Rebekka, kona si, av di ho var barnlaus. Og Herren høyrde bøni hans, og Rebekka, kona hans, vart umhender.stylus···22Men borni drogst i livet hennar. Då sagde ho: «Er det so, kvi skal eg då vera til?» Og ho gjekk av stad og spurde Herren.stylus···23Og Herren sagde til henne: «I livet ditt er lydar tvo, Tvo folk skal frå ditt fang seg greina; Eitt folk er sterkare enn hitt. Den eldre skal den yngre tena!»stylus···24Då so tidi hennar kom, at ho skulde eiga barn, sjå, då var det tvillingar i livet hennar.stylus25Og den som kom fyrst, var raud, og loden yver allan, som ein feld; so kalla dei honom Esau.stylus···26Og då bror hans kom, heldt han med handi i hælen på Esau. So kalla dei honom Jakob. Då dei kom til verdi, var Isak seksti år gamall.stylus···27Og sveinarne voks upp, og Esau vart ein glup veidemann, og heldt til i skog og mark; men Jakob var ein mild og fredsam kar, og heldt seg heime, attmed tjeldbuderne.stylus···28Og Isak tykte gildast um Esau, for han åt gjerne vilt; men Rebekka tykte gildast um Jakob.stylus···29Ein gong koka Jakob ein velling; då kom Esau heim av skogen, og var trøytt og mod.stylus···30Og Esau sagde med Jakob: «Å lat meg få gløypa i meg noko av det raude, dette raude der; eg er reint kvitt!» Difor kallar dei honom Edom.stylus···31Då sagde Jakob: «Sel meg fyrst odelen din!»stylus32Og Esau sagde: «Du ser, eg er åt og skal døy; kva skal eg då med odelen?»stylus···33«Gjer fyrst eiden på det!» sagde Jakob. So gjorde Esau eiden på det, og selde odelen sin til Jakob.stylus···34Og Jakob gav Esau brød og linsevelling, og han åt, og drakk, og reis upp, og gjekk sin veg. So lite vyrde Esau odelen.stylus···