1adtendite ne iustitiam vestram faciatis coram hominibus ut videamini ab eis alioquin mercedem non habebitis apud Patrem vestrum qui in caelis eststylus···2cum ergo facies elemosynam noli tuba canere ante te sicut hypocritae faciunt in synagogis et in vicis ut honorificentur ab hominibus amen dico vobis receperunt mercedem suamstylus···3te autem faciente elemosynam nesciat sinistra tua quid faciat dextera tuastylus···4ut sit elemosyna tua in abscondito et Pater tuus qui videt in abscondito reddet tibistylus···5et cum oratis non eritis sicut hypocritae qui amant in synagogis et in angulis platearum stantes orare ut videantur ab hominibus amen dico vobis receperunt mercedem suamstylus···6tu autem cum orabis intra in cubiculum tuum et cluso ostio tuo ora Patrem tuum in abscondito et Pater tuus qui videt in abscondito reddet tibistylus···7orantes autem nolite multum loqui sicut ethnici putant enim quia in multiloquio suo exaudianturstylus···8nolite ergo adsimilari eis scit enim Pater vester quibus opus sit vobis antequam petatis eumstylus···9sic ergo vos orabitis Pater noster qui in caelis es sanctificetur nomen tuumstylus···10veniat regnum tuum fiat voluntas tua sicut in caelo et in terrastylus···11panem nostrum supersubstantialem da nobis hodiestylus···12et dimitte nobis debita nostra sicut et nos dimisimus debitoribus nostrisstylus···13et ne inducas nos in temptationem sed libera nos a malostylus···14si enim dimiseritis hominibus peccata eorum dimittet et vobis Pater vester caelestis delicta vestrastylus···15si autem non dimiseritis hominibus nec Pater vester dimittet peccata vestrastylus···16cum autem ieiunatis nolite fieri sicut hypocritae tristes demoliuntur enim facies suas ut pareant hominibus ieiunantes amen dico vobis quia receperunt mercedem suamstylus···17tu autem cum ieiunas ungue caput tuum et faciem tuam lavastylus···18ne videaris hominibus ieiunans sed Patri tuo qui est in abscondito et Pater tuus qui videt in abscondito reddet tibistylus···19nolite thesaurizare vobis thesauros in terra ubi erugo et tinea demolitur ubi fures effodiunt et furanturstylus20thesaurizate autem vobis thesauros in caelo ubi neque erugo neque tinea demolitur et ubi fures non effodiunt nec furanturstylus21ubi enim est thesaurus tuus ibi est et cor tuumstylus22lucerna corporis est oculus si fuerit oculus tuus simplex totum corpus tuum lucidum eritstylus23si autem oculus tuus nequam fuerit totum corpus tuum tenebrosum erit si ergo lumen quod in te est tenebrae sunt tenebrae quantae eruntstylus24nemo potest duobus dominis servire aut enim unum odio habebit et alterum diliget aut unum sustinebit et alterum contemnet non potestis Deo servire et mamonaestylus25ideo dico vobis ne solliciti sitis animae vestrae quid manducetis neque corpori vestro quid induamini nonne anima plus est quam esca et corpus plus est quam vestimentumstylus26respicite volatilia caeli quoniam non serunt neque metunt neque congregant in horrea et Pater vester caelestis pascit illa nonne vos magis pluris estis illisstylus27quis autem vestrum cogitans potest adicere ad staturam suam cubitum unumstylus28et de vestimento quid solliciti estis considerate lilia agri quomodo crescunt non laborant nec nentstylus29dico autem vobis quoniam nec Salomon in omni gloria sua coopertus est sicut unum ex istisstylus30si autem faenum agri quod hodie est et cras in clibanum mittitur Deus sic vestit quanto magis vos minimae fideistylus31nolite ergo solliciti esse dicentes quid manducabimus aut quid bibemus aut quo operiemurstylus32haec enim omnia gentes inquirunt scit enim Pater vester quia his omnibus indigetisstylus33quaerite autem primum regnum et iustitiam eius et omnia haec adicientur vobisstylus34nolite ergo esse solliciti in crastinum crastinus enim dies sollicitus erit sibi ipse sufficit diei malitia suastylus