1Qui diligit disciplinam diligit scientiam ; qui autem odit increpationes insipiens est.stylus2Qui bonus est hauriet gratiam a Domino ; qui autem confidit in cogitationibus suis impie agit.stylus3Non roborabitur homo ex impietate, et radix justorum non commovebitur.stylus4Mulier diligens corona est viro suo ; et putredo in ossibus ejus, quæ confusione res dignas gerit.stylus5Cogitationes justorum judicia, et consilia impiorum fraudulenta.stylus6Verba impiorum insidiantur sanguini ; os justorum liberabit eos.stylus7Verte impios, et non erunt ; domus autem justorum permanebit.stylus8Doctrina sua noscetur vir ; qui autem vanus et excors est patebit contemptui.stylus9Melior est pauper et sufficiens sibi quam gloriosus et indigens pane.stylus10Novit justus jumentorum suorum animas ; viscera autem impiorum crudelia.stylus11Qui operatur terram suam satiabitur panibus ; qui autem sectatur otium stultissimus est. Qui suavis est in vini demorationibus, in suis munitionibus relinquit contumeliam.stylus12Desiderium impii munimentum est pessimorum ; radix autem justorum proficiet.stylus13Propter peccata labiorum ruina proximat malo ; effugiet autem justus de angustia.stylus14De fructu oris sui unusquisque replebitur bonis, et juxta opera manuum suarum retribuetur ei.stylus15Via stulti recta in oculis ejus ; qui autem sapiens est audit consilia.stylus16Fatuus statim indicat iram suam ; qui autem dissimulat injuriam callidus est.stylus17Qui quod novit loquitur, index justitiæ est ; qui autem mentitur, testis est fraudulentus.stylus18Est qui promittit, et quasi gladio pungitur conscientiæ : lingua autem sapientium sanitas est.stylus19Labium veritatis firmum erit in perpetuum ; qui autem testis est repentinus, concinnat linguam mendacii.stylus20Dolus in corde cogitantium mala ; qui autem pacis ineunt consilia, sequitur eos gaudium.stylus21Non contristabit justum quidquid ei acciderit : impii autem replebuntur malo.stylus22Abominatio est Domino labia mendacia ; qui autem fideliter agunt placent ei.stylus23Homo versatus celat scientiam, et cor insipientium provocat stultitiam.stylus24Manus fortium dominabitur ; quæ autem remissa est, tributis serviet.stylus25Mœror in corde viri humiliabit illum, et sermone bono lætificabitur.stylus26Qui negligit damnum propter amicum, justus est ; iter autem impiorum decipiet eos.stylus27Non inveniet fraudulentus lucrum, et substantia hominis erit auri pretium.stylus28In semita justitiæ vita ; iter autem devium ducit ad mortem.stylus
